PAOLE 4:32 - KITTA' MATANGKASA'

³² Salidikimi rewasa' le'ba' allaloa, bella ri tenanapa nanulassu', appakkaramula ri allo Napa'jarina Allata'ala rupataua ri linoa anne. Boyami ri sikontu linoa. Le'bakika kajariang apa kammaya anjo heba'na rioloangannaya? Le'bakika nia' tau allangngereki kajariang kammaya anjo?

PAOLE 4:32 ပူးပေါင်းရင်းမြစ်များ

PA'JARIANG 1:27

Kammaminjo bateNa Allata'ala ampa'jari rupataua, na Napa'jari ke'nanga sanrapang KalenNa. Napa'jarimi ke'nanga bura'ne siagang baine.

2 SAMUEL 7:23

Ri sikontu linoa tena nia' bansa sangkamma Israel. Tena ruanna bansa Israel le'ba' Kilappassang battu ri tunipare' ataya untu' Kipa'jari umma' kalenTa. Sikontu gau' malompoa siagang appakalannasaka Kigaukanga mae ri ke'nanga, ampa'jari masahoroki arenTa ri sikontu linoa. Bansa-bansa maraenga siagang rewata-rewatana le'ba'mi Kibongka ri wattunna maju ummatTa a'bundu'.

AYUB 8:8

Parallui nuparhatikang tau cara'deka ri jammang riolo, na nunawa-nawa pangalamanna boe-boenu.

PAMMUJI 44:1

Pammujina golongang Korah. Kelong pangngajarang. Untu' pamimping pakelong.

KALAPPASSANG 34:10

Nakana Batara ri Musa, “Kamma-kamma anne apparekKa' parjanjiang siagang bansa Israel. LapparekKa' gau' appakalannasa' ri dallekang matanna ke'nanga, ia tenayapa nale'ba' nigaukang ri alla'na bansaya ri lino. Sikontu bansaya lanacini' ngasengi sikamma anjo gau' appakalannasa' Kugaukanga, lanri iNakke, Batara, lappa'jariA' se'reang gau' malompo untu' ikau ngaseng.

YESAYA 45:12

INakkemi Batara ampa'jariai buttaya, siagang ampa'jari rupataua untu' ampammantangngi. Lanri koasaKu naKuka'rang langika, siagang amparentai mataalloa, bulanga na sikamma bintoenga.

YO"EL 1:2

Pilangngeri, he sikamma tutoa-toaya; parhatikangi, sikontu tau niaka ri Yehuda. Le'bakika kajariang anne kammaya ri jammannu, yareka ri jammanna sikamma boe-boenu?

AMOS 3:2

“Battu ri sikontu bansaya ri lino, ikaumi se're-se'rea bansa Kuassenga siagang Kuparhatikanga. Iaminjo saba'na nalompo dosanu, siagang ma'nassa laKuhukkung ngasengko.”

MATIUS 24:31

Nipasa'rami tarompe' lompoa. Na Nasuromo malaeka'-malaeka'Na Ana' Ma'rupataua ampa'rappungangi umma'Na battu ri sikontu linoa, battu raya sa'genna kalau', kammayatompa battu timboro' sa'genna wara'.”

MARKUS 13:27

LaNasuromi malaeka'-malaeka'Na ampa'rappungangi umma'Na Napilea battu ri sikontu linoa, battu raya sa'genna kalau', kammayatompa battu timboro' sa'genna wara'.”

PAOLE 28:64

LaNapasisa'la'-sa'lakko Batara ri alla'na bansa-bansaya ri sikontu linoa. Anjoreng lanynyombako mae ri rewata-rewata nipareka battu ri batu siagang kayu, rewata-rewata tenaya nanuassengi siagang tenaya todong nanaassengi boe-boenu.

PAOLE 30:4

Manna pole tassiarakko ri kere-keremae ri sikontu linoa, mingka laNapasse'reko siagang laNaerangko ammotere' Karaeng Allata'alanu.

PAOLE 32:7

U'rangi le'ba' laloa, ri jammang riolo, carita nibolika lalang pangngu'rangi. Kuta'nangi anjo passalaka mae ri tutoanu, na napau ke'nanga mae ri kau.

PAOLE 33:29

E, Israel, tamaka lompona upa'nu, tena bansa maraeng nipasalama' sangkamma ikau. Batara rapang sele'nu siagang pa'dannu, Naalleangangko siagang Nasareko pammetang. Labattui musunnu appala' a'mase-mase, nalanuonjo'-onjokang ke'nanga.”

PAOLE 4:7

Bansa lompo kereanga nia' allata'alana a'reppese' kammaya punna niparalluangi sangkamma a'reppese'na Karaeng Allata'alata? Kere-kere wattu nikkio' mae ri Ia musti appiali.