PAOLE 6:20 - KITTA' MATANGKASA'

²⁰ Ri allo ri boko lakkuta'nangi ana'-ana'nu mae ri kau angkana, ‘Angngapai Karaeng Allata'alata naNasuroki' anturuki sikontu anjo parentaya?’

PAOLE 6:20 ပူးပေါင်းရင်းမြစ်များ

PAMMUJI 44:1

Pammujina golongang Korah. Kelong pangngajarang. Untu' pamimping pakelong.

KALAPPASSANG 10:2

siagang sollanna akkulle nucarita mae ri ana' cucunnu antekamma batena Kupare' karek-karenang bansa Mesir lanri sikamma anjo gau' malompoa. Jari lanuasseng ngasemmi angkanaya iNakkemi Batara.”

KALAPPASSANG 12:26

Punna akkuta'nang ana'-ana'nu angkana, ‘Apa battuanna anne pa'gaukanga?’

KALAPPASSANG 13:14

Punna ri bokoang allo nakkuta'nang ana'nu angkana apa ngaseng battuanna anjo sikammaya, musti appialiko angkana, ‘Lalang koasa malompoNa Batara na Naerang maki' assulu' battu ri pa'rasangang Mesir, tampatta nipare' ata.

KALAPPASSANG 13:8

Ri pakaramulanna anjo passua'-suarranga musti nucaritai mae ri ana'nu bura'nea angkanaya nanugaukang ngaseng anjo sikammaya lanri sikamma apa le'baka Nagaukang Batara untu' ikau ngaseng ri wattunna nubokoi pa'rasangang Mesir.

PANGNGEBARANG 22:6

Ajaraki se'rea ana' antekamma batena siratang attallasa', na sa'genna toa tuli lakammana batena attallasa'.

PAOLE 4:9

Parhatikangi siagang u'rangi baji'-baji', sollanna tena nanukaluppai apa le'baka nucini' kalennu lalang tallasa'nu. Caritai mae ri ana' cucunnu

PAOLE 6:19

siagang lanubongkai musu-musunnu sangkamma Napa'janjianga Batara.

PAOLE 6:21

Musti appialiko angkana, ‘Riolo nipa'jari ataki' ri karaeng Mesir, mingka Nalappassangki' Batara siagang kakoasang lompoNa.

PAOLE 6:7

Pangngajarrangi mae ri ana'-ana'nu. Parallui nucaritakang ilalang ri balla'nu siagang ri pantarang balla'nu, wattunnu ammari-mari siagang ri wattunnu anjama.