PAOLE 4:38 - KITTA' MATANGKASA'

³⁸ Bansa-bansa la'bi lompoanganga siagang la'bi kassakanganga Nabongkai battu ri dallekannu, sollanna Naantarakko mange ri pa'rasanganna ke'nanga Napassareanga mae ri kau, pa'rasangang nupatanga kamma-kamma anne.

PAOLE 4:38 ပူးပေါင်းရင်းမြစ်များ

2 PATTOTTORANG 20:11

Kamma-kamma anne, kammami anne panggaukanna anjo bansa-bansaya mae ri kambe. Eroki ke'nanga ambongkai ikambe battu ri anne pa'rasangang Kipassareanga mae ri kambe.

2 PATTOTTORANG 20:7

IKattemi Allata'alana ikambe. Ri wattunna battu ummatTa Israel mae anrinni ri pa'rasanganga, Kibongkai sikamma tau niaka ammantang anrinni anjo wattua. Nampa Kipassareang anne pa'rasanganga mae ri jari-jarina Abraham, belata, untu' a'jari butta napatang ke'nanga satunggu-tungguna.

PAMMILANGNGANG 34:14

Suku-suku Ruben siagang Gad kammayatompa bageruanna suku Manasye le'ba'mi natarima tawana ke'nanga, siagang le'ba' tommi nabage-bage anjo buttaya mae ri massing-massing kaluargana ke'nanga.

PAMMILANGNGANG 34:15

Anjo butta pisakana ke'nanga ri bageang rayanganna Binanga Yordan, ri ampi'na kota Yerikho.”

PAOLE 11:23

Na Batara lambongkai anjo sikontu bansaya battu ri dallekannu, siagang kau lampammantangngi buttana bansa-bansa lompoangnganga siagang kassakangnganga naikau.

PAOLE 2:31

Nampa Nakana Batara ri nakke, ‘Anjo Karaeng Sihon siagang pa'rasanganna Kupassareangi mae ri kau; allemi siagang pammantangngimi anjo pa'rasanganga.’

PAOLE 7:1

“LaNaerangko Karaeng Allata'alanu mange ri pa'rasangang lanupammantangngia, siagang jai bansa laNabongka battu anjoreng. LaNabongkai tujua bansa la'bi lompo siagang la'bi kassakkangngang na ikau ri dallekang matannu, iamintu: Tu Het, Girgasi, Amori, Kanaan, Feris, Hewi siagang Yebus.

PAOLE 8:18

U'rangi angkanaya sikontu tojenna Karaeng Allata'alanu ansareko kakalumanynyangngang. Nagaukangi anjo kammaya lanri sa'genna anne alloa tuli tamamminrana mae ri parjanjiang Napareka siagang boe-boenu.

YOSUA 3:10

Punna majuko sinampe', mattantu laNabongkai Batara anjo tu Kanaan, tu Het, tu Hewi, tu Feris, tu Girgasi, tu Amori siagang tu Yebus. Siagang punna a'limbammo Patti ParjanjianNa Batarana sikontu linoa ri Binanga Yordan a'jappa ri dallekannu, lanuciniki angkanaya niaki Allata'ala mattallasaka ri tangnga-tangnganu.