PAOLE 4:31 - KITTA' MATANGKASA'

³¹ Anjo Karaeng Allata'alanu, Iami Allata'ala sannaka lompona pangngamaseanNa. Tena nalaNabokoiko yareka tena nalaNapanrakiko, yareka tena nalaNakaluppai parjanjiang Napareka KalenNa siagang boe-boenu.

PAOLE 4:31 ပူးပေါင်းရင်းမြစ်များ

1 PATTOTTORANG 28:20

Le'baki anjo nakanamo pole Karaeng Daud ri Salomo ana'na, “Musti matappakko na nubarani. Pakaramulaimi anjo jamanga siagang teako malla'-mallakki manna pole ri apa-apa mamo. Ia Karaeng Allata'ala kusombaya lantulungko. Tena nalaNabokoiko. Ia lanrurungangko sa'genna le'ba' anjo jama-jamanga.

2 PATTOTTORANG 30:9

Punna ammoterekko mange anynyomba ri Batara, anjo tau le'baka allalingi bija pammanakannu salaku tunitahang, lamangngamaseangi siagang lanapa'biangi ke'nanga ammotere' mae anrinni ri pa'rasanganta. Anjo Karaeng Allata'alanu, Iami Allata'ala mabaji' siagang Mangngamaseangi; laNatarimako punna ammoterekko mae ri KalenNa.”

NEHEMIA 1:5

kukana, “O, Karaeng Allata'ala makoasaya ri suruga. IKattemi Allata'ala Malompoa, na mandallekammo ikambe ri Katte lalang malla'. TamamminrayaKi' ri janjinTa mae ri tau mangngaia ri Katte siagang mannurukia ri parentaTa.

NEHEMIA 9:31

Mingka lanri teai sipato' lompona pangngamaseanTa, tena Kibokoi yareka tena Kiancuruki ke'nanga. Memang iKattemi Allata'ala tenaya sangkammanTa; lompoi pangngarimanginTa, sukkuki pangngamaseanTa!

PAMMUJI 103:8

Saba' mangngamaseangi na mangngarimangngi Batara, la'bu sa'bara' na alla'bi pangngamaseang.

PAMMUJI 105:8

Tuli Nau'ranginna parjanjianNa, tappakei janjinNa satunggu-tungguna.

PAMMUJI 111:4

Anjo Batara mangngamaseangi siagang manynyayangi, Nagaukang gau'-gau' malompoa, sollanna ikatte tuli niu'rangi.

PAMMUJI 111:5

Nasarei dalle' tau mappilangngeria, siagang tuli Nau'rangi parjanjianNa.

PAMMUJI 111:9

Napakabebasaki umma'Na, appareki parjanjiang mannannungang siagang ke'nanga. Iami Batara matangkasa' siagang sannaka poreNa!

PAMMUJI 116:5

Anjo Batara mangngamaseangi siagang adeleki; Allata'alata la'bi ri pangngamaseang.

PAMMUJI 86:15

Mingka iKatte, o, Batara, Allata'ala mangngamaseang siagang manynyayang, sa'bara', la'bi pangngamaseang siagang majarre'.

PAMMUJI 86:5

IKatte bajikKi', o, Batara, Kingai ampamopporangi taua, tau appala' doanga mae ri Katte tuli Kikamaseangi siagang pangngamaseang alla'bi-la'bia.

KALAPPASSANG 6:8

Sikontu anjo pasanNa Batara napabattui Musa mae ri bansa Israel, mingka taerokai ke'nanga anjampangi Musa, lanri tappu' minasami ke'nanga napakamma anjo sessanamo ke'nanga nipare' ata.

YEREMIA 14:21

Kiu'rangi janjinTa, teaKi' pakatunai ikambe; teaKi' kaluppai janjinTa siagang ikambe. Yerusalem tampa' empoang kala'biranTa, teaKi' pakatunai.

YEREMIA 30:11

LabattuA' siagang laKupasalamakko. Bansa-bansa ri tampa'nu Kupela' Kupasisa'la'-sa'la' laKupanraki ngasengi, mingka ikau tena naKupakammako. Memang tena nulata'lappasa' battu ri hukkungang mingka hukkungangKu adeleki situru' katantuang. INakke, Batara, anne akkana.”

KAIMANGNGANG 26:42

laKuu'rangimi parjanjiangKu siagang Yakub, Ishak siagang Abraham. LaKuberui janjingKu untu' ampassareangi anjo buttaya mae ri bansaKu.

KAIMANGNGANG 26:44

Mingka manna ri nia'na ija ke'nanga ri pa'rasanganna musua, tena nalaKubokoi yareka tena nalaKuancuru' tabasikali ke'nanga. Nasaba' punna Kuancuruki ke'nanga, battuanna Kutappu'mi parjanjiangKu siagang ke'nanga, sa'dangkang iNakke anne Batara, Allata'alana ke'nanga.

KAIMANGNGANG 26:45

LaKuberui parjanjiang Kupareka siagang boe-boena ke'nanga, ri wattunna Kupappicinikang kakoasangKu mae ri sikontu bansaya, iamintu Kueranna ummakKu assulu' battu ri butta Mesir, sollanna iNakke, Batara, a'jari Allata'alana ke'nanga.”

YUNUS 4:2

Nampa appala' doang nakana, “O Batara, sai le'ba'mi kupau ri tenanapa ku'lampa ri ballakku pirangalloang, angkanaya tantu laKigaukanna anne kammaya? Iaminjo saba'na nakutulusu' lari mange ri Spanyol! Kuassengi angkanaya iKatte Allata'ala assayang siagang angngamaseang, la'bu ri sa'bara', lamma siagang alusu' pa'mai', siagang tuli sadiaKi' untu' ampinrai rancanaTa anghukkung.

MIKHA 7:18

Tena Allata'ala sangkammanTa, o Batara, ampammopporangai dosana umma' nipileNa niaka tassesa. Tena Kituli lalarro; kabalekanna, sannangi nyawaTa ampappicinikangi pangngainTa tenaya sanggana.

PAMMILANGNGANG 14:18

‘INakke, Batara, tena Kulinta' larro. Kupappicinikangi pangngamaseangKu siagang tamamminraKu malla'bi-la'bia. Kupammopporangi tau dorakaya siagang tau angngewayA'. Mingka manna nakamma, kasalanna tau toaya laKubalasaki mae ri ana'-ana'na siagang cucu-cucunna, sa'genna jari-jari lapisi' makatalluna siagang makaappa'na.’

LUKAS 1:72

Lanri ero'Na napappicinikang baji' atinNa ri tu riolota, na laNapa'rupa anjo janji matangkasa'Na.

PAOLE 31:6

Paralluko majarre' pa'mai' siagang barani! Teako mallakki mae ri ke'nanga! Karaeng Allata'alanu KalenNa lantulungko. Tena nalaNapassalasako siagang tena nalaNabokoiko.”

PAOLE 31:8

KalenNa Batara angnguluko siagang antulungko. Tena nalaNapassalasako siagang tena nalaNabokoiko. Lanri kammana anjo, teako mallakki siagang teako lussakki.”

IBRANI 13:5

Teako eroki nikoasai ri sipa' angngondang dudua doe' lalang katallassannu, mingka parallui nukasukkurang apa-apa niaka ri kau. Nasaba' le'baki Nakana Allata'ala, “Tena nalaKubalang parekangko yareka tena nalaKubokoiko.”

YOSUA 1:5

Manna sitau tania' lakkulle ambetako, Yosua, lalang tallasa'nu. Nasaba' iNakke latuli anrurungangko ri sa'rinnu sangkamma riolo iNakke anrurungangi Musa ri sa'rinna. Tena nalaKubokoiko.