PAOLE 7:16 - KITTA' MATANGKASA'

¹⁶ Sikamma bansa Napassareanga Karaeng Allata'alanu ri kakoasannu musti nuancuruki; teako kamaseangngi ke'nanga. Teako anynyombai ri rewata-rewatana ke'nanga, lanri anjo panggaukang kammaya napangngerangangko bala.

PAOLE 7:16 ပူးပေါင်းရင်းမြစ်များ

PAMMUJI 106:34

Bansa-bansa maraenga tena naballassi ke'nanga, sangkamma Naparentakanga Batara.

PAMMUJI 106:36

Nampa anynyomba ke'nanga ri barhala-barhalaya, na iaminjo saba' karuntunganna ke'nanga.

KALAPPASSANG 23:33

Teako lappassangi ammantang anjo taua ri pa'rasangannu, sollanna tena nunynyomba ri rewata-rewatana ke'nanga na nudoraka mae ri Nakke. Punna anynyombako mae ri rewata-rewatana ke'nanga, tu'guru' mako antama' ri sikko'na kamateanga.”

YEREMIA 21:7

Ikau siagang sikamma pagawenu kammayatompa sikamma tau ta'lappasaka battu ri pa'bundukanga, kacipurang siagang garring, yangasenna laKulappassangko najakkala' Karaeng Nebukadnezar siagang musu-musu eroka ambunoko. Lanabuno ngasengko Nebukadnezar, tena nalanapammopporangko siagang tena nalanakamaseangko. INakke, Batara, anne a'bicara.”

PAMMILANGNGANG 33:55

Mingka punna tena nubongkai pandudu'na anjo pa'rasanganga, anjo tau ammantanga anjoreng lanasusaiko sanrapang kassi' antama' ri matannu yareka sanrapang katinting anto'doki bangkennu. Sallang ke'nangami lambundukiko.

1 KORINTUS 15:33

Teako eroki nitipu! Punna a'rappungangko siagang tau ja'dalaka, ma'nassa manna baji' sipa'nu mingka la'jari ja'dala' tommako.

PAOLE 13:8

teako pilangngeri siagang teako erokki ninyonyo' ri ia. Tea tongko kamaseangngi yareka la'langngi anjo taua.

PAOLE 13:9

Anjo taua musti nisambilai batu sa'genna mate. Ikau musti ansambilai batu, nampa nipinawang ri sikontu ra'yaka. Anjo tau salaya musti nibunoi, lanri eroki ampakabellako battu ri Karaeng Allata'alanu le'baka allappassangki' battu ri nipare' atata ri Mesir.

PAOLE 19:13

Teako kamaseangngi anjo taua. Pakabebasaki tu Israel battu ri tau pabuno kammaya anjo, sollannu salewangang lalang tallasa'nu.”

PAOLE 19:21

Teako mangngamaseangngi lalang ri parkara-parkara kammaya anjo. Ia hukkunganna iamintu: Nyawa nisambei nyawa, mata nisambei mata, gigi nisambei gigi, lima nisambei lima, siagang bangkeng nisambei bangkeng.”

PAOLE 25:12

polongi limanna anjo bainea, siagang teako kamaseangngi.

PAOLE 7:2

Punna Napassareang Karaeng Allata'alanu anjo bansa-bansaya antama ri kakoasannu siagang nubeta ke'nanga, buno ngasengi anjo ke'nanga. Teako kamaseangi ke'nanga siagang teako appareki parjanjiang siagang ke'nanga.

PAOLE 7:25

Tunui sikamma patung-patung barhala nasombaya ke'nanga. Teako cinnai ri pera' yareka bulaeng niaka ri kalenna siagang teako allei untu' kalennu. Punna nudakkai anjo parentaya tena tamatenu, nasaba' Nakabirisi Karaeng Allata'alanu anynyombaya ri patung barhalaya.

YOSUA 11:20

Nipa'jari terasaki pa'mai'na ke'nanga ri Batara untu' a'bundu' siagang tu Israel, sollanna niancuru' ke'nanga, siagang nibuno tanikamaseang situru' parentaNa Batara mae ri Musa.

HAKING-HAKING 2:3

Jari kamma-kamma anne pilangngeri! Tena nalaKubongka tu niaka ri anne pa'rasanganga punna tena nu'bundu' siagang ke'nanga. La'jari bali ke'nanga mae ri kau. Na lanaalleko sikko' sa'gennu amminawang turu' ansombai rewata-rewatana ke'nanga.”

HAKING-HAKING 3:6

A'bengkoro'mi umma' Israel a'bunting siagang anjo bansa-bansaya, siagang amminawang turu' anynyomba ri rewata-rewatana ke'nanga.

HAKING-HAKING 8:27

Iaminjo bulaenga napare' Gideon se're patung barhala. Nampa naboli' ri kamponna iamintu Ofra. Sikontu tu Israelka mange ngasemmi anjoreng anynyomba ri anjo patung barhalaya. Sa'genna tenamo najampangi Allata'ala, Batarana ke'nanga. Na iaminjo a'jari sanrapang sikko' mange ri Gideon siagang sikontu bija-bijanna.