PAOLE 4:9 - KITTA' MATANGKASA'

⁹ Parhatikangi siagang u'rangi baji'-baji', sollanna tena nanukaluppai apa le'baka nucini' kalennu lalang tallasa'nu. Caritai mae ri ana' cucunnu

PAOLE 4:9 ပူးပေါင်းရင်းမြစ်များ

PA'JARIANG 18:19

Ia le'ba'mi Kupile sollanna naparentakang mae ri sikamma ana'-ana'na siagang turunganna untu' amminawang turu' ri Nakke kammayatompa nagaukang panggaukang bajika siagang adeleka. Punna nagaukangi ke'nanga anjo passalaka, sikontu janjingKu mae ri Abraham laKurupai ngasengi.”

PAMMUJI 119:11

Kuboliki ri pa'maikku pangngajaratTa, sollanna tena kudoraka mae ri Katte.

PAMMUJI 71:18

O, Allata'ala, tea' laloKi' bokoia', sa'gengku toa siagang kebo' uukku, sollanna kukabarrang koasaTa siagang kaporeanTa mae ri sikontu turungang labattua.

KALAPPASSANG 10:2

siagang sollanna akkulle nucarita mae ri ana' cucunnu antekamma batena Kupare' karek-karenang bansa Mesir lanri sikamma anjo gau' malompoa. Jari lanuasseng ngasemmi angkanaya iNakkemi Batara.”

KALAPPASSANG 23:13

Parhatikangi sikontu apa le'baka Kupau mae ri kau. Teako appakalompoi rewata-rewata maraeng, ba'lalo manna nutappua arenna tena todong nakkulle.”

PANGNGEBARANG 1:8

Parhatikangi kananna anrong manggenu, anakku,

PANGNGEBARANG 23:26

Parhatikangi baji'-baji', siagang contoi tallasa'na, ana'!

PANGNGEBARANG 3:21

Lanri kammana anjo, anna'galakko mae ri kacara'dekanga siagang mae ri tangara' bajika, na'! Tea sikaliko lappassangi,

PANGNGEBARANG 7:1

U'rangi laloi kana-kanangku, ana', siagang teako kaluppai apa kuparentakanga mae ri kau.

YESAYA 38:19

Tuttallasa' bawang akkulle mammuji ri Katte, kamma kugaukanga anne alloa. Tutoa ancaritai ri ana'na ri tamaka tamamminraTa, o Batara.

YESAYA 42:20

Israel, jai nucini', mingka tena nuparhatikangi, tassungkei tolinnu, mingka tena nullangngere'.”

YEREMIA 17:21

Pabattui kamma anne: ‘Punna tena nuero' mate, teako angngangkaki barang punna allo Pammari-mariang, yareka nanuerang antama' allalo ri sikamma pakke'bu' lompona Yerusalem.

LUKAS 8:18

Lanri kammana, pilangngerimi baji'-baji' apa-apa nulangngereka. Nasaba' tau niakamo apa-apanna lanitambaiangi pole jaiangang; mingka tenaya apa-apanna, manna apa sike'deka ri ia lanialleangi pole ammotere'.”

EFESUS 6:4

Ikau ngaseng a'jari manggea! Teako pakanassu-nassui pa'mai'na ana'nu. Mingka pakalompoi pa'mai'na siagang ajara' bajiki ke'nanga situru' pangngajaranNa Batara.

PAOLE 11:19

Pangngajarrangi mae ri ana'-ana'nu. Bicarakangi lalang ri balla'nu siagang ri pantaranganna balla'nu, wattunnu ammari-mari siagang ri wattunnu anjama.

PAOLE 12:1

“Iaminne hukkung-hukkung mustia nuturuki lalang sikontu umuru' katallassannu ri pa'rasangang Napassareanga Batara, Allata'alana boe-boenu, mae ri kau.

PAOLE 16:3

Anjo passare Paskaya musti nupasikanrei siagang roti tenaya nammake pa'gambang. Tuju alloko musti angnganre roti tenaya nammake pa'gambang, sangkamma ri wattu nubokoina butta Mesir siagang akkaro-karo. Kanremi anjo rotia, iamintu roti niarenga roti kasessang, sollanna tuli nuu'ranginna anjo alloa lalang sikontu tallasa'nu, iamintu ri wattunna nubokoi Mesir, tampa' nupammantangngia angkasiaki sessaya.

PAOLE 17:19

Anjo kittaka musti tuli niaki ri ampi'na, siagang musti tuli nabacai lalang sikontu umuru' katallassanna, sollanna appilajara' ampakala'biriki Karaeng Allata'alana siagang tamamminraya pa'mai'na tuli anturuki sikontu parenta niaka tattulisi' ilalang ri anjo kittaka.

PAOLE 29:29

Nia' siapa are passala' Narahasiakang Karaeng Allata'ala mae ri katte; mingka le'ba'mi Napa'nyata hukkunNa mae ri katte, na ikatte siagang sikontu jari-jarita musti mannuruki mae ri anjo hukkunga sa'genna satunggu-tungguna.”

PAOLE 31:19

Kamma-kamma anne, tulisi'mi anne kelong-kelonga. Pangngajarrangi anjo mae ri bansa Israel salaku sa'bi mae ri ke'nanga.

PAOLE 32:46

nakanamo Musa, “Katutui sollannu mannuruki ri sikontu parenta kupassareanga mae ri kau anne alloa. Pangngajarrangi mae ri ana'-ana'nu, sollanna akkulle mannuruki ke'nanga ri sikontu hukkunNa Batara siagang pa'mai' tamamminra.

PAOLE 4:10

ri passala'na anjo alloa, ri wattu ammentennu ri dallekanNa Karaeng Allata'alanu ri Moncong Sinai. Anjo wattua Nakana Batara ri nakke, ‘Passe'rei anjo bansaya, sollanna appilajara' ke'nanga mannuruki mae ri Nakke lalang sikontu tallasa'na, kammayatompa sollanna naajara' ana'-ana'na ke'nanga mannuruki mae ri Nakke.’

PAOLE 4:15

“U'rangi baji'-baji'! Ri wattunna a'bicara Batara mae ri kau lalang pepe' ri Moncong Sinai, tena apa-apa nucini'.

PAOLE 4:23

U'rangi baji'-baji'! Teako takkaluppai ri parjanjiang Napareka Karaeng Allata'alanu siagang ikau ngaseng! Turuki parentaNa; tea' laloko appareki patung manna pole antekammaya tanja'na untu' nusomba,

PAOLE 6:12

katutui baji'-baji' sollanna tena nutakkaluppa mae ri Batara, le'baka allappassangko battu ri Mesir, tampa' le'baka nupammantangngi nipare' ata.

PAOLE 6:2

Paralluko ikau siagang jari-jarinu ampakala'biriki karaeng Allata'alanu lalang sikontu tallasa'nu siagang nuturuki sikontu hukkung kupabattua mae ri kau, sollanna la'bu umuru'nu ri anjo pa'rasanganga. Lanri kammana anjo, pilangngeri

PAOLE 6:20

Ri allo ri boko lakkuta'nangi ana'-ana'nu mae ri kau angkana, ‘Angngapai Karaeng Allata'alata naNasuroki' anturuki sikontu anjo parentaya?’

PAOLE 6:7

Pangngajarrangi mae ri ana'-ana'nu. Parallui nucaritakang ilalang ri balla'nu siagang ri pantarang balla'nu, wattunnu ammari-mari siagang ri wattunnu anjama.

PAOLE 8:11

“Katutui baji'-baji', sollanna tena nutakkaluppa mae ri Karaeng Allata'alanu; teako bawang-bawangngangi manna pole se'reja battu ri sikontu hukkunNa kupassareanga mae ri kau anne alloa.

PAOLE 8:14

katutui baji'-baji' sollanna tena nu'jari tampo siagang takkaluppa ri Karaeng Allata'alanu, le'baka allappassangko battu ri Mesir, le'baka nupammantangngi nipare' ata.

IBRANI 2:1

Iaminjo saba'na kimusti la'bi attojeng-tojeng anna'gala' jarre' mae ri sikontu pangngajarang le'baka nilangngere' battu ri Allata'ala, sollanna tena nanibokoi katappakkanta.

IBRANI 2:3

La'biangampa pole anjo kasalamakkang hebakkanganga na anjo sikamma pappasanga. Punna tena nanijampangi anjo kasalamakkanga, mattantu takkulleaki' lata'lappasa' battu ri hukkunganga. Nasaba' KalenNa Batara uru-uru ampa'la'bangi anjo kasalamakkanga; na sikamma tau uru-uru allangngerekai le'ba'mi napa'butti katojenganna mae ri katte.

YAKOBUS 2:22

Anrinni a'nassami angkanaya anjo katappakkanga musti nipa'nyatai lalang ri panggaukanga sollanna a'jari sukku'.

YOSUA 1:18

Inai-nai taeroka mannuruki ri kakoasannu, yareka taeroka mannuruki ri parentanu, lanihukkung matei. Paralluko tappa' siagang barani!”

YOSUA 23:11

Lanri kammana anjo, angngu'rangiko untu' mangngamaseang mae ri Karaeng Allata'alanu.

YOSUA 4:21

Nampa nakana Yosua mae ri umma' Israel, “Ri bokoangallo, punna akkuta'nang ana'-ana'nu angkanaya apa battuanna anne batu-batua,

PAPPICINI' 3:3

Jari, u'rangi ammotere' apa le'baka nipangngajarrang mae ri kau riolo siagang apa le'bakamo nulangngere'. Gaukangi anjo sikammaya, siagang toba' ngaseng mako battu ri dosa-dosanu. Punna tambangungako, labattuA' mae ri kau sanrapang palukkaka; natanuassenga angkanaya ringngapanna wattua naKulabattu.

HAKING-HAKING 3:7

Dorakami umma' Israel mae ri Batara, Allata'alana ke'nanga. Takkaluppami ke'nanga mae ri Ia, sa'genna anynyombami ke'nanga mae ri berhala-berhala Baal siagang Asyera.

HAKING-HAKING 8:34

Tenamo nanynyomba ke'nanga mae ri Allata'ala, Batarana ke'nanga, le'baka allappassangi ke'nanga battu ri kakoasanna musu-musu niaka ri tammulilina ke'nanga.