PAOLE 4:34 - KITTA' MATANGKASA'

³⁴ Le'bakika nia' rewata barani angngalle se'reang bansa battu ri bansa-bansaya nampa napa'jari ke'nanga umma' kalenna, sangkamma Nagaukanga Karaeng Allata'alanu untu' ikau ri Mesir? Kalennu anciniki antekamma bateNa Allata'ala appabattu kagassingang lompo, angngeranga bala siagang pa'bundukang, anggaukangai gau'-gau' appakalannasaka siagang apa-apa hebaka.

PAOLE 4:34 ပူးပေါင်းရင်းမြစ်များ

PAMMUJI 136:12

siagang lima kassa'Na na kalompoanna pangngamaseanNa sa'genna satunggu-tungguna.

PAMMUJI 24:8

Inaika Karaeng mala'birika? Iami Batara porea; Batara sannaka koasana, porea lalang ri pa'bundukanga.

PAMMUJI 78:12

Ri dallekanna boe-boena ke'nanga, a'gau' appakalannasaki Allata'ala ri pa'rasangang Mesir, ri lappara' Zoan.

KALAPPASSANG 1:9

Nakanamo ri ra'ya'na, “Anjo tu Israelka akkullei a'jari bahaya mae ri katte, lanri teai sipato' jaina ke'nanga, siagang kassakangngangi ke'nanga na ikatte.

KALAPPASSANG 10:21

Nakanamo Batara ri Musa, “Angkaki nai' limannu, na nitongko' butta Mesir ri sassang makkappu'.”

KALAPPASSANG 10:7

Nakanamo sikamma pagawea ri karaenga, “Siapapi sallona anjo taua tuli assusaiki'? Lappassammi a'lampa ngaseng anjo tu Israelka untu' anggaukangi ibadana mae ri Batara, Allata'alana ke'nanga. Ciniki anne pa'rasanganta ancuru'mi!”

KALAPPASSANG 13:3

Nakanamo Musa mae ri bansa Israel, “Anne alloa Nalappassang mako Batara lalang koasa malompoNa, sa'genna akkulle mako assulu' battu ri Mesir, tampa'nu nipare' ata. Lanri kammana anjo, pakalompomi anne alloa. Teako angnganrei roti ammakea pa'gambang.

KALAPPASSANG 14:30

Anjo alloa Napasalamaki Batara tu Israel battu ri pa'bakkana tu Mesir, siagang nacini'mi ke'nanga sikamma maya'na tu Mesir nierang ri bombang mae ri biring tamparanga.

KALAPPASSANG 15:11

Kereangami Allata'ala sangkammanTa, o Batara Kaminang Tinggia siagang matangkasaka? Inai akkulle appare' gau' malompo siagang gau' appakalannasa' kamma Batara?

KALAPPASSANG 19:4

“Le'ba' ngasemmi nucini' apa Kugaukanga mae ri tu Mesir, siagang antekamma bateKu angngerangko mae ri KalengKu ri anne tampaka lalang kakoasang lompoKu, rapang jangang-jangang rajawali angngerangi ana'na lalang ri ka'nyi'na.

KALAPPASSANG 3:10

Kamma-kamma anne Kusuroko untu' mange andallekang ri Karaeng Mesir sollanna akkulle nupimping bansaKu assulu' battu ri anjo pa'rasanganga.”

KALAPPASSANG 6:6

LaKupa'jariko ummakKu, siagang iNakke a'jari Allata'alanu. Na lanuassemmo angkanaya iNakkemi anne Batara, Allata'alanu, le'baka allappassangko battu ri Mesir, ampare' atayako.

KALAPPASSANG 7:3

Mingka laKupa'jari anjo karaenga terasa' pa'mai'na. Tena nalanajampangiko, manna pole kuppabattu jai bala ri Mesir.

YESAYA 51:9

Ammenteng maKi' o Batara, Kitulung laloi ikambe, pasalamaki ikambe lanri koasaTa. Ammenteng maKi' sangkamma ri jammang riolo ri wattunna Kilissarrang Rahab siagang Kicoka naga tamparanga sa'genna mate.

YEREMIA 21:5

KalengKu lambundukiko siagang kagassingangKu, lalang allumpana larroKu.

YEREMIA 32:21

Lanri koasa siagang kagassingang lompoTa Kierangi umma' Israel assulu' battu ri Mesir. Kigaukangi gau'-gau' appakalannasaka siagang gau'-gau' malompoa appakagegereka ri musu-musua.

PAMMILANGNGANG 20:16

sa'genna akkio' ikambe appala' tulung ri Batara. Nalangngere'mi Batara pakkio'na ikambe nampa nia'mo se're malaeka' Nasuro battu. Anjo malaekaka ampimpingi ikambe assulu' battu ri butta Mesir. Kamma-kamma anne niaki ikambe ri Kades, se'reang kota ri pa'baeng-baenna daerana karaengku.

PAOLE 1:30

Karaeng Allata'alanu lampimpingko siagang labarjuang untu' ikau sangkamma le'baka nucini' Nagaukang ri Mesir,

PAOLE 10:21

Mammujiko mae ri Ia, nasaba' Iami Allata'alanu. Mata kalennumi le'ba' anciniki sikamma gau' malompo siagang gau' heba' Nagaukanga untu' ikau ngaseng.

PAOLE 11:2

U'rangi kamma-kamma anne apa nuassenga ri passala'na Batara battu ri pangalamannu. Ana'-ana'nu tenapa naassengi anjo pangalamang kammaya. Ikaumi le'ba' anciniki kalompoanNa Karaeng Allata'alanu, kagassinganNa, kakoasanNa,

PAOLE 26:8

Lanri KoasaTa siagang kagassingang malompoTa naKilappassang ikambe battu ri Mesir. Kigaukangi gau'-gau' malompoa siagang appakalannasaka, kammayatompa Kipabattui kajariang-kajariang appakagegereka mae ri musua.

PAOLE 29:3

Le'ba' tommi nucini' sikamma bala lompoa, gau'-gau' malompoa siagang gau'-gau' appakalannasa' Nagaukanga Batara.

PAOLE 33:29

E, Israel, tamaka lompona upa'nu, tena bansa maraeng nipasalama' sangkamma ikau. Batara rapang sele'nu siagang pa'dannu, Naalleangangko siagang Nasareko pammetang. Labattui musunnu appala' a'mase-mase, nalanuonjo'-onjokang ke'nanga.”

PAOLE 34:12

Tena anggaukangi panggaukang-panggaukang hebaka siagang lompo sangkammaya nagaukanga Musa ri dallekanna sikontu bansa Israel.

PAOLE 5:15

U'rangi angkana ikau riolo nipare' atako ri Mesir, nampa nilappassangko ri Karaeng Allata'alanu lalang kakoasang malompoNa. Lanri kammana minjo naKuparentakangko untu' ampakalompoi Allo Pammari-marianga.

PAOLE 6:21

Musti appialiko angkana, ‘Riolo nipa'jari ataki' ri karaeng Mesir, mingka Nalappassangki' Batara siagang kakoasang lompoNa.

PAOLE 7:19

U'rangi sikamma bala lompo nucinika kalennu, gau'-gau' appakalannasa', siagang kakoasang lompo Napakea Karaeng Allata'alanu untu' allappassangko. Kamma tomminjo laNagaukanga Karaeng Allata'alanu mae ri sikontu bansa nukamallakkanga.

PAOLE 9:29

Mingka Kiu'rangi laloi, o Batara, angkanaya anne ke'nanga bansa Kipile a'jari ummatTa, siagang Kierangi battu ri Mesir lalang kagassingang siagang kakoasang malompoTa.”

YOSUA 24:7

akkio'mi ke'nanga appala' tulung mae ri Nakke. Jari Kupa'jari sassammi tampa' ansimbangai ke'nanga siagang tu Mesir, siagang Kutambungi je'ne' tamparang anjo tu Mesirka sa'genna mate tallang ngaseng. Nuasseng ngasemmi sikontu apa Kugaukanga mae ri Mesir. Sallo sikaliko ammantang ri parang kassika.

1 PETRUS 5:6

Lanri kammana, pakatunai kalennu irawangang lino magassinNa Allata'ala. Sollanna Napakatinggiko sallang punna narapi' wattunna.