PAOLE 7:8 - KITTA' MATANGKASA'

⁸ Mingka Napileko Batara lanri Nakamaseangko siagang eroki Narupai janji Napareka siagang boe-boenu. Iaminjo saba'na nale'ba' mako Napasalama' siagang kakoasang lompoNa siagang Nalappassangko battu ri nipare' atanu battu ri karaeng Mesir.

PAOLE 7:8 ပူးပေါင်းရင်းမြစ်များ

PA'JARIANG 19:16

Ranggaselami nyawana Lot. Mingka nikamaseammi ri Batara. Jari nirurungammi Lot siagang bainenna kammayatompa anjo ruaya ana'na ri anjo ruaya toananna assulukang battu ri anjo kotaya.

PA'JARIANG 19:29

Kammaminjo kajarianna ri wattunna Napanraki Allata'ala anjo kota-kotaya, ri lappara' napammantangia Lot. Angngu'rangi Allata'ala ri Abraham, sa'genna natulummo Lot ampilari anjo tampaka.

2 SAMUEL 22:20

Ia ampata'lappasakka' battu ri bahayaya na Napasalamakka' lanri pangngellainNa mae ri nakke.

1 KARAENG-KARAENG 10:9

Nipujimi Batara, Allata'alata! Lalang Naangkatta a'jari karaeng Israel, Napappicinikammi Batara antekamma mangngaiNa mae ri katte. Tena le'ba'-le'ba'na Nakamaseang bansa Israel; Iaminjo saba'na na Naangkakki' a'jari karaenna ke'nanga, sollanna akkulle kipaenteng hukkunga siagang kaadelanga.”

1 PATTOTTORANG 16:16

Appareki parjanjiang siagang Abraham nampa pole siagang Ishak,

2 PATTOTTORANG 9:8

Nipujimi arenNa Batara, Allata'alata! Lanri Naangkatta a'jari karaeng untu' ammarenta lalang arenNa Napappicinikammi antekamma sannanNa mae ri katte. Lanri Nakamaseanna umma' Israel siagang Nakellaina tuli nia' ke'nanga, Naangka'maki' a'jari karaeng mae ri ke'nanga, sollanna akkulle kipaenteng hukkunga siagang kaadelanga.”

PAMMUJI 105:42

Saba' Nau'rangi Batara janjinNa mae ri Abraham, atanNa.

PAMMUJI 44:3

IKatte kalenTa ambongkai bansa-bansaya sollanna ammantang ummatTa ri pa'rasanganna ke'nanga. Bansa-bansa maraenga Kicilakai, mingka ummatTa Kilappassang a'bakka'-bakka'.

PAMMUJI 44:4

Anjo buttaya tena naalle passai ke'nanga siagang pa'dang; teai lanri kagassingang kalenna nammeta ke'nanga, mingka lanri koasana siagang cayana kahaderanTa, saba' mangngellaiKi' mae ri ummatTa.

KALAPPASSANG 13:14

Punna ri bokoang allo nakkuta'nang ana'nu angkana apa ngaseng battuanna anjo sikammaya, musti appialiko angkana, ‘Lalang koasa malompoNa Batara na Naerang maki' assulu' battu ri pa'rasangang Mesir, tampatta nipare' ata.

KALAPPASSANG 13:3

Nakanamo Musa mae ri bansa Israel, “Anne alloa Nalappassang mako Batara lalang koasa malompoNa, sa'genna akkulle mako assulu' battu ri Mesir, tampa'nu nipare' ata. Lanri kammana anjo, pakalompomi anne alloa. Teako angnganrei roti ammakea pa'gambang.

KALAPPASSANG 20:2

“INakkemi Karaeng Allata'alanu, angngerangako assulu' battu ri Mesir, tampa'nu nipare' ata.

KALAPPASSANG 32:13

Kiu'rangi sikamma atanTa Abraham, Ishak siagang Yakub. Kiu'rangi angkanaya assumpaKi' a'janji untu' assarei ke'nanga jari-jari rapang bintoeng ri langi' jaina, kammayatompa angkanaya sikontu anjo butta Kipa'janjianga lanapatangi jari-jarina ke'nanga sa'genna satunggu-tungguna.”

KALAPPASSANG 6:6

LaKupa'jariko ummakKu, siagang iNakke a'jari Allata'alanu. Na lanuassemmo angkanaya iNakkemi anne Batara, Allata'alanu, le'baka allappassangko battu ri Mesir, ampare' atayako.

YESAYA 43:4

Nia' anggarannu ri matangKu, Kuanggarakko siagang Kukamaseangko; jari Kupassareangi rupataua a'jari sambennu, bansa-bansaya a'jari sambe nyawanu.

YESAYA 63:9

Ia KalenNa nituju ri kasusaanna ke'nanga. Tena Nakkiring Batara tunisuro yareka tunisare koasa; Ia KalenNa allappassangi ke'nanga lanri pangngamaseanNa siagang pangngarimanginNa. Tuli Naparakai ke'nanga battu riolo.

YEREMIA 31:3

battu bella Kupappicinikangi KalengKu mae ri ke'nanga. He umma' Israel, battu rioloji naKukamaseangko, siagang situlusu'na tuli laKupicinikiangko angkanaya tuli mangngamaseangA' mae ri kau.

YEHEZKIEL 36:22

Lanri kammana anjo, pabattui apa Kupaua, iNakke Batara Kaminang Tinggia, mae ri bansa Israel, angkana, ‘Anjo apa Kugaukanga sallang, teai lanri ikau he tu Israel, passangalinna lanri arengKu matangkasaka, ia le'baka nura'massi, manna pole kemae lampanu.

MIKHA 6:4

Le'ba' mako Kuerang assulu' battu ri butta Mesir, siagang Kulappassangko battu ri nipareka ata; le'ba'mi Kusuro Musa, Harun, siagang Miryam untu' ampimpingko.

MIKHA 7:20

Mae ri ummatTa, iamintu jari-jarina Abraham siagang Yakub, laKipappicinikangi majarretTa siagang pangngainTa tenaya sanggana sangkamma Kipa'janjianga mae ri boe-boena ikambe battu riolo dudu.

ZEFANYA 3:17

Nala'langiko Karaeng Allata'alanu porea. Ammetako lanri kakoasanNa. Rannui pa'mai'Na siagang sannangi nyawaNa Batara lanri ikau, lanri pangngamaseanNa na Nasareko katallassang beru.

MALEAKHI 1:2

Nakana Batara mae ri umma'Na, “MangngamaseangA' mae ri kau ngaseng.” Mingka appiali ke'nanga angkana, “Antekamma bateTa angkamaseangi ikambe Batara?” Appiali Batara angkana, “Sai anjo Esau daenna Yakub? Mingka Yakub Kukamaseang,

MATIUS 11:26

Iaminjo ampakasannangi atinTa.”

LUKAS 1:55

Batara tamakkaluppa ri janjinNa baji' ati ri Abraham na sossorang satungguna.”

ROMA 11:28

Lanri teana tu Yahudia antarimai Kabara' Baji' battua ri Allata'ala, a'jari musumi ke'nanga ri Allata'ala; na iaminjo ba'lalo ampa'jari upaki bansa-bansa maraenga. Mingka lanri nipilena ri Allata'ala, tuli nikamaseammi ri Allata'ala anjo tu Yahudia, passabakkang boe-boena ke'nanga.

PAOLE 1:8

INakke, Batara, le'ba' ampa'janjiangi sikontu anjo buttaya mae ri boe-boenu iamintu Abraham, Ishak siagang Yakub kammayatompa mae ri jari-jarina ke'nanga. Jari a'lampa mako mange ampammantangngi anjo buttaya.’ ”

PAOLE 10:15

Mingka teai sipato' lompona pangngamaseanNa Batara mae ri boe-boenu, sa'genna ikaumi Napile battu ri alla'na sikontua bansa, siagang sa'genna kamma-kamma anne ikauji umma'Na Napilea.

PAOLE 23:6

Lalang sikontu tallasa'na, tena sikali naNatulungi anjo bansa-bansaya yareka tena sikali naNapa'jari salewangang ke'nanga.

PAOLE 33:3

Nakarimangngi Batara bansaNa, Nala'langngi taunNa. Umba kisu'ju' ri dallekang bangkenNa siagang mannuruki ri parenta-parentaNa.

PAOLE 4:20

Mingka ikaumi bansa Napasalamaka battu ri butta Mesir, tampa'nu sessa dudu riolo. Naerangko assulu' battu ri anjo pa'rasanganga, sollannu a'jari bansa KalenNa sangkamma kaadaannu kamma-kamma anne.

PAOLE 4:34

Le'bakika nia' rewata barani angngalle se'reang bansa battu ri bansa-bansaya nampa napa'jari ke'nanga umma' kalenna, sangkamma Nagaukanga Karaeng Allata'alanu untu' ikau ri Mesir? Kalennu anciniki antekamma bateNa Allata'ala appabattu kagassingang lompo, angngeranga bala siagang pa'bundukang, anggaukangai gau'-gau' appakalannasaka siagang apa-apa hebaka.

PAOLE 4:37

Lanri Nakamaseangi boe-boenu, na Napile mako; lanri koasa malompoNa na Naerang mako assulu' battu ri Mesir.

PAOLE 5:6

Napappiassengangi Batara angkana, ‘INakke Karaeng Allata'alanu le'baka angngerangko assulu' battu ri butta Mesir, tampa'nu nipare' ata.

1 YOHANES 4:19

Mangngamaseangki', lanri Allata'ala la'bi riolo angkamaseangki'.

1 SAMUEL 12:22

Le'ba'mi assumpa Batara, angkanaya tena nalaNabokoiko, lanri le'ba'namo Napattantu angkanaya laNapa'jariko umma' KalenNa.