PAOLE 7:1 - KITTA' MATANGKASA'

¹ “LaNaerangko Karaeng Allata'alanu mange ri pa'rasangang lanupammantangngia, siagang jai bansa laNabongka battu anjoreng. LaNabongkai tujua bansa la'bi lompo siagang la'bi kassakkangngang na ikau ri dallekang matannu, iamintu: Tu Het, Girgasi, Amori, Kanaan, Feris, Hewi siagang Yebus.

PAOLE 7:1 ပူးပေါင်းရင်းမြစ်များ

1 KARAENG-KARAENG 16:31

Tenapa nasukku' nasa'ring doraka sangkammaya nagaukanga Yerobeam, ia ba'lalo nabuntingi Izebel ana'na Karaeng Etbaal battu ri Sidon, siagang assambayangi mae ri Baal.

1 PATTOTTORANG 1:14

Kanaan, iatommi boe-boena tu Yebusi, Amori, Girgasi,

2 PATTOTTORANG 8:7

Sikontu jari-jarina bansa Kanaan tenaya nakkulle la'busu' nibuno ri tu Israel ri wattunna napantamakki ke'nanga anjo pa'rasanganga, napagio' ngasengi Salomo untu' anjama terasa'. Ia ke'nanga iamintu tu Het, Amori, Feris, Hewi siagang Yebus. Sa'genna kamma-kamma anne tuli a'jari atana anjo jari-jarina ke'nanga.

EZRA 9:1

Ri le'ba'namo nigaukang ngaseng sikammaya anjo, nia'mo siapa are tutoa-toana bansa Israel battu mae ri nakke. Napauanga' ke'nanga angkanaya ra'ya' Israel, kammayatompa sikamma imanga, siagang sikamma tu Lewia, tena nanasa'laki kalenna ke'nanga battu ri bansa-bansa maraeng niaka a'reppese' anjoreng, iamintu bansa Amon, Moab, Mesir, Kanaan, Het, Feris, Yebus siagang Amori. Ba'lalo manna sikamma imanga siagang tu Lewia appakamma ngaseng tongi. Nagaukang ngaseng tongi ke'nanga panggaukang-panggaukang sannaka ja'dala'na, ia nagaukanga anjo bansa-bansa maraenga.

NEHEMIA 13:23

Anjo wattua nia' todong kucini' angkana jai tu Yahudi a'bunting siagang baine battua ri bansa Asdod, Amon, siagang Moab.

PAMMUJI 78:55

Ri dallekanna umma'Na na Nabongka panduduka anjoreng nampa Nabage-bage anjo pa'rasanganga mae ri sikontu suku bansa Israel, umma'Na, sa'genna akkulle napammantangi ke'nanga kema-kemana musunna.

KALAPPASSANG 15:7

Lanri kala'birang malompoTa Kipanraki sikontu angngewaya ri Katte. A'rinrai larroTa rapang pepe', na natunu ke'nanga rapang rarame.

KALAPPASSANG 23:28

LaKukaco ngasengi sikamma musunnu; bansa Hewi, Kanaan, siagang Het laKubongkai battu ri dallekannu sollannu akkulle maju.

KALAPPASSANG 23:32

Teako appareki parjanjiang siagang anjo taua yareka siagang rewata-rewatana ke'nanga.

KALAPPASSANG 23:33

Teako lappassangi ammantang anjo taua ri pa'rasangannu, sollanna tena nunynyomba ri rewata-rewatana ke'nanga na nudoraka mae ri Nakke. Punna anynyombako mae ri rewata-rewatana ke'nanga, tu'guru' mako antama' ri sikko'na kamateanga.”

KALAPPASSANG 33:2

Nia' sitau malaeka' laKusuro battu anrurungang ngasengko. LaKubongkai bansa Kanaan, Amori, Het, Feris, Hewi siagang Yebus.

KALAPPASSANG 6:8

Sikontu anjo pasanNa Batara napabattui Musa mae ri bansa Israel, mingka taerokai ke'nanga anjampangi Musa, lanri tappu' minasami ke'nanga napakamma anjo sessanamo ke'nanga nipare' ata.

KAIMANGNGANG 14:34

paratorang-paratorang ri passala'na balla' natabaya jappo' a'la'banga. Anne paratorang-paratoranga nipakei ri wattunna antama'mo bansa Israel ri pa'rasangang Kanaan, iamintu pa'rasangang Napassareanga Batara mae ri ke'nanga.

PAMMILANGNGANG 13:29

Tu Amalek ammantang ri bageang timboro'na anjo pa'rasanganga; tu Het, tu Yebus siagang tu Amori ammantang ri daera a'bontoa; nampa tu Kanaan ammantang ri daera sikontu biring tamparanga siagang sikontu birinna Binanga Yordan.”

PAMMILANGNGANG 14:31

Le'baki nupau angkanaya lanijakkalaki ana'-ana'nu. Mingka iami anjo ke'nanga laKuerang antama' ri anjo pa'rasangang nutollaka, nampa anjo pa'rasanganga la'jari butta passolongang cera'nami ke'nanga.

LAMPA-LAMPANA 13:19

Tuju bansa maraeng nabeta Nabunduki ri butta Kanaan. Nampa Nabage-bage Allata'ala anjo butta Kanaan mange ri bansa Israel, sollanna nakammai anjo buttaya.

PAOLE 11:29

Punna le'ba' mako Naerang Karaeng Allata'alanu antama' ri pa'rasangang nupammantangngia sallang, anjo barakkaka musti nupaui battu ri Moncong Gerizim siagang anjo pattunraya nupaui battu ri Moncong Ebal (

PAOLE 20:1

“Punna a'lampako mange a'bundu' angngewai musu-musunnu, teako mallakki anciniki kareta bundu' siagang jaranna ke'nanga jaia, kammayatompa tantarana ke'nanga jaiangnganga na ikau. Karaeng Allata'alanu, iamintu le'baka allappassangko battu ri Mesir, Iatommi lantulungko.

PAOLE 20:16

Mingka punna anjo kotaya niaki lalang ri daera Napassareanga Karaeng Allata'ala mae ri kau, sikontu pandudu'na musti nibunoi.

PAOLE 31:20

LaKuerangi ke'nanga mange ri anjo pa'rasangang kalumanynyanga siagang copponga buttana, sangkamma Kupa'janjianga mae ri boe-boena ke'nanga. Anjorengi ke'nanga lattallasa' siagang sannang siagang anggappai sikamma kanre-kanreang naparalluanga ke'nanga. Mingka kale'bakkanna lata'gilingi ke'nanga nampa anynyomba mae ri rewata-rewata maraenga. LanasorongbokoA' ke'nanga siagang takkaluppai ri parjanjiangKu,

PAOLE 31:3

KalenNa Karaeng Allata'alanu la'jappa ri dallekannu siagang ampanraki bansa-bansa ammantangnga anjoreng, sa'genna akkulle nupammantangngi buttana ke'nanga. Yosua la'jari pamimpinnu, sangkamma le'baka Napau Batara.

PAOLE 4:38

Bansa-bansa la'bi lompoanganga siagang la'bi kassakanganga Nabongkai battu ri dallekannu, sollanna Naantarakko mange ri pa'rasanganna ke'nanga Napassareanga mae ri kau, pa'rasangang nupatanga kamma-kamma anne.

PAOLE 6:1

“Nasuroa' Karaeng Allata'alanu ampangngajarrangi sikontu anne hukkunga mae ri kau ngaseng, sollanna nugaukangi sallang ri pa'rasangang tenayamo nasallo nanupammantangngi.

PAOLE 6:10

“A'janji Karaeng Allata'alanu mae ri boe-boenu iamintu Abraham, Ishak siagang Yakub angkanaya laNapassareangi anjo pa'rasanganga mae ri kau. Kota-kotana lompoi siagang coppongi, nampa teai ikau ambangungi.

PAOLE 6:19

siagang lanubongkai musu-musunnu sangkamma Napa'janjianga Batara.

PAOLE 6:23

Ia allappassangki' battu ri Mesir sollanna Naerangki' mae anrinni, nampa Napassareang anne buttaya mae ri katte sangkamma Napa'janjianga mae ri boe-boeta.

PAOLE 9:1

“Pilangngeri sikamma sari'battangku ngaseng! Anne alloa a'limbangko untu' ampantamakki daerana bansa-bansa la'bi lompoanganga siagang la'bi kassakkangnganga naikau. Kota-kotana ke'nanga lompo-lompo ngasengi, siagang tinggi tembo' pattahanganna sanrapang tinggina langika.

PAOLE 9:3

Mingka kamma-kamma anne ikau kalennu lanciniki antekamma bateNa Karaeng Allata'alanu a'jappa ri dallekannu rapang pepe' appakamutunga. LaNabetai ke'nanga ri dallekang matannu, sa'gennu akkulle ambongkai ke'nanga siagang angngancuruki silalonna ke'nanga sangkamma Napa'janjianga Batara.

PAOLE 9:4

Punna le'baki Karaeng Allata'alanu ambongkai ke'nanga untu' ikau, teako sala pahangngi angkanaya Naerangko mange anjoreng untu' ampatangi anjo buttaya lanri baji'nu siagang nugaukanna ero'Na Karaeng Allata'alanu, sa'gennu siratang antarimai anjo buttaya. Tena sikali nakamma anjo! Nabongkai Batara anjo bansa-bansaya untu' ikau lanri ja'dala'na ke'nanga. Nalappassangko Batara angngallei buttana ke'nanga, lanri ero'Na anrupai janjinNa mae ri boe-boenu iamintu Abraham, Ishak siagang Yakub.

YOSUA 11:3

Nia' tommo tau nasuro mange ri tu Kanaan niaka ri bageang ilau' siagang ri bageang rayanganna Yordan, mange ri tu Amori, Het, Feris, siagang tu Yebus ri daera pa'monconganga, kammayatompa tu Hewi ri bangkenna Moncong Hermon ri daera Mizpa.

YOSUA 24:11

Nampa a'limbangko ri Binanga Yordan, nubattu mange ri Yerikho. Nibundukiko ri tu Yerikho, kammayatompa ri tu Amori, ri tu Feris, ri tu Kanaan, ri tu Het, ri tu Girgasi, ri tu Hewi siagang ri tu Yebus. Mingka Kusareko pammetang mae ri yangasenna anjo ke'nanga.

YOSUA 3:10

Punna majuko sinampe', mattantu laNabongkai Batara anjo tu Kanaan, tu Het, tu Hewi, tu Feris, tu Girgasi, tu Amori siagang tu Yebus. Siagang punna a'limbammo Patti ParjanjianNa Batarana sikontu linoa ri Binanga Yordan a'jappa ri dallekannu, lanuciniki angkanaya niaki Allata'ala mattallasaka ri tangnga-tangnganu.