PAOLE 6:4 - KITTA' MATANGKASA'

⁴ U'rangi sikamma sari'battangku! Bataraji bawang, siagang Bataraji bawang Allata'alata!

PAOLE 6:4 ပူးပေါင်းရင်းမြစ်များ

1 KARAENG-KARAENG 18:21

Nampa nareppesi Elia anjo ra'yaka na nakana, “Sa'ge kemaepi ero'nu a'rua nyawa? Punna Batara, Batara musti nusomba. Punna anjo Baal Allata'ala, iami nusomba.” Anjo ra'ya' niaka a'rappungang, tena nia' akkana.

2 KARAENG-KARAENG 19:5

Le'ba'na natarima Yesaya anjo pasang battua ri Hizkia,

1 PATTOTTORANG 29:10

Ri dallekanna anjo tujaia mammujimi Daud ri Batara. Nakana, “O Karaeng Allata'ala nasombaya Yakub boe-boena ikambe, nipujimaKi' sa'genna satunggu-tungguna!

2 PATTOTTORANG 17:9

Angngerangi ke'nanga Kitta' “Hukkung-hukkunNa Batara” nampa a'lampa mange-mange ri sikontu kota niaka ri Yehuda nampa naajara' ke'nanga ra'ya' niaka anjoreng.

NEHEMIA 9:6

Nampa appala' doammo ra'ya' Israel kamma anne, “IKattemi Batara, iKattemi tena ruanTa; Kipa'jari bintoenga na sikontu langika, kammayatompa tamparang, butta siagang sikontu bonena, nampa Kisare katallassang siagang Kiparakai. Ri Kattemi anynyomba sikamma koasaya ri langi'; akkulantuki ke'nanga, tundu' mae ri Katte.

PAMMUJI 78:5

Napassareangi hukkunNa mae ri bansa Israel, siagang parentaNa mae turunganna Yakub. Nasuroi boe-boeta ampangngajarrangi mae ri ana'-ana'na ke'nanga,

PAMMUJI 86:10

Saba' iKatte pore siagang anggaukangi gau'-gau' appakalannasaka, iKatteji bawang Allata'ala.

YESAYA 42:8

INakke Batara, iaminjo arengKu; taKupassareangngai kala'birangKu manna ri nai; masahorokKu taKupassareangngai mae ri patunga.

YESAYA 44:6

Iaminne kananNa Batara Kaminang Makoasaya, Karaeng siagang pajaga mae ri Israel, “INakke Allata'ala Kaminang Se're-se'rea, uru-urua siagang kala'busanga.

YESAYA 44:8

He, bansaKu, teako mallakki yareka teako ta'bangkai; sai battu riolo iji sa'genna kamma-kamma anne le'ba'mi Kutappu riolo apa lakajarianga? Kau ngasemmi sa'bi-sa'bingKu. Tena pajaga maraeng siagang tena Kuasseng maraeng.”

ZAKHARIA 14:9

Na Batara lammarenta salaku Karaeng ri sikontu linoa; tunggala' taua lanynyombai ri Ia salaku Allata'ala siagang naassengi arenNa lalang areng sangkammaya.

MATIUS 22:37

Appialimi Isa Nakana, “Kamaseangi Karaeng Allata'alanu siagang sitepu atinnu, sitepu pa'mai'nu kammayatompa sitepu tallasa'nu.

LUKAS 10:27

Appialimi anjo taua nakana, “ ‘Kamaseangi Karaeng Allata'alanu ilalang sitepu atinnu, ilalang sitepu pa'mai'nu, siagang ilalang sikontu pakkullenu, kammayatompa ilalang sikontu akkala'nu,’ na ‘Kamaseangi parannu tau sangkamma todong nukamaseanna batangkalennu.’ ”

YOHANES 10:30

INakke siagang Manggea se'rejA'.”

YOHANES 17:3

Iaminne katallassang mannannungang; sollanna naassengKi' taua Bapa', angkanaya tena ruanTa Allata'ala sitojennaya. Kammayatompa nanaasseng tongi Isa Almasi, iamintu Kisuroa battu antama' ri lino Bapa'.

ROMA 3:30

Nasaba' se'reji Allata'ala. Iami assarei oloang tu Yahudia assibajiki ammotere' siagang Allata'ala, lanri tappa'na ke'nanga. Ia tommi assarei oloang bansa-bansa maraenga assibajiki ammotere' siagang Allata'ala, lanri tappa'na todong ke'nanga.

EFESUS 4:6

siagang se'reji Allata'ala a'jari Manggea mae ri sikontu rupataua. Iami Batara makoasa mae ri sikontu linoa, anggaukangai sikontu jama-jamanga, siagang makoasaya mae ri sikontu apa niaka lalang lino.

PAOLE 4:39

Lanri kammana anjo angngu'rangi mako anne alloa siagang teako takkaluppai: Bataraji bawang Allata'ala ri langika siagang ri linoa, tena ruanna siagang tena maraenganna.

PAOLE 5:6

Napappiassengangi Batara angkana, ‘INakke Karaeng Allata'alanu le'baka angngerangko assulu' battu ri butta Mesir, tampa'nu nipare' ata.

1 TIMOTIUS 2:5

Nasaba' se'reji bawang Allata'ala, kammayatompa se're tonji bawang akkullea a'jari tetena rupataua mae ri Allata'ala, iamintu Isa Almasi.

YAKOBUS 2:19

Sai tappakko angkanaya anjo Allata'ala se'reji bawang? Kammatojengi! Kamanna setanga tappa' tonji siagang annekkere'mi napakamma malla'!