PAOLE 5:32 - KITTA' MATANGKASA'

³² Sikamma sari'battangku, turuki siagang pa'mai' tamamminra sikontu apa Naparentakanga Karaeng Allata'alanu mae ri kau ngaseng. Teako dakkai manna se're sikamma anjo parentaya.

PAOLE 5:32 ပူးပေါင်းရင်းမြစ်များ

2 KARAENG-KARAENG 17:37

Tuli mannurukiko ri hukkung-hukkungKu siagang parenta-parenta le'baka Kutulisi' untu' ikau. Teako anynyombai mae ri rewata-rewata maraenga,

2 KARAENG-KARAENG 21:8

Na punna naturuki umma' Israel sikontu parentaKu siagang hukkung-hukkung napassareanga Musa atangKu mae ri ke'nanga, tena nalaKulappassang ke'nanga nibongka battu ri pa'rasangang le'baka Kupassareang mae ri boe-boena ke'nanga.”

2 KARAENG-KARAENG 22:2

Yosia nagaukangi apa Nangaia Batara. Naturuki panggaukanna boena iamintu Karaeng Daud, siagang naturuki tojeng-tojengi sikontu hukkunNa Allata'ala.

PAMMUJI 125:5

Mingka tau a'gau' jekkonga poro nihukkung laloi ri Batara siagang tau ja'dalaka. Poro salewangang lalo ummatTa!

PAMMUJI 19:12

Yangasenna anjo mappakainga' ri atanTa; sadiai pahala lompoa mange ri tau anturukiai.

PAMMUJI 80:19

Natena nalammengka maraeng ikambe battu ri Katte; Kijagai tallasa'na ikambe, nalamammuji ikambe mae ri Katte.

PANGNGEBARANG 3:2

sollanna la'bu umuru'nu siagang salewangang tallasa'nu.

PANGNGEBARANG 4:27

Pakabellai kalennu battu ri kaja'dallanga, siagang lambusukko lalang tallasa'nu. Tea' laloko ammengkai battu ri oloang annabaya.

YESAYA 30:21

Punna ammengkako battu ri oloanga, lanulangngereki battu ri boko sa'ranNa angkana, “Anne oloanga; anne nupinawang.”

YEHEZKIEL 20:19

INakkemi Karaeng Allata'alanu. Turuki hukkung-hukkungKu siagang parenta-parentaKu.

YEHEZKIEL 37:24

Lanipa'jari se'rei ke'nanga irawangang parentana se'rea karaeng sangkammaya Karaeng Daud, ammarentaya satunggu-tungguna. Lamajarreki ke'nanga anturuki hukkung-hukkungKu. Nampa sa'genna satunggu-tungguna ke'nanga siagang jari-jarina ke'nanga lanapammantangngi anjo pa'rasanganga, iamintu pa'rasangang Kupassareanga mae ri Yakub siagang napammantangngia boe-boena ke'nanga.

PAOLE 11:32

musti nuturuki sikontu hukkung kupabattua mae ri kau anne alloa.”

PAOLE 12:32

Gaukang ngasengi sikontu apa kuparentakanga mae ri kau; teako tambai yareka teako kurangngi.

PAOLE 17:11

Tarimami anjo kaputusanna ke'nanga siagang gaukangi apa le'baka napattantu ke'nanga sa'genna ri passala' kaminang ca'dia.

PAOLE 17:20

Punna rajengi ambacai, tenamo nalanakana kalenna la'bi bajikangngangi na julu bansana maraenganga, siagang manna antekamma tenamo nalanadakkai parentaNa Batara. Nampa iami siagang jari-jarina tuli lammarenta ri bansana.”

PAOLE 24:8

Punna nia' tau garring sala ri tangnga-tangnganu, gaukangi siagang baji' apa naparentakanga imang-imang Lewi mae ri kau; turuki sikamma apa napijo'jokiangko.

PAOLE 28:14

Mingka tea sikaliko kaluppai anjo parenta-parentaya, manna pole antekamma. Tea tongko anynyombai siagang teako pare' atai kalennu mae ri rewata-rewata maraenga.”

PAOLE 29:8

Niallei buttana ke'nanga nampa nibage mae ri suku Ruben siagang Gad, kammayatompa sipa'gang suku Manasye.

PAOLE 6:17

Turuki sikontu hukkung Napassareanga Karaeng Allata'alanu mae ri kau.

PAOLE 6:25

Punna tamamminraya nyawata anturuki sikontu apa Naparentakanga Karaeng Allata'alata mae ri katte, lamangngellai mae ri katte.’ ”

PAOLE 6:3

sikamma sari'battangku ngaseng; gaukangi anjo kammaya siagang pa'mai' tamamminranu, sollannu salewangang siagang a'jari bansa lompo ri pa'rasangang kalumanynyanga siagang copponga buttana, sangkamma Napa'janjianga Karaeng Allata'alana boe-boeta.

PAOLE 8:1

“Sikontu hukkung kupassareanga mae ri kau anne alloa musti nugaukangi tamattappu', sollannu tuli attallasa', nupila' jai siagang nupammantangngi butta Napa'janjianga Batara mae ri boe-boenu.

YOSUA 1:7

Iaji bawang, paralluko tappa' tojeng-tojeng siagang barani. Musti nujagai sollanna tuli nuturuki sikontu hukkung napassareanga anjo atangKu Musa mae ri kau; teako kaluppai manna sike'de', sollanna a'jari usahanu.

YOSUA 23:6

Lanri kammana anjo, tutuko sollanna nuturuki siagang nugaukang sikontu apa niaka tattulisi' lalang ri Kitta' Hukkunna Musa. Teako dakkai bonena anjo kittaka manna pole sirupa.

2 PETRUS 2:21

Anjo tau kammaya la'bi bajikangangi punna sikali tenale'bakai naasseng oloang tojeng battua ri Allata'ala, naia naassenga mingka taerokai anturuki apa Napassuroanga Allata'ala mae ri ke'nanga.