PAOLE 5:27 - KITTA' MATANGKASA'

²⁷ Lanri kammana anjo, a'lampa mako Musa, pilangngeri sikontu apa Napaua Karaeng Allata'alata, nampa pabattui sallang mae ri kambe anjo apa Napaua mae ri kau. Lanapilangngeri ikambe siagang mannuruki ikambe.’

PAOLE 5:27 ပူးပေါင်းရင်းမြစ်များ

KALAPPASSANG 18:20

Musti nuajaraki ke'nanga situru' sikamma parentaNa Allata'ala siagang nupangngajarrang antekamma nikanaya attallasa' baji' siagang apa musti nagaukang ke'nanga.

KALAPPASSANG 19:8

Appada-pada ngasemmi ke'nanga appiali angkana, “Sadiai ikambe untu' anggaukangi sikontu kananNa Batara.” Anjo pappialinna ke'nanga napabattui Musa mae ri Batara. Nampa Nakanamo Batara ri Musa, “LabattuA' mae ri kau nikalimbuki ri rammang kapalaka; lanalangngereki taua punna a'bicarA' mae ri kau, nappakkaramula anjo wattua tuli latappa'mi ke'nanga mae ri kau.

KALAPPASSANG 20:18

Ri wattunna nalangngere' taua gunturuka siagang sa'ra tarompeka, kammayatompa nacini'na kilaka siagang a'rumbu monconga, annekkere'mi ke'nanga napakamma malla', siagang ammenteng battu bellami ke'nanga.

KALAPPASSANG 20:19

Nakanamo ke'nanga ri Musa, “Ikaumo a'bicara mae ri kambe, nalanapilangngeri ikambe. Teami na Allata'ala a'bicara mae ri kambe, gassingka mateji ikambe.”

KALAPPASSANG 24:3

Jari a'lampami Musa siagang napa'la'bammi napauang anjo bansaya sikontu parentaNa siagang paratoranNa Batara. Appadami appiali ngaseng ke'nanga angkana, “Sadiami ikambe langgaukangi sikontu Nakanaya Batara.”

YEREMIA 42:5

Nakana ke'nanga ri nakke, “Napalaki ikambe ri katte sollanta appala' doang ri Karaeng Allata'alata, lanri eroki ikambe mannuruki ri Ia, sollanna a'jari baji' katallassanna ikambe. Jari, baji' yareka kodi anjo pasanNa Batara, lamannuruki ikambe ri Ia. Boli'mi kamma Batara a'jari sa'bi malambusu' siagang tamamminraya mae ri kambe, punna tena naturuki ikambe sikontu parenta Napassareanga Batara mae ri kambe tete ri katte bapa'.”

PAOLE 5:26

Niakka rupatau akkulle tuli attallasa' le'ba'namo nalangngere' Allata'ala mattallasaka a'bicara battu lalang ri pepeka?

PAOLE 5:28

Nalangngere'na anjo, Nakanamo Batara mae ri nakke, ‘Kulangngereki anjo apa napaua anjo bansaya, siagang kontutojengi anjo kananna ke'nanga.

IBRANI 12:19

andallekangi ke'nanga sa'ra tarompe', siagang sa'ra teai sipatoka heba'na. Ri wattunna nalangngere' anjo sa'raya, napala' dudumi ke'nanga sollanna tenamo na'bicara pole anjo sa'ra-sa'raya mae ri ke'nanga.

YOSUA 24:24

Nampa nakanamo anjo taua mae ri Yosua, “Ikambe Batara Allata'alata bawang lanisomba. Lanaturuki ikambe parenta-parentaNa.”