PAOLE 6:5 - KITTA' MATANGKASA'

⁵ Kamaseangi Karaeng Allata'alanu siagang sikontu pa'mai'nu: Pappicinikangi kammaya anjo lalang ampe-ampe tallasa'nu siagang lalang ri panggaukannu.

PAOLE 6:5 ပူးပေါင်းရင်းမြစ်များ

1 KARAENG-KARAENG 3:3

Salomo mangngamaseangi ri Batara siagang mannuruki ri pitunju'-pitunju' battua ri manggena. Mingka tuli anynyamballe iji siagang assare iji koro'bang olo'-olo' ri tampa' a'rupa-rupaya.

2 KARAENG-KARAENG 23:25

Tena le'bakai nia' karaeng sangkamma Yosia, attojeng-tojenga ri pa'mai'na anynyomba mae ri Batara, siagang napa'nyatami anjo lalang ri carana attallasa' siagang appanggaukang, situru' sikontu hukkung niaka tattulisi' lalang ri kitta'na Musa. Manna ri tenanamo Yosia, tena tommo karaeng sangkammanna.

2 PATTOTTORANG 15:12

A'janji ke'nanga mae ri Batara angkanaya lattojeng-tojengi atinna siagang pa'mai'na ke'nanga attallasa' situru' ero'Na Batara, Allata'alana boe-boena ke'nanga.

PAMMUJI 119:2

Mate'nei tau anturukiai parentaNa, siagang sibatu pa'mai'na usaha angngassengi Batara.

PAMMUJI 31:24

Mangngaiko ri Batara, he, sikontu umma'Na, Najagai Batara tu tamamminraya. Mingka Nahukkungi tu tampoa tena napassanggai Nahukkung.

MATIUS 10:37

Inai-nai la'bi angkamaseangi anrong manggena naiNakke, tasiratangai amminawang ri Nakke. Kammaya todong, inai-nai la'bi angkamaseangi ana'-ana' bainena yareka ana'-ana' bura'nena naiNakke, tasiratanga tongi amminawang ri Nakke.

MATIUS 22:37

Appialimi Isa Nakana, “Kamaseangi Karaeng Allata'alanu siagang sitepu atinnu, sitepu pa'mai'nu kammayatompa sitepu tallasa'nu.

MARKUS 12:30

Kamaseangi Karaeng Allata'alanu ilalang sitepu atinnu, siagang sitepu pa'mai'nu, siagang sitepu akkala'nu, kammayatompa sitepu pakkullenu.’

MARKUS 12:33

Na sikontu taua musti nakamaseangi Allata'ala ilalang sitepu atinna, siagang sitepu akkala'na, kammayatompa sitepu pakkullena. Siagang musti nakamaseang tongi paranna tau sangkamma batena angkamaseangi batangkalenna. Bajikangangi anjo kala assarea koro'bang nitunua yareka koro'bang maraenga mae ri Allata'ala.”

LUKAS 10:27

Appialimi anjo taua nakana, “ ‘Kamaseangi Karaeng Allata'alanu ilalang sitepu atinnu, ilalang sitepu pa'mai'nu, siagang ilalang sikontu pakkullenu, kammayatompa ilalang sikontu akkala'nu,’ na ‘Kamaseangi parannu tau sangkamma todong nukamaseanna batangkalennu.’ ”

PAOLE 10:12

“Kamma-kamma anne sari'battangku ngaseng, parhatikang lalomi apa Natuntuka Karaeng Allata'alanu battu ri kau, angkanaya: Pakala'biriki Karaeng Allata'alanu siagang gaukang laloi sikontu Naparentakanga. Mangngamaseangko mae ri Ia, siagang gaukang laloi ibadanu mae ri Ia ilalang sikontu batangkalennu siagang nyawanu.

PAOLE 11:1

“Kamaseangi Karaeng Allata'alanu, siagang tuli mannurukiko ri sikontu parentaNa.

PAOLE 11:13

Jari turuki lalomi parenta-parenta kupabattua mae ri kau anne alloa; kamaseangi Karaeng Allata'alanu siagang gaukangi ibadanu mae ri Ia lalang sikontu batangkalennu siagang nyawanu.

PAOLE 13:3

tea' laloko erokki amparhatikangi. Napakei Karaeng Allata'alanu anjo taua untu' anso'riko, lanri ero'Na Nacini' angkanaya apaka ma'nassa mangngamaseang tojengko mae ri Batara yareka tena.

PAOLE 13:4

Tau kammaya anjo musti nihukkung matei, lanri eroki ampasala oloangko battu ri oloang Naparentakanga Karaeng Allata'alanu mae ri kau. Anjo tau kammaya tau ja'dala', lanri nasuroko ambaliangi Karaeng Allata'alanu, Ia le'baka allappassangko battu ri Mesir, tampa' le'baka nupammantangngi nipare' ata. Jari musti nibunoi anjo tau kammaya, sollanna nipaccappu' anjo kaja'dallanga. Mingka ikau paralluko amminawang turu' ri Karaeng Allata'alanu siagang mappakala'biri' mae ri Ia; mannurukiko ri Ia siagang gaukangi sikontu parentaNa. Tuli majarre' pa'maikko ri Ia siagang nupare' ata kalennu mae ri Ia.

PAOLE 19:9

musti ammileko pole tallu kota palariang. (Anjo pa'rasanganga nipassareangi mae ri kau punna nugaukangi sikontu apa-apa kuparentakanga mae ri kau anne alloa, siagang punna mangngamaseangko mae ri Karaeng Allata'alanu kammayatompa mannurukiko ri pangngajara'na lalang tallasa'nu.)

PAOLE 30:10

Mingka musti mannurukiko mae ri Ia siagang mannuruki ri sikontu hukkunNa niaka tattulisi' lalang ri anne kittaka, iamintu kitta' HukkunNa Batara. Musti attojeng-tojengko ri pa'mai'nu ammotere' mae ri Ia.

PAOLE 30:16

Anne alloa kuparentakangko sollanna nukamaseang Karaeng Allata'alanu, mappilangngeriko ri Ia, kammayatompa gaukangi sikontu hukkung-hukkunNa siagang parentaNa sollana baji' pattallassannu siagang a'jariko bansa lompo. LaNabarakkakiko Karaeng Allata'alanu ri pa'rasangang tenayamo nasallo nanupammantangngi.

PAOLE 30:20

Mangngamaseangko mae ri Karaeng Allata'alanu, mannurukiko mae ri Ia, siagang majarre' pa'maikko mae ri Ia. Na ikau siagang jari-jarinu lattallasakko siagang lala'bui umuru'nu ri pa'rasangang Napa'janjianga Batara mae ri boe-boenu iamintu Abraham, Ishak siagang Yakub.”

PAOLE 30:6

Ikau siagang jari-jarinu lanisareko nyawa sarroa mannuruki, sa'gennu mangngamaseang ri Karaeng Allata'alanu lalang sikontu pa'mai'nu siagang akkulleko tulusu' ammantang ri anjo buttaya.

PAOLE 4:29

Nampa lanuboya Karaeng Allata'alanu; siagang punna attojeng-tojengko ri pa'mai'nu amboyai, lanugappai.

YOSUA 22:5

Siagang tutuko sollanna nukatutui hukkung naparentakanga Musa mae ri kau, iamintu: Mangngamaseangko mae ri Karaeng Allata'alanu, pinawangi ero'Na, turuki parenta-parentaNa, majarre' pa'maikko mae ri Ia, siagang pare' atai kalennu mae ri Ia lalang sikontu atinnu siagang sikontu nyawanu.”

1 YOHANES 5:3

Nasaba' battuanna nikanaya mangngamaseang mae ri Allata'ala, iamintu nipilangngeri sikamma parentaNa. Na anjo sikamma parentaNa tena nabattala' untu' ikatte;