PAOLE 5:6 - KITTA' MATANGKASA'

⁶ Napappiassengangi Batara angkana, ‘INakke Karaeng Allata'alanu le'baka angngerangko assulu' battu ri butta Mesir, tampa'nu nipare' ata.

PAOLE 5:6 ပူးပေါင်းရင်းမြစ်များ

PAMMUJI 81:11

INakkemi Batara Allata'alanu, anrurungangko assulu' battu ri Mesir. Wattunnu cipuru' Kusareko kanre.

KALAPPASSANG 13:14

Punna ri bokoang allo nakkuta'nang ana'nu angkana apa ngaseng battuanna anjo sikammaya, musti appialiko angkana, ‘Lalang koasa malompoNa Batara na Naerang maki' assulu' battu ri pa'rasangang Mesir, tampatta nipare' ata.

KALAPPASSANG 13:3

Nakanamo Musa mae ri bansa Israel, “Anne alloa Nalappassang mako Batara lalang koasa malompoNa, sa'genna akkulle mako assulu' battu ri Mesir, tampa'nu nipare' ata. Lanri kammana anjo, pakalompomi anne alloa. Teako angnganrei roti ammakea pa'gambang.

KALAPPASSANG 20:1

Nampa a'bicaramo Allata'ala angkana,

YEREMIA 11:4

Le'ba'mi Kupare' anjo parjanjianga siagang boe-boena ke'nanga ri wattunna Kuerang ke'nanga assulu' battu ri Mesir, iamintu pa'rasangang rapanga naraka mae ri ke'nanga. Kusuroi ke'nanga mannuruki mae ri Nakke siagang nagaukang sikontu apa le'baka Kuparentakang. Kamma-kamma anne Kupau tommi mae ri tu Yehuda siagang pandudu'na Yerusalem angkanaya punna mannuruki ke'nanga ri Nakke, la'jarimi ke'nanga ummakKu siagang iNakke Allata'alana ke'nanga.

MIKHA 6:4

Le'ba' mako Kuerang assulu' battu ri butta Mesir, siagang Kulappassangko battu ri nipareka ata; le'ba'mi Kusuro Musa, Harun, siagang Miryam untu' ampimpingko.

PAOLE 4:4

nampa ikau tuli majarreka tappa'na mae ri Karaeng Allata'alanu attallasa' ijako sa'genna kamma-kamma anne.

PAOLE 6:4

U'rangi sikamma sari'battangku! Bataraji bawang, siagang Bataraji bawang Allata'alata!

PAOLE 7:8

Mingka Napileko Batara lanri Nakamaseangko siagang eroki Narupai janji Napareka siagang boe-boenu. Iaminjo saba'na nale'ba' mako Napasalama' siagang kakoasang lompoNa siagang Nalappassangko battu ri nipare' atanu battu ri karaeng Mesir.

PAOLE 8:14

katutui baji'-baji' sollanna tena nu'jari tampo siagang takkaluppa ri Karaeng Allata'alanu, le'baka allappassangko battu ri Mesir, le'baka nupammantangngi nipare' ata.