PAOLE 7:5 - KITTA' MATANGKASA'

⁵ Lanri kammana anjo, rumbangi tampa'-tampa' pakkoro'bangnganna anjo bansa-bansaya, ancuru' ngasengi benteng-benteng batu nakanaya ke'nanga karamaki, ra'bai gamba'-gambara'na barhala Asyera, siagang tunui sikamma patung-patung barhala nasombaya ke'nanga.

PAOLE 7:5 ပူးပေါင်းရင်းမြစ်များ

2 KARAENG-KARAENG 10:26

nampa napasulu' patunna anjo Baalka nampa natunu.

1 PATTOTTORANG 14:12

Ri wattunna larimo pasukang Filistin, tenamo nasawe ke'nanga angngerangi patung-patung barhalana ke'nanga. Naparentakammi Daud sollanna nitunu ngaseng anjo patung-patunga.

2 PATTOTTORANG 14:3

Napakabellai tampa'-tampa' pakkoro'bangnganna bansa maraenga siagang tampa'-tampa' panynyombanga mae ri barhalaya. Tembo'-tembo' patung rewataya naancuruki, siagang benteng-bentenna patung Dewi Asyera narumbangi.

KALAPPASSANG 23:24

Teako anynyombai ri sikamma patung-patung pa'la'langanna ke'nanga siagang teako palembai carana ke'nanga anggaukangi ibadana. Ancuru' ngasengi anjo sikamma patung-patung pa'la'langanna ke'nanga, siagang tepoki sikamma benteng-bentenna batu napakea ke'nanga untu' anggaukangi ibadana.

KALAPPASSANG 32:20

Nampa naalle anjo patung sapi bate pare'na anjo tu Israelka, na napasolong, nadengka sa'genna alusu' sangkamma limbu'bu', nampa nacampuru' siagang je'ne'. Nampa nasuro tu Israelka angnginungi.

KALAPPASSANG 34:13

Jari, tea' laloko gaukangi kammaya; mingka rumbangi sikamma tampa' pakkoro'bangnganna ke'nanga, ancuruki sikamma batu-batu karama'na ke'nanga, kammayatompa ta'bang ngasengi sikamma benteng-bentenna Asyera, iamintu barhalana ke'nanga.

YESAYA 17:8

Tenamo nalamanrannuang pole ke'nanga ri wassele' bate pare' kalenna ke'nanga, iamintu ri tampa'-tampa' pattunuang dupana, siagang patung-patunna rewata baine niarenga Asyera.

KAIMANGNGANG 26:1

Nakana Batara, “Teako appareki barhala yareka teako appaentengi patung yareka benteng batu niukirika untu' nusomba. INakkemi Karaeng Allata'alanu.

PAMMILANGNGANG 33:52

musti nubongkai sikontu pandudu'na anjo pa'rasanganga. Ancuru' ngasengi sikontu barhalana ke'nanga battua ri batu siagang bassi-bassiang kammayatompa tampa'-tampa' ibadana ke'nanga.

PAOLE 16:21

Punna apparekko tampa' pakkoro'bangngang untu' Karaeng Allata'alanu, teako ammoliki kayu patunna Rewata Asyera ri sa'rinna,

PAOLE 16:22

siagang tea tongko appaentengi benteng untu' anynyomba mae ri rewata maraeng, lanri Nakabirisi Karaeng Allata'alanu anjo panggaukang kammaya.

PAOLE 7:25

Tunui sikamma patung-patung barhala nasombaya ke'nanga. Teako cinnai ri pera' yareka bulaeng niaka ri kalenna siagang teako allei untu' kalennu. Punna nudakkai anjo parentaya tena tamatenu, nasaba' Nakabirisi Karaeng Allata'alanu anynyombaya ri patung barhalaya.

PAOLE 9:21

Anjo patung sapi nupareka, kupasambilai antama' ri pepeka. Nampa kuancuru' siagang kudengka sa'genna alusu' sangkamma limbu'bu, nampa kupasambila anjo limbu'buka antama' ri kaloro' a'lo'loroka battu ri anjo monconga.