PAOLE 7:21 - KITTA' MATANGKASA'

²¹ Jari teako mallakki mae ri anjo bansa-bansaya. Karaeng Allata'alanu lanjagaiko. Iami Allata'ala malompo siagang sannaka heba'na.

PAOLE 7:21 ပူးပေါင်းရင်းမြစ်များ

2 PATTOTTORANG 32:8

Ia ke'nanga kagassingang rupatau napake, mingka ikatte nia' Karaeng Allata'alata untu' ambantuki' siagang la'bunduka untu' ikatte.” Nalangngere'na kana-kananna karaenna ke'nanga, a'jari baranimi ra'yaka.

NEHEMIA 1:5

kukana, “O, Karaeng Allata'ala makoasaya ri suruga. IKattemi Allata'ala Malompoa, na mandallekammo ikambe ri Katte lalang malla'. TamamminrayaKi' ri janjinTa mae ri tau mangngaia ri Katte siagang mannurukia ri parentaTa.

NEHEMIA 4:14

Kucini'na angkana mallaki ra'yaka, kukanamo ri ke'nanga siagang ri tutoa-toana kammayatompa sikamma pamimpinna ke'nanga, “Teako mallaki ri musua! Angngu'rangiko mae ri Batara makassaka siagang sannaka heba'na, siagang barjuangko untu' sikamma sari'battannu, ana'-ana'nu, bainennu kammayatompa balla'nu.”

NEHEMIA 9:32

O, Allata'ala, Allata'alana ikambe magassinga! Allata'ala malompoa siagang hebaka! MajarrekKi' anta'galaki sikontu parjanjianTa; Kirupai siagang Kigaukangi janji-janjinTa. Battu ri jammang sikamma karaeng Asyur anjallakkangi ikambe sa'genna kamma-kamma anne jaimi pa'risi' nakasia' ikambe. Sikamma karaenna ikambe, imang, na'bi siagang tutoa-toaya, kammayatompa boena ikambe siagang ra'yaka pa'risi' ngaseng. Teaki' kaluppai anjo pa'risika! Teaki' pelakki ri pangngu'ranginTa!

PAMMUJI 27:1

Pammujina Daud. Batarami caya singarakku siagang kasalamakkangku, tena lakukamallakkang. Batara tampa' pa'la'langangku, tena kulamalla'.

PAMMUJI 46:11

Nakana, “Pammari a'bunduka; assengi, angkana iNakke anne Allata'ala, iNakke malompo ri alla'na bansa-bansaya, malompo ri sikontu linoa.”

PAMMUJI 46:5

Nia' lo'lorang je'ne' binanga ampakarannui KotaNa Allata'ala, tampa' pammantanganNa Allata'ala Kaminang Tinggia.

PAMMUJI 46:6

Ammantangi Allata'ala anjoreng, jari talapossokami anjo kotaya; laNatulungi ri wattu ammumbana alloa.

PAMMUJI 46:7

A'gunturu'mi Allata'ala, na ancuru' taba sikali linoa; gegere'mi bansa-bansaya, runtummi sikamma karaenga.

PAMMUJI 47:2

Attempa-tempa limako siagang rannu, he sikontu bansaya! Pujimi Allata'ala siagang pakkio' rannu!

PAMMUJI 68:35

Akuimi koasaNa Allata'ala makkanaya nakamma ri Israel, koasaNa sa'genna langi'.

PAMMUJI 89:8

NipakalompoKi' ri sikamma tau matangkasaka, nikamallakkangKi' la'biangngang nasikontu niaka ri tammuliliTa.

PAMMUJI 95:3

Saba' Batarami Allata'ala malompo, Karaeng malompo rateanganna sikontu rewataya.

KALAPPASSANG 29:45

LammantangA' ri tangnga-tangngana bansa Israel, siagang iNakke a'jari Allata'alana ke'nanga.

DANIEL 9:4

Sikontu dosana bansaku kuakui mae ri Karaeng Allata'alaku. Kukana, “O Karaeng Allata'ala, iKatte malompo, na ikambe mappakalompo ri Katte. Tuli Kirupai janjinTa siagang Kipa'nyatai pangngamaseang tamattapputTa mae ri ke'nanga mangngamaseanga ri Katte siagang anggaukangai apa Kiparentakanga.

PAMMILANGNGANG 14:14

siagang lanacaritai ke'nanga mae ri sikamma tau niaka anrinni angkanaya iKatte, Batara, anrurungangi ikambe. Le'ba' tommi nalangngere' ke'nanga angkanaya Kipappicinikangi KalenTa mae ri kambe ri wattunTa a'jappa ri dallekanna ikambe lalang ri benteng rammanga punna allo, siagang lalang ri benteng pepeka punna bangngi.

PAMMILANGNGANG 14:42

Teako mangei a'bundu'! Lanibetako ri musu-musunnu lanri tena Narurungangko Batara.

PAMMILANGNGANG 14:9

Teako angngewai mae ri Batara, siagang teako mallakki mae ri tau niaka ammantang anjoreng ri pa'rasanganga, nasaba' gampang sikali lanibeta. Anjo alla'langiai ke'nanga a'lampami ambokoi ke'nanga, siagang Batara anrurungangki'. Jari teako mallakki.”

PAMMILANGNGANG 16:3

A'lampa ngasemmi siagang ke'nanga mange andallekang ri Musa siagang Harun nampa angkana, “Angganna'mi anjo sikammaya Musa! Sikontu umma' Israel nisa'laki untu' Batara. Nampa niaki Batara ri tangnga-tangngata ngaseng. Mingka angngapa nanukana kalennu la'bi tinggiangangko na umma'Na Batara?”

PAMMILANGNGANG 21:34

Nakanamo Batara mae ri Musa, “Teako mallakki mae ri ia. LaKusareko pammetang. Lanubetai anjo karaenga, sikontu ra'ya'na kammayatompa pa'rasanganna. Gaukammi ri ia sangkamma apa le'baka nugaukang mae ri Karaeng Sihon ammarentaya ri Hesybon.”

PAMMILANGNGANG 23:21

Tena kaja'dallang nicini' ri kalenna Yakub; tena kasukkarrang nicini' ri tu Israel. Batara, Allata'alana ke'nanga, anrurungangi ke'nanga. Akkio' rannui ke'nanga angkana: Iami Karaeng!

PAMMILANGNGANG 9:20

Mingka nia' todong wattu napirangallo areja anjo rammanga nia' irateanganna anjo Kemaya. Manna pole naantekamma, parentaNaji bawang Batara ampattantui ammantang ke'nanga ri se'reang tampa' yareka ambokoi anjo tampaka.

1 KORINTUS 14:25

La'jari singara'mi sikamma apa taccokkoa lalang ri atinna, sa'genna napakatuna kalenna, nampa anynyomba mae ri Allata'ala. Lamangakumi angkanaya ma'nassa nia' tojengi Allata'ala ri tangnga-tangnganu.

PAOLE 10:17

Karaeng Allata'alanu ri tompo'na sikontu rewataya siagang irateanganna sikontu kakoasanga. Iami Allata'ala mala'biri' siagang makoasaya, mustia nituruki ero'Na. TaNangaiyai angngalle sialia siagang tena todong Naero' annarima passare nipacoco'.

PAOLE 20:1

“Punna a'lampako mange a'bundu' angngewai musu-musunnu, teako mallakki anciniki kareta bundu' siagang jaranna ke'nanga jaia, kammayatompa tantarana ke'nanga jaiangnganga na ikau. Karaeng Allata'alanu, iamintu le'baka allappassangko battu ri Mesir, Iatommi lantulungko.

PAOLE 25:8

Nampa sikamma tau toa-toana kotaya musti nakioki anjo taua nampa naagang a'bicara. Punna tuli tenana naero',

PAOLE 31:17

Punna kajariang anjo kammaya, la'bettese'mi larroKu mae ri ke'nanga. LaKubokoi ke'nanga siagang laKupanraki. Jai bala lompo lantujui ke'nanga; nampami sadara' ke'nanga angkanaya nakajariang ngaseng anjo kammaya lanri iNakke, Allata'alana ke'nanga, tenamo naKururungangi ke'nanga.

YOSUA 3:10

Punna majuko sinampe', mattantu laNabongkai Batara anjo tu Kanaan, tu Het, tu Hewi, tu Feris, tu Girgasi, tu Amori siagang tu Yebus. Siagang punna a'limbammo Patti ParjanjianNa Batarana sikontu linoa ri Binanga Yordan a'jappa ri dallekannu, lanuciniki angkanaya niaki Allata'ala mattallasaka ri tangnga-tangnganu.

YOSUA 8:1

Nakana Batara ri Yosua, “Passe'rei sikontu tantaranu, nampa a'lampako siagang ke'nanga mange ri Ai. Teako lussakki siagang teako mallakki! INakke lassareko pammetang mae ri karaeng Ai. Ra'ya'na, kotana, kammayatompa pa'rasanganna lanuallei.

1 SAMUEL 4:8

Cilaka tojeng maki'. Inaimi akkulle ampasalamakki' battu ri anjo rewata-rewata kassaka? Sai ia tomminjo rewata-rewataya le'ba' ambunoi tu Mesirka ri parang lompoa riolo?