PAOLE 4:5 - KITTA' MATANGKASA'

⁵ Sikontu anjo hukkunga kupangngajarrangi mae ri kau situru' Naparentakanga Karaeng Allata'alaku. Turuki ngasengi sikammaya anjo ri pa'rasangang lanupantamakkia siagang lanupammantangngia.

PAOLE 4:5 ပူးပေါင်းရင်းမြစ်များ

PAMMUJI 71:17

O, Allata'ala, Kiajarakka' battu ri wattu rungkaku, sa'genna anne kamma kucaritai bate pare' malompoTa.

KALAPPASSANG 18:20

Musti nuajaraki ke'nanga situru' sikamma parentaNa Allata'ala siagang nupangngajarrang antekamma nikanaya attallasa' baji' siagang apa musti nagaukang ke'nanga.

YEREMIA 11:6

Nampa Nakana Batara ri nakke, “A'lampako mange ri kota-kotaya ri Yehuda, siagang mange ri sikamma aganga ri Yerusalem. Pabattui anne pasangKu mae ri sikontu tau niaka anjoreng. Suroi ke'nanga amparhatikangi siagang anturuki sara'-sara'na parjanjiangKu.

YEHEZKIEL 20:11

Anjoreng Kusarei ke'nanga parenta-parentaKu siagang Kupangngajarrangi mae ri ke'nanga hukkung-hukkungKu mustia naturuki ke'nanga, nasaba' inai-nai anturuki iami latuli attallasa'.

KAIMANGNGANG 19:19

Mannurukiko ri parenta-parentaKu. Teako appa'buntingi olo'-olo' tenaya nasangkamma. Teako a'lamungi ruang rupa lamungang ri se'rea butta. Teako ammakei pakeang battu ri ruang rupaya bannang nitannung.

KAIMANGNGANG 26:46

Iaminjo hukkung-hukkung siagang parenta-parenta Napassareanga Batara irate ri Moncong Sinai mae ri Musa untu' bansa Israel.

KAIMANGNGANG 27:34

Iaminjo parenta-parenta Napassareanga Batara irate ri Moncong Sinai mae ri Musa untu' bansa Israel.

KAIMANGNGANG 7:38

Napassareangi Batara anjo parenta-parentaya mae ri Musa ri Moncong Sinai, ri wattunna Nasuro bansa Israel assare koro'bang ri parang lompona Sinai.

MATIUS 28:20

Ajaraki ke'nanga anggaukangi sikontu le'baka Kupassuroang ri kau ngaseng. Na u'rangimi angkanaya laniakKa' anrurungangko sa'genna kala'busang jammanga.”

LAMPA-LAMPANA 20:27

Tena nakule'ba' ampilari tugasakku untu' ampakasingariangko sikontu apa eroka Nagaukang Allata'ala ri kau ngaseng.

1 KORINTUS 11:28

Jari, parallui massing naparessa kalenna tasse're-se'rea tau nampa akkulle nakanre anjo rotia siagang nainung anjo anggoroka.

1 KORINTUS 15:3

Anjo apa kupabattua mae ri kau, apa le'baka tonji kutarima. Ia kaminang parallua, kamma tattulisika lalang ri Kittaka, iamintu kupabattumi mae ri kau ngaseng angkanaya matemi Almasi lanri dosa-dosata ngaseng;

PAOLE 11:32

musti nuturuki sikontu hukkung kupabattua mae ri kau anne alloa.”

PAOLE 4:1

Nampa nakana Musa mae ri anjo bansaya, “Turuki sikontu hukkung kupangngajarranga mae ri kau ngaseng, sollannu attallasa' sa'genna nupammantangngi anjo butta laNapassareanga Batara, Allata'alana boe-boenu, mae ri kau.

PAOLE 4:2

Anjo apa kuparentakanga, teako tambai yareka teako kurangngi manna sike'de'. Turuki sikamma parentaNa Karaeng Allata'alanu kupassareanga mae ri kau.

PAOLE 4:4

nampa ikau tuli majarreka tappa'na mae ri Karaeng Allata'alanu attallasa' ijako sa'genna kamma-kamma anne.

PAOLE 4:40

Turuki sikontu hukkung kupassareanga mae ri kau anne alloa, nampa ikau siagang jari-jarinu lasalewangangko siagang latuli attallasa' mako ri pa'rasangang Napassareanga Karaeng Allata'alanu a'jari pisakanu sa'genna satunggu-tungguna.”

PAOLE 5:1

Napasse'rei Musa sikontu bansa Israel, nampa nakana mae ri ke'nanga, “Sikamma sari'battangku ngaseng, pilangngerimi anne hukkung-hukkung kupassareanga mae ri kau ngaseng anne alloa. Pilajari baji'-baji' anjo hukkung-hukkunga, siagang tuli majarrekko anturuki.

PAOLE 6:1

“Nasuroa' Karaeng Allata'alanu ampangngajarrangi sikontu anne hukkunga mae ri kau ngaseng, sollanna nugaukangi sallang ri pa'rasangang tenayamo nasallo nanupammantangngi.

PAOLE 7:11

Jari, turuki sikontu hukkunNa kupabattua mae ri kau anne alloa.”

PAOLE 8:11

“Katutui baji'-baji', sollanna tena nutakkaluppa mae ri Karaeng Allata'alanu; teako bawang-bawangngangi manna pole se'reja battu ri sikontu hukkunNa kupassareanga mae ri kau anne alloa.

IBRANI 3:5

Tamalanreai Musa a'jari palayang lalang ri Balla'Na Allata'ala siagang ampabattui apa-apa laNapa'nyataya Allata'ala sallang ri allo labattua.