PAOLE 7:24 - KITTA' MATANGKASA'

²⁴ LaNapassareangi sikamma karaenna ke'nanga mae ri kau. Lanubunoi ke'nanga, nampa nikaluppaimo arenna ke'nanga. Tena manna sitau akkulle attahang andallekangko; anjo ke'nanga lanuancuru' ngasengi.

PAOLE 7:24 ပူးပေါင်းရင်းမြစ်များ

PAMMUJI 9:5

Nasaba' iKatte ammarenta, a'jari haking adele'; IKatte ampattojenga' ri parkaraku.

KALAPPASSANG 17:14

Nakanamo Batara ri Musa, “Tulisiki anne passala' pammetanga sollanna tuli niu'rangi. Paui mae ri Yosua angkanaya iNakke ampanraki anjo tu Amalek.”

PANGNGEBARANG 10:7

Pangngu'rangia mae ri tau bajika angngerangi barakka', mingka tau ja'dalaka lintaki nikaluppai.

YESAYA 54:17

Mingka sikamma sanjata nipareka untu' ambaliangko, tena ngaseng nala'matu-matu. Na sikamma tuduhang ri kalennu ri pangadelanga lanupa'butti angkanaya sala ngasengi. INakke lassareko hadia pammetang ikau sikamma atangKu,” kammaminjo kananNa Batara.

YEREMIA 10:11

Ikau ngaseng, he ummaka, musti nupauangi ke'nanga angkanaya lanipanraki anjo sikamma rewata-rewata tenaya napa'jari langika siagang buttaya. Lanipa'lanynyaki ke'nanga battu ri tompo'na buttaya.)

ZEFANYA 1:4

LaKuhukkungi pandudu'na Yerusalem siagang sikontu Yehuda. Sesa-sesa panynyombanga mae ri Rewata Baal laKupa'lanynyaki battu ri anjo tampa'-tampaka. Imang-imang allayania mae ri Rewata Baal lanikaluppai taba sikali ngasengi.

ROMA 8:37

Tena! Ba'lalo lalang ri sikammaya ngaseng anjo anggappa maki' pammetang tojeng-tojenga lanri Ia mangngamaseanga mae ri katte ngaseng!

1 KORINTUS 15:57

Sukkurukki' mae ri Allata'ala; nasaba' Nasare maki' pammetang lalang ri Isa Almasi, Batarata!

PAOLE 11:25

Ri sikontu anjo pa'rasanganga laNapa'jari malla' ngasengi Karaeng Allata'alanu sikontu taua mae ri kau sangkamma le'baka Napa'janjiang, sa'genna manna sitau tania' akkulle anrompaiko.

PAOLE 25:19

Lanri kammana anjo, punna Napassareammo Karaeng Allata'alanu anjo pa'rasanganga mae ri kau, siagang amang mako battu ri sikamma musunnu niaka ri tammulilinu, anjo sikontu tu Amalek musti nubuno ngasengi sa'genna nikaluppaimo ke'nanga. Teako kaluppai!”

PAOLE 29:20

Tena nalanipammopporang ri Batara tau kammaya anjo. Kabalekanna, lanitabai ri pangngalarroi lompoNa Batara, siagang sikontu anjo bala niaka tattulisi' lalang ri anne kittaka labattui antujui, sa'genna nipanraki ri Batara.

PAOLE 9:14

Teako coba-cobai anrompaiA'. ErokKa' angngancuruki ke'nanga sa'genna nikaluppaimo ke'nanga. Mingka ikau laKupa'jariko mangge ri se'reang bansa lompoangnganga siagang kassakangnganga naanjo ke'nanga.’

PAOLE 9:3

Mingka kamma-kamma anne ikau kalennu lanciniki antekamma bateNa Karaeng Allata'alanu a'jappa ri dallekannu rapang pepe' appakamutunga. LaNabetai ke'nanga ri dallekang matannu, sa'gennu akkulle ambongkai ke'nanga siagang angngancuruki silalonna ke'nanga sangkamma Napa'janjianga Batara.

YOSUA 1:5

Manna sitau tania' lakkulle ambetako, Yosua, lalang tallasa'nu. Nasaba' iNakke latuli anrurungangko ri sa'rinnu sangkamma riolo iNakke anrurungangi Musa ri sa'rinna. Tena nalaKubokoiko.

YOSUA 10:23

Nisungkemi anjo kali'bong batua, nampa nierang assulu' karaeng-karaeng Yerusalem, Hebron, Yarmut, Lakhis siagang Eglon,

YOSUA 10:40

Sikontu anjo pa'rasanganga nibeta ngasemmi ri Yosua. Nabetai anjo sikamma karaenga ri daera pa'monconganga, ri pungku'na bulu'-bulu' irayaya, ri bangkenna moncong-moncong bageang ilauka, kammayatompa ri parang-parang bageang timboroka. Tena manna sitau nalappassang attallasa'; nibuno kabusuki. Anjo kammaya situruki parenta battua ri Batara, Allata'alana Israel.

YOSUA 10:42

Lalang sikali bawang pa'bundukang na nabeta ngaseng Yosua sikamma anjo karaenga siagang naalle daera-daera kakoasanna ke'nanga, lanri Batara, Allata'alana Israel a'bundu' untu' tu Israel.

YOSUA 10:8

Nakana Batara ri Yosua, “Teako mallakki mae ri ke'nanga. Le'ba'mi Kupattantu laKupassareang pammetanga mae ri kau; lanri kammana anjo tena manna sitau ri ke'nanga akkulle attahang angngewako.”

YOSUA 11:17

Luara'na anjo daeraya appakkaramulai battu ri Pa'moncongang A'gondoloka ri bageang timboro' ri ampi'na Edom, sa'genna wara' ri Baal-Gad ri Lappara' Libanon ri timboranna Moncong Hermon. Sallo sikali Yosua a'bundu' siagang sikamma karaeng niaka anjoreng ri daeraya, mingka kale'bakkanna najakkala'mi siagang nabuno ngasemmi ke'nanga.

YOSUA 21:44

Jari situru' apa Napa'janjianga Batara mae ri boe-boena ke'nanga, a'jari amammi anjo pa'rasanganga lanri nila'langngi ri Batara. Manna se're tania' battu ri musu-musunna ke'nanga akkulle angngewai ke'nanga, lanri Batara assarei ke'nanga pammetang mae ri sikontu musunna ke'nanga.

YOSUA 23:3

Le'ba'mi kucini' ngaseng sikontu apa Nagaukanga Karaeng Allata'alanu mae ri sikontu bansa niaka anrinni lanri untu' ikau ngaseng. KalenNa Karaeng Allata'alanu barjuang untu' ikau.

YOSUA 23:9

Le'ba'mi Nabongka Batara bansa-bansa lompoa siagang kassaka untu' ikau ngaseng; tena manna sitau battu ri ke'nanga akkulle attahang angngewako.

YOSUA 6:2

Nakanamo Batara ri Yosua, “Kamma-kamma anne Kupassareangi mae ri kau anjo Yerikho siagang karaenna kammayatompa sikontu tantara baranina.