PAOLE 6:7 - KITTA' MATANGKASA'

⁷ Pangngajarrangi mae ri ana'-ana'nu. Parallui nucaritakang ilalang ri balla'nu siagang ri pantarang balla'nu, wattunnu ammari-mari siagang ri wattunnu anjama.

PAOLE 6:7 ပူးပေါင်းရင်းမြစ်များ

PA'JARIANG 18:19

Ia le'ba'mi Kupile sollanna naparentakang mae ri sikamma ana'-ana'na siagang turunganna untu' amminawang turu' ri Nakke kammayatompa nagaukang panggaukang bajika siagang adeleka. Punna nagaukangi ke'nanga anjo passalaka, sikontu janjingKu mae ri Abraham laKurupai ngasengi.”

AYUB 8:10

Pilangngeri kana-kananna tau cara'deka riolo, nasareko anne pappilajaranga, angkanaya,

PAMMUJI 119:13

Kulompoi sa'rangku ampappiassengangi sikontu hukkung Kipassareanga.

PAMMUJI 119:46

Lakukabarrangi paratoranTa mae ri sikamma karaenga, na tena kulanipakasiri'.

PAMMUJI 129:8

Sikamma tau allaloa lanakana, “Poro nibarakkakiko ri Batara, ikambe ambarakkakiko lalang arenNa Batara.”

PAMMUJI 37:30

Tu bajika a'bicarai siagang annaba, tuli lambusuki kana-kananna.

PAMMUJI 71:17

O, Allata'ala, Kiajarakka' battu ri wattu rungkaku, sa'genna anne kamma kucaritai bate pare' malompoTa.

PANGNGEBARANG 10:21

Kana-kananna tau bajika, a'jari barakkaki mae ri tau jaia; kadongokanna tao dongoka ambunoi kalenna.

PANGNGEBARANG 15:2

Kana-kana cara'deka ampa'jari pangngassenganga angngalle pa'mai'; kana-kana tau dongoka, poro kadongokang bawang bonena.

PANGNGEBARANG 15:7

Kana-kana tau cara'deka rassi siagang pangngassengang, mingka pikkiranna tau dongoka tena nakamma.

PANGNGEBARANG 6:22

Ajarang-ajaranna ke'nanga langnguluko lalang pa'jappannu, anjagaiko ri wattu bangngi, siagang assareko pitunju' ri wattu ambangunnu.

YESAYA 38:19

Tuttallasa' bawang akkulle mammuji ri Katte, kamma kugaukanga anne alloa. Tutoa ancaritai ri ana'na ri tamaka tamamminraTa, o Batara.

MALEAKHI 3:16

Nampa sikamma tau mallaka ri Batara massing sipa'bicarami para ia. Napilangngeri siagang Naparhatikangi Batara apa napaua ke'nanga. Sikamma tau mappakalompoa ri Ia siagang tau mallaka ri Ia, nitulisiki arenna lalang ri se'reang kitta' catatang niaka ri dallekanna.

MATIUS 12:35

Tau bajika, tuli apa baji' todong lanapau, nasaba' bajiki lalang atinna. Mingka tau ja'dalaka tuli apa-apa ja'dala' napau, nasaba' ja'dalaki lalang atinna.

LUKAS 6:45

Punna baji' taua, mattantu labaji' tongi kana-kananna, lanri sangnging kabajikang lalang ri atinna. Na punna ja'dala' taua, mattantu laja'dala' tongi kana-kananna, lanri sangnging kaja'dallang lalang ri atinna. Nasaba' apa-apa mamo assulu' ri bawaya ia tomminjo niaka lalang ri atia.”

EFESUS 4:29

Punna a'bicarako, teako ammakei bicara ra'masa'. Pakemi kana-kana appakabajika siagang akkullea antulungi tau maraenga. Anjo kana-kana kammaya langngerangi kabajikang mae ri tau allangngerekai.

EFESUS 6:4

Ikau ngaseng a'jari manggea! Teako pakanassu-nassui pa'mai'na ana'nu. Mingka pakalompoi pa'mai'na siagang ajara' bajiki ke'nanga situru' pangngajaranNa Batara.

PAOLE 11:19

Pangngajarrangi mae ri ana'-ana'nu. Bicarakangi lalang ri balla'nu siagang ri pantaranganna balla'nu, wattunnu ammari-mari siagang ri wattunnu anjama.

PAOLE 6:2

Paralluko ikau siagang jari-jarinu ampakala'biriki karaeng Allata'alanu lalang sikontu tallasa'nu siagang nuturuki sikontu hukkung kupabattua mae ri kau, sollanna la'bu umuru'nu ri anjo pa'rasanganga. Lanri kammana anjo, pilangngeri

KOLOSE 4:6

Sikamma bicara nupasuluka parallui appakasannang pa'mai' siagang appatimbo pangngai. Parallui nuasseng baji' appiali ri pakkuta'nanna taua.

1 PETRUS 3:15

Mingka lalang ri pa'mai'nu, parallui Almasi bawang nupakalompo situru' empoanNa salaku Batara. Siagang paralluko tuli sadia ampiali sikamma tau akkuta'nanga mae ri kau ri sesena panrannuang niaka ri kau.

RUT 2:12

Tapporo Nabalasa' lalo Batara kabajikannu. Tapporo nutarima lalo apa siratanga Napassareang Batara, Allata'alana Israel, nasaba' battu mako untu' appala' pa'la'langngang mae ri Ia!”

RUT 2:4

Tena nasallo battumi Boas battu ri Betlehem na'barisallang mae ri sikamma pakattoa. Nakana, “Poro Narurungang ngasengko Batara.” Appialimi sikamma pakattoa angkana, “Poro Nabarakkakiki' Batara”.

RUT 4:11

Sikamma tutoa-toana masarakaka siagang tumaraengannaya ia hadereka anjoreng massing angkanami, “Iyo, ikambemi sa'bina. Tapporo nipa'jari anjo bainennu ri Batara sangkamma Rakhel siagang Lea, allassukanga jai ana' untu' Yakub. Tapporo kalumanynyangko ri tangnga-tangngana tau battua ri bijanna Efrata, siagang tapporo alla'bangko niasseng ri Betlehem.