PAOLE 5:5 - KITTA' MATANGKASA'

⁵ Mingka lanri mallakko ri pepeka siagang tena nubarani angngambi' ri monconga, jari anjo wattua ammentenga' ri alla'nu siagang Batara untu' ampabattui kananNa Batara mae ri kau ngaseng.

PAOLE 5:5 ပူးပေါင်းရင်းမြစ်များ

PA'JARIANG 18:22

Jari nia'mo rua tau battu ri anjo toanaya a'lampa mange ri kota Sodom, mingka Batara ammantang iji siagang Abraham.

2 KARAENG-KARAENG 18:4

Naputtai tampa'-tampa' panynyombanga mae ri rewataya, siagang naruntungi tembo'-tembo' siagang patung-patung Dewi Asyera. Naancuru' tongi ulara' tambagaya bate pare'na Musa niarenga Nehustan. Nasaba', sa'genna anjo wattua tuli attunu iji dupa tu Israel untu' ampakalompoi anjo ulara' tambagaya.

PAMMUJI 106:23

Jari ero'mi Allata'ala ampossoki umma'Na, mingka nipisangkai ri Musa, tunipileNa. Musa a'jari antangngai ke'nanga, sa'genna naung larroNa Allata'ala.

KALAPPASSANG 19:16

Ri makatalluna alloa, ri bari'basa'na, battumi gunturuka siagang kilaka. Nia'mo ammumba rammang kapala' rate ri monconga siagang nia'mo kalangngerang sa'ra tarompe' sannaka lompona sa'ranna. Annekkere' ngasemmi sikontu taua ri kemaya napakamma malla'.

KALAPPASSANG 19:21

nampa Nakanamo Batara ri ia, “Naungko nampa nupakainga' ngaseng anjo taua angkanaya takkulleai ke'nanga allaloi anjo pa'baeng-baenga untu' battu mae ancinikKa'. Punna nadakkai ke'nanga anne parentaya, jai ri ke'nanga lamate.

KALAPPASSANG 19:25

Nampa naummi Musa mange ri anjo bansaya. Napabattuammi ke'nanga anjo pasanNa Batara.

YEREMIA 30:21

Karaeng ammarentaya ri kau tau battu tonji ri bansanu. Bebasaki ke'nanga a'reppese' ri Nakke punna Kukio' andallekang ri Nakke. Nasaba' inaika barani andallekang ri Nakke ri ero' kalenna? La'jariko ummakKu siagang iNakke a'jari Allata'alanu. INakke, Batara, akkana kamma anjo.”

PAMMILANGNGANG 16:48

Ammarimi anjo garringa; niaki Harun ri tangnga-tangngana tau attallasaka ija siagang tau mateamo.

GALATIA 3:19

Jari punna kamma, untu' apa padeng nanipassareang anjo hukkung agamaya? Pialinna iamintu angkanaya, anjo hukkunga nipappitambangi sollanna nipa'nassa gau' dosana rupataua. Wattu tappakena anjo hukkung agamaya sa'gennaji kabattuanna sitau sossoranna Abraham le'baka nipau lalang ri janjinNa Allata'ala mae ri Abraham. Anjo hukkung agamaya, malaeka'-malaeka' ampabattui tete ri rupataua.

PAOLE 5:27

Lanri kammana anjo, a'lampa mako Musa, pilangngeri sikontu apa Napaua Karaeng Allata'alata, nampa pabattui sallang mae ri kambe anjo apa Napaua mae ri kau. Lanapilangngeri ikambe siagang mannuruki ikambe.’

IBRANI 9:24

Nasaba' teai Kamara' Matangkasa' bate pare'na rupataua Napantamakki Almasi. Anjo Tampaka poro pangngebaranji bawang ri Kamara' Matangkasa' sitojennaya. Ma'nassa suruga tojeng Napantamakki Almasi; anjoremmi kamma-kamma anne andallekang ri Allata'ala untu' kasalamakkanta ngaseng.