PAOLE 5:9 - KITTA' MATANGKASA'

⁹ Teako anynyombai patung kammaya anjo, lanri iNakke Karaeng Allata'alanu siagang taeroKa' nipasangkamma manna apa-apa mamo maraenganga. Inai-nai angkabirisiA' laKuhukkungi sa'genna mae ri jari-jarina lapisi' matallua siagang makaappaka.

PAOLE 5:9 ပူးပေါင်းရင်းမြစ်များ

2 KARAENG-KARAENG 17:35

Le'ba'mi appare' parjanjiang Batara siagang umma' Israel kamma anne: “Teako anynyombai mae ri rewata-rewata maraenga; teako su'juki anynyomba ri ke'nanga yareka nulayani ke'nanga, yareka assare koro'bang mae ri ke'nanga.

KALAPPASSANG 34:14

Tea' laloko anynyombai rewata maraeng, nasaba' iNakke Batara, iamintu Allata'ala tenaya naero' nipasangkamma siagang apa-apa mamo.

KALAPPASSANG 34:7

Tuli mangngamaseangKu mae ri assa'bu-sa'bu lapisi'na turunang siagang Kupammopporangi kasalanga siagang dosaya; mingka sikamma tau salaya tena sikali nakkulle ta'lappasa' battu ri hukkungangKu, ba'lalo manna ana' cucunna sa'genna lapisi' makatallua siagang makaappaka anjo tau dorakaya takkulleai ta'lappasa' battu ri hukkungangKu.”

YEREMIA 32:18

Kipappicinikangi pangngamaseang satunggu-tungguTa mae ri assa'bu-sa'bua tau, mingka Kihukkung tongi taua lanri dosana tau toana. IKattemi Allata'ala mala'birika siagang porea; arenTa iamintu Batara Kaminang Koasaya.

PAMMILANGNGANG 14:18

‘INakke, Batara, tena Kulinta' larro. Kupappicinikangi pangngamaseangKu siagang tamamminraKu malla'bi-la'bia. Kupammopporangi tau dorakaya siagang tau angngewayA'. Mingka manna nakamma, kasalanna tau toaya laKubalasaki mae ri ana'-ana'na siagang cucu-cucunna, sa'genna jari-jari lapisi' makatalluna siagang makaappa'na.’

PAOLE 4:16

Jari katutui sollanna tena nanudoraka lanri nupapparekanna kalennu patung untu' nusomba, baji' bura'ne yareka baine,

PAOLE 4:24

nasaba' Karaeng Allata'alanu rapangi pepe' appakamutunga. Taerokai nipasangkamma siagang apa-apa maraenganga.

PAOLE 6:15

Punna anynyombako mae ri rewata-rewata maraenga, lanitujuko ri pangngalarroiNa Karaeng Allata'alanu siagang lanipanrakiko taba sikali, lanri anjo Karaeng Allata'alanu niaka ri tangnga-tangnganu taerokai nipasangkamma siagang apa-apa maraenganga.

PAOLE 7:10

Mingka tena todong Nabata-bata anghukkungi tau birisika ri Ia.