PAOLE 6:6 - KITTA' MATANGKASA'

⁶ Tea' laloko kaluppai parenta-parenta kupassareanga mae ri kau anne alloa.

PAOLE 6:6 ပူးပေါင်းရင်းမြစ်များ

PA'JARIANG 18:19

Ia le'ba'mi Kupile sollanna naparentakang mae ri sikamma ana'-ana'na siagang turunganna untu' amminawang turu' ri Nakke kammayatompa nagaukang panggaukang bajika siagang adeleka. Punna nagaukangi ke'nanga anjo passalaka, sikontu janjingKu mae ri Abraham laKurupai ngasengi.”

2 SAMUEL 22:23

Sikontu hukkunNa kuparhatikangi, tena kubalang parekangi sikamma parentaNa.

PAMMUJI 119:11

Kuboliki ri pa'maikku pangngajaratTa, sollanna tena kudoraka mae ri Katte.

PAMMUJI 119:13

Kulompoi sa'rangku ampappiassengangi sikontu hukkung Kipassareanga.

PAMMUJI 119:30

Kupileimi lamannurukia, tuli kuu'rangi parentaTa.

PAMMUJI 119:98

Tuli mangngu'rangia' ri parentaTa, ampa'jaria' la'bi cara'dekangngang kala musu-musungku.

PAMMUJI 37:31

Naparipa'maiki hukkunNa Allata'ala, tena nadakkai anjo hukkunga.

PAMMUJI 40:8

Nampa kukana, “Annemi kalengku, lalang gulungang kitta' tattulisika untu' inakke:

PANGNGEBARANG 3:5

Tappakko mae ri Batara sibatu pa'mai', siagang teako na pammahannu bawang nurannuang.

PANGNGEBARANG 7:3

Tuli u'rangi anjo ajarang-ajarangku, siagang boliki lalang ri ati mailalannu.

YESAYA 51:7

PilangngeriA', he bansaKu, nuassengi apa annabaya; ajarangKu nuboliki lalang ri atinnu. Teako mallakki punna nicau-cauko ri rupataua, teako lussakki punna nahinako ke'nanga.

YEREMIA 31:33

Iaminne parjanjiang beru laKupareka siagang umma' Israel: Hukkung-hukkungKu laKuboliki ri ati mailalanna ke'nanga, Kutulisiki ri pa'mai'na ke'nanga. INakke la'jari Allata'alana ke'nanga, siagang ke'nanga la'jari ummakKu.

LUKAS 2:51

Le'baki anjo, ammotere'mi ke'nanga siagang Isa mange ri Nazaret. Amminawang turu'mi Isa ri ke'nanga. Napariatimi amma'Na sikamma anjo passalaka.

LUKAS 8:15

Anjo bine takkioroka ri butta copponga, iaminjo pangngebaranna tau allangngerekai anjo kabaraka, nampa naboli' baji' siagang attojeng-tojeng lalang ri atinna ke'nanga. Attahangi ke'nanga, sa'genna sanrapangi ke'nanga poko' kayu a'rappoa.”

2 KORINTUS 3:3

Kalennami ke'nanga akkulle anciniki, angkanaya sanrapangko sura' Natulisika Almasi, nikiringa siagang napabattua ikambe. Anjo suraka teai dawa' nipatulisi' mingka Roh mattallasa'Na Allata'ala; tena todong nalalang ri karattasaka nitulisi', passangalinna lalangi ri atinna rupataua.

PAOLE 11:18

U'rangi siagang parhatikangi anjo parenta-parentaya. Sikkokangi ri limannu siagang patabai ri abannu sollanna tuli nuu'rangi.

PAOLE 11:20

Tulisiki ri benteng pakke'bu' balla'nu siagang ri pakke'bu' lomponu.

PAOLE 32:46

nakanamo Musa, “Katutui sollannu mannuruki ri sikontu parenta kupassareanga mae ri kau anne alloa. Pangngajarrangi mae ri ana'-ana'nu, sollanna akkulle mannuruki ke'nanga ri sikontu hukkunNa Batara siagang pa'mai' tamamminra.

KOLOSE 3:16

Parallui antama' ri atinnu ajarang-ajaranNa Almasi rassia barakka'. Paralluko massing siajara' siagang sipakainga' baji'-baji'. Kelongangi kelong-kelonga siagang pammuji-mujia kammayatompa lagu-lagu rohania; sukkurukko lalang ri atinnu nukkelong-kelong untu' Allata'ala.

2 YOHANES 1:2

Nasaba' niaki Allata'ala matojenga ammantang lalang ri atinta, siagang latuli niaki anrurungangki' sa'genna satunggu-tungguna.