PAOLE 5:29 - KITTA' MATANGKASA'

²⁹ Ka'de' natuli kammana anjo pa'mai'na ke'nanga! Ka'de' natuli napakalompoA' siagang naturuki sikontu parentaKu, sa'genna salewangang ke'nanga siagang jari-jarina sa'genna satunggu-tungguna!

PAOLE 5:29 ပူးပေါင်းရင်းမြစ်များ

1 PATTOTTORANG 29:18

O Karaeng Allata'ala, Ia nasombaya Abraham, Ishak, siagang Yakub, boe-boena ikambe, poro Kijagai sollanna tuli mangngai ummatTa mae ri Katte sangkamma ri kamma-kammaya anne, siagang Kikutulungi sollanna tena le'bakai mamminra mae ri Katte.

PAMMUJI 106:3

Mate'nei tau mannurukia ri parenta-parentaNa, siagang tuli annabaya lalang tindakanna.

PAMMUJI 19:11

Lompoangangi anggaranna HukkunNa Batara na bulaeng ti'no', te'neangangi naje'ne' bani tenaya bengkoro'na.

PAMMUJI 19:12

Yangasenna anjo mappakainga' ri atanTa; sadiai pahala lompoa mange ri tau anturukiai.

PAMMUJI 78:7

Lanri kammana anjo manrannuang tommi ke'nanga mae ri Allata'ala, tenamo nakaluppai panggaukanNa, mingka tuli mannuruki ri parentaNa,

PAMMUJI 81:16

Tau birisika ri ke'nanga laKupatunduki, lanihukkungi ke'nanga satunggu-tungguna.

YESAYA 3:10

Nakana Batara, “Pabattui mae ri tau mannurukia ri Nakke angkana lamate'nei siagang lasalamaki ke'nanga. Lanakasia' bajiki ke'nanga wassele' posona.

YESAYA 48:18

Ebara' angkana nuparhatikangi sikamma parentaKu, lasalewangangko rapang binanga tenaya nale'ba' kalotoro', laupakko rapang bombang ri tamparang tenaya nale'ba' ammari-mari.

YEREMIA 44:4

Tulusu' Kusuroi battu ata-atangKu sikamma na'bia mae ri kau, ampisangkaiko anggaukangi anjo kaja'dallang tenaya Kungai.

MATIUS 23:37

“O Yerusalem, O Yerusalem! Kau ambunoi na'bi-na'bia. Nusambilai batu sikamma tunisuroNa Allata'ala sa'genna mate. A'mole-moleMa' ero' anraka' ngasengko sanrapang anrong janganga ancokkoi ana'-ana'na irawangang ka'nyi'na. Mingka tena ngaseng nuero'!

LUKAS 11:28

Mingka appialimi Isa Nakana, “La'bi upakkangangi pole tau allangngerekai siagang anggaukangi kana-kananNa Allata'ala!”

LUKAS 19:42

Lalang angngarru'Na Nakana, “O kodong, baji'na mamo ka'de' nuassemmo anne alloa apa lakkullea angngerang passiamakkang! Mingka kamma-kamma anne takkulleai nucini'.

YOHANES 15:14

Ikau ngasemmi antu passari'battangangKu, punna nugaukangi apa Kuparentakanga ri kau.

2 KORINTUS 5:20

Jari ikambemi anne tunisuroNa Almasi. A'bicarami ikambe sangkamma angkanaya KalenNa Allata'ala a'bicara mae ri kau ngaseng lalang ri kalenna ikambe. Lalang arenNa Almasi, nanapala' dudumo ikambe sollanna nujamakkimo limanNa Allata'ala assareako oloang nukkulle assibajiki siagang KalenNa.

2 KORINTUS 6:1

Lanri assiaganNa Allata'ala ikambe anggaukangi anjo jama-jamanga, iami anjo nanapala' tojeng-tojemmo ikambe sollanna tena nanubawang-bawangangi anjo kabajikang pa'mai'Na Allata'ala.

EFESUS 6:3

iamintu: “Sollanna numate'ne siagang la'bu umuru'nu ri lino.”

PAOLE 10:12

“Kamma-kamma anne sari'battangku ngaseng, parhatikang lalomi apa Natuntuka Karaeng Allata'alanu battu ri kau, angkanaya: Pakala'biriki Karaeng Allata'alanu siagang gaukang laloi sikontu Naparentakanga. Mangngamaseangko mae ri Ia, siagang gaukang laloi ibadanu mae ri Ia ilalang sikontu batangkalennu siagang nyawanu.

PAOLE 10:20

Pakala'biriki Karaeng Allata'alanu, siagang Iaji bawang musti nusomba. Paralluko tuli majarre' pa'mai'nu mae ri Ia siagang lalang arenNa bawang nussumpa.

PAOLE 11:1

“Kamaseangi Karaeng Allata'alanu, siagang tuli mannurukiko ri sikontu parentaNa.

PAOLE 12:25

Punna nuturuki anjo parentaya, lasannangi pa'mai'Na Batara, siagang ikau kammayatompa jari-jarinu lasalewangangko.

PAOLE 12:28

Parhatikang bajiki sikontu apa le'baka kuparentakang mae ri kau, nampa nugaukang apa bajika siagang Napangngellaia Karaeng Allata'alanu, sa'genna ikau siagang jari-jarinu salamakko siagang salewangangko sa'genna satunggu-tungguna.”

PAOLE 19:13

Teako kamaseangngi anjo taua. Pakabebasaki tu Israel battu ri tau pabuno kammaya anjo, sollannu salewangang lalang tallasa'nu.”

PAOLE 22:7

Akkullei nualle ana'na anjo jangang-janganga, mingka lappassangi nanri'ba' anronna, sollanna la'bu umuru'nu siagang salewangang ri tallasa'nu.

PAOLE 4:10

ri passala'na anjo alloa, ri wattu ammentennu ri dallekanNa Karaeng Allata'alanu ri Moncong Sinai. Anjo wattua Nakana Batara ri nakke, ‘Passe'rei anjo bansaya, sollanna appilajara' ke'nanga mannuruki mae ri Nakke lalang sikontu tallasa'na, kammayatompa sollanna naajara' ana'-ana'na ke'nanga mannuruki mae ri Nakke.’

PAOLE 4:2

Anjo apa kuparentakanga, teako tambai yareka teako kurangngi manna sike'de'. Turuki sikamma parentaNa Karaeng Allata'alanu kupassareanga mae ri kau.

PAOLE 4:40

Turuki sikontu hukkung kupassareanga mae ri kau anne alloa, nampa ikau siagang jari-jarinu lasalewangangko siagang latuli attallasa' mako ri pa'rasangang Napassareanga Karaeng Allata'alanu a'jari pisakanu sa'genna satunggu-tungguna.”

PAOLE 5:16

Pakalompoi siagang parakai anrong manggenu; iaminjo parentaKu, Karaeng Allata'alanu, sollannu salewangang siagang la'bu umuru'nu ri pa'rasangang Kupassareanga mae ri kau.

PAOLE 5:30

A'lampa mako kamma-kamma anne siagang suromi anjo bansaya massing ammotere' mange ri kemana.

PAOLE 5:33

Gaukangi sikontu Napassuroanga Karaeng Allata'alanu mae ri kau, sollannu salewangang siagang akkulle ammantang tuli ri pa'rasangang lanupammantangia.”

PAOLE 6:17

Turuki sikontu hukkung Napassareanga Karaeng Allata'alanu mae ri kau.

PAOLE 6:18

Gaukangi apa Nakanaya baji' siagang adele' Batara, na nusalewangang. Butta coppong Napa'janjianga Batara mae ri boe-boenu, lanupatangi,

PAOLE 6:3

sikamma sari'battangku ngaseng; gaukangi anjo kammaya siagang pa'mai' tamamminranu, sollannu salewangang siagang a'jari bansa lompo ri pa'rasangang kalumanynyanga siagang copponga buttana, sangkamma Napa'janjianga Karaeng Allata'alana boe-boeta.

PAOLE 8:6

Jari, gaukangi sikontu apa Naparentakanga Karaeng Allata'alanu. Attallasa' mako situru' hukkung-hukkunNa siagang mappakala'biri' mako mae ri Ia.

IBRANI 12:25

Lanri kammana, tutu laloko, gassingka taerokako ampilangngeri kananNa Tau ampabattuai biritta battua ri Allata'ala. Ia tau tenaya naero' ampilangngeri biritta nipabattua battu ri Allata'ala lalang ri anne linoa, takkulleai allariangi kalenna. La'biangampa ikatte anne, allangngerekai anjo a'bicaraya battu ri suruga! Punna taerokaki' ampilangngeri, antekamma bateta lakkulle ta'lappasa'.

YAKOBUS 1:25

Anjo hukkunNa Allata'ala sukkuki siagang makoasai untu' ampakabebasaki rupataua. Na inai-nai ansalidiki siagang amparhatikang baji'-bajiki kammayatompa anggaukangi anjo hukkung-hukkunga, jari tena na nalangngere'ja bawang nampa nakuluppai, iami lanibarakkaki ri Allata'ala lalang sikontu apa-apa nagaukanga.

PAPPICINI' 22:14

Maupaki tau antangkasiai jubana sa'genna tangkasa'. Iaminjo ke'nanga lanipa'biang langkanrei rapponna anjo poko' katallassanga, siagang la'jappa antama' ri anjo kotaya, angngolo ri pakke'bu' lompona.

RUT 3:1

Siapa are sallona ribokoanganna, nakanamo Naomi mae ri Rut, “Musti usaha' ampa'bura'neko poleang siagang numate'ne.