PAOLE 6:8 - KITTA' MATANGKASA'

⁸ Pasikkoki anjo mae ri limannu siagang patabai mae ri abannu sollanna tuli nuu'rangi.

PAOLE 6:8 ပူးပေါင်းရင်းမြစ်များ

KALAPPASSANG 12:14

Anjo alloa musti nuu'rangi na nupakalompo a'jari allo lompo mae ri Batara. Untu' situlusu'na anjo alloa musti nupakalompoi tunggala' taung.”

KALAPPASSANG 13:16

Anjo kabiasang kammaya a'jari pappiu'rangi mae ri katte, sanrapang pammatei nipasikkoka ri limanta yareka pammatei ri abanta. Lanri kammana tuli nipiu'rangiang maki' angkanaya Batara le'ba' ampasulukki' battu ri Mesir siagang koasa malompoNa.”

KALAPPASSANG 13:9

Anne passua'-suarranga anjari pangngu'rangi mae ri kau, sanrapang pammatei nisikkoka ri limannu yareka pammatei ri abannu. Anne passua'-suarranga anjari pappiu'rangi mae ri kau sollanna tuli nubicara siagang tuli nupilajari Hukkung-hukkunNa Batara; saba' Napasulukko Batara battu ri Mesir siagang koasa malompoNa.

PANGNGEBARANG 3:3

Paralluko tuli tappa' siagang tamamminraya mae ri Allata'ala siagang mae ri parannu tau. U'rangi anjo kammaya siagang boliki ri pa'mai'nu,

PANGNGEBARANG 6:21

Tuli u'rangi kana-kananna ke'nanga siagang boliki anjo ri pa'mai'nu.

PANGNGEBARANG 7:3

Tuli u'rangi anjo ajarang-ajarangku, siagang boliki lalang ri ati mailalannu.

MATIUS 23:5

Sikontu anjo apa nagaukanga ke'nanga poro ero'naja napappicini'-cinikang ri taua. Napakkunjung-kunjungiammi ke'nanga ammake soro'bang siagang juba turunga!

PAOLE 11:18

U'rangi siagang parhatikangi anjo parenta-parentaya. Sikkokangi ri limannu siagang patabai ri abannu sollanna tuli nuu'rangi.

IBRANI 2:1

Iaminjo saba'na kimusti la'bi attojeng-tojeng anna'gala' jarre' mae ri sikontu pangngajarang le'baka nilangngere' battu ri Allata'ala, sollanna tena nanibokoi katappakkanta.