PAOLE 7:10 - KITTA' MATANGKASA'

¹⁰ Mingka tena todong Nabata-bata anghukkungi tau birisika ri Ia.

PAOLE 7:10 ပူးပေါင်းရင်းမြစ်များ

KALAPPASSANG 20:5

Teako anynyombai ri patung kammaya anjo, nasaba' iNakkeji Karaeng Allata'alanu, siagang taerokA' nipasangkamma manna apa-apa mamo. Sikamma tau mangngabirissia mae ri Nakke Kuhukkungi sa'genna jari-jari lapisi' makatalluna siagang makaappa'na.

KALAPPASSANG 34:7

Tuli mangngamaseangKu mae ri assa'bu-sa'bu lapisi'na turunang siagang Kupammopporangi kasalanga siagang dosaya; mingka sikamma tau salaya tena sikali nakkulle ta'lappasa' battu ri hukkungangKu, ba'lalo manna ana' cucunna sa'genna lapisi' makatallua siagang makaappaka anjo tau dorakaya takkulleai ta'lappasa' battu ri hukkungangKu.”

PANGNGEBARANG 11:31

Punna lannarima todong pa'balasa' tau bajika ri anne linoa, mattantumi langgappana hukkungang tau ja'dalaka siagang tau dorakaya.

YESAYA 59:18

Napa'balassi sikamma musunNa situru' panggaukanna ke'nanga. Ba'lalo manna bansa-bansa niaka ri pulo-pulo bellaya tena todong nata'lappasa' battu ri hukkunganNa.

YEREMIA 32:18

Kipappicinikangi pangngamaseang satunggu-tungguTa mae ri assa'bu-sa'bua tau, mingka Kihukkung tongi taua lanri dosana tau toana. IKattemi Allata'ala mala'birika siagang porea; arenTa iamintu Batara Kaminang Koasaya.

NAHUM 1:2

Taerokai Karaeng Allata'ala punna nia' ambaliangi, inai-nai angngewai, ma'nassa anggappai hukkungang. Sanna' larroNa, Na'balasa' mae ri ke'nanga.

PAMMILANGNGANG 10:35

Sampang niangka' anjo Patti Parjanjianga, angkanami Musa, “Ammenteng maKi' o Batara, Kipasimbung-simbungi musunTa sa'genna lari tau angkabirisiaKi'.”

PAMMILANGNGANG 14:18

‘INakke, Batara, tena Kulinta' larro. Kupappicinikangi pangngamaseangKu siagang tamamminraKu malla'bi-la'bia. Kupammopporangi tau dorakaya siagang tau angngewayA'. Mingka manna nakamma, kasalanna tau toaya laKubalasaki mae ri ana'-ana'na siagang cucu-cucunna, sa'genna jari-jari lapisi' makatalluna siagang makaappa'na.’

ROMA 12:19

Sikamma sari'battangku! Tea' laloko a'balasaki ri kaja'dallanna taua mae ri kau; boli'mi kamma na Allata'ala ampabattui hukkunganna. Nasaba' nia' tattulisi' lalang ri Kittaka angkanaya, “Nakana Batara, iNakkemi lambalasaki panggaukanna taua. INakkemi langhukkungi.”

PAOLE 32:25

Bundu' angngeranga kamateang niaki ri sikamma oloanga, manna ammantanga ri balla' nabattui todong malla'. Turungkana bansaya lamatei, ana' lolo na tau toa dudu tena passangalinna.

PAOLE 32:35

LaNabalasaki siagang laNahukkungi ke'nanga, latu'guruki ke'nanga; a'reppese'mi kapanrakanna ke'nanga.

PAOLE 32:41

Punna le'ba' Kukantisi' pa'dangKu sa'genna accilla', laKupajappai kaadelanga. La'balasakKa' mae ri sikontu musua; Kuhukkungi tau birisika ri Nakke.

PAOLE 5:9

Teako anynyombai patung kammaya anjo, lanri iNakke Karaeng Allata'alanu siagang taeroKa' nipasangkamma manna apa-apa mamo maraenganga. Inai-nai angkabirisiA' laKuhukkungi sa'genna mae ri jari-jarina lapisi' matallua siagang makaappaka.

PAOLE 7:11

Jari, turuki sikontu hukkunNa kupabattua mae ri kau anne alloa.”

PAOLE 7:9

U'rangi angkanaya Karaeng Allata'alanu bawang Allata'ala, tena pantaranganna, siagang Iami Allata'ala tamamminraya nyawaNa. Narupai Batara janjinNa siagang Napappicinikangi pangngamaseanNa tenaya tappu'na sa'genna sisa'bu turungang mae ri tau mangngamaseanga ri Ia siagang mannurukia ri parenta-parentaNa.