PAOLE 4:29 - KITTA' MATANGKASA'

²⁹ Nampa lanuboya Karaeng Allata'alanu; siagang punna attojeng-tojengko ri pa'mai'nu amboyai, lanugappai.

PAOLE 4:29 ပူးပေါင်းရင်းမြစ်များ

2 PATTOTTORANG 15:12

A'janji ke'nanga mae ri Batara angkanaya lattojeng-tojengi atinna siagang pa'mai'na ke'nanga attallasa' situru' ero'Na Batara, Allata'alana boe-boena ke'nanga.

2 PATTOTTORANG 15:15

Sikontu ra'ya' Yehuda rannu kabusuki nyawana lanri le'ba'namo assumpa kamma anjo siagang attojeng-tojeng pa'mai'na. Sannangi nyawana ke'nanga anynyomba ri Batara, nampa Batara mangngellai todong antarimai ke'nanga. Napakaamangi siagang sannangi ke'nanga ri daerana.

2 PATTOTTORANG 15:2

sa'genna a'lampa mange assicini' siagang Karaeng Asa, nampa nakana, “He Karaeng Asa, siagang ikau ngaseng sikontu pandudu' Yehuda siagang Benyamin! Pilangngeri anne! A'reppeseki Batara punna a'reppesekko mae ri Ia. Punna appalakko pangngunju' ri Batara, laNasareko. Mingka punna tena numanjampangi ri Ia, tena todong nalaNajampangiko.

2 PATTOTTORANG 15:4

Mingka ri wattu nia'na ke'nanga lalang ri kasukkarang, appala' tulungi ke'nanga ri Batara, Allata'alana Israel. Appalaki ke'nanga pangngunju' nampa nisare.

2 PATTOTTORANG 31:21

A'jari jama-jamanna, lanri sikontu apa nagaukanga untu' Balla'Na Batara yareka untu' anturuki hukkung-hukkunNa Batara, attojeng-tojengi pa'mai'na anggaukangi siagang attojeng-tojengi pa'mai'na mangngamaseang ri Karaeng Allata'alana.

NEHEMIA 1:9

Mingka punna ammotereki pole ikambe mae ri Katte siagang mannuruki ri parentaTa, ikambe le'baka tassa'la'-sa'la' laKipa'rappungi ammotere', manna pole niaki ikambe ri cappa'-cappa'na linoa. Nampa laKipoterang ikambe mange ri tampa' le'baka Kipile untu' a'jari tampa' panynyombang mae ri Katte.

NEHEMIA 9:27

Jari Kipassareammi ke'nanga mae ri musunna sekkeka angkoasai siagang anjallakkangi ke'nanga. Mingka lalang nijallakkanna lalang kasusaang, akkio'mi ke'nanga appala' bantuang. Mappilangngeri maKi' battu ri suruga; sanna' mangngamaseanTa nakipiali. Kipabattui pamimping siagang pahlawang allappassangai ke'nanga battu ri musu.

PAMMUJI 119:10

Lalang sibatu pa'maikku kuusahai angngassengKi', teaKi' lappassangngia' andakkai parentaTa.

PAMMUJI 119:145

Akkioka' mae ri Katte siagang sibatu pa'maikku; Kipiali laloa', o, Batara, erokka' mannuruki ri parentaTa.

PAMMUJI 119:2

Mate'nei tau anturukiai parentaNa, siagang sibatu pa'mai'na usaha angngassengi Batara.

PAMMUJI 119:58

Sibatu pa'maikku appala' pangngamaseanTa Kikamaseang laloa' situru' janjinTa.

YEREMIA 3:10

Le'baki nagaukang ngaseng sikammaya anjo, ammotere'mi anjo tu Yehuda tamajarreka pa'mai'na mae ri Nakke mingka assara-saraiji, lanri tena natulusu' antama' ri atinna ke'nanga. INakke, Batara, anne a'bicara.”

YEREMIA 51:50

Nakana Batara mae ri tu Israel ri Babel, “Ta'lappasa' mako battu ri pammunoang! Jari, a'lampamako kamma-kamma anne! Teako attayangngi! Manna pole bellako battu ri balla', angngu'rangiko ri Nakke, Bataranu, siagang mae ri Yerusalem.

YEHEZKIEL 6:9

anjorengi ke'nanga lattallasa' ri pa'rasangang pammelakkanga. Nampa lamangngu'rangi ke'nanga mae ri Nakke, kammayatompa lanapahangi angkanaya iNakke anghukkungi siagang ampakatunai ke'nanga, lanri tenana namajarre' pa'mai'na ke'nanga mae ri Nakke. Le'ba'Ma' nabokoi ke'nanga nampa napilei barhalaya salaku sambengKu. Nampa lalanre kalenna ke'nanga mae ri kalenna lanri anjo sikontu kaja'dallang siagang kakodiang le'baka nagaukang ke'nanga.

YO"EL 2:12

Nakana Batara, “Mingka kamma-kamma anne, pakkalepumi atinnu ammotere' mae ri Nakke, nuppuasa, appiraung siagang angngarru'.

AMOS 5:4

Nakana Batara ri umma' Israel, “Ammotere' mako mae ri Nakke, na nulattallasa'.

PAOLE 10:12

“Kamma-kamma anne sari'battangku ngaseng, parhatikang lalomi apa Natuntuka Karaeng Allata'alanu battu ri kau, angkanaya: Pakala'biriki Karaeng Allata'alanu siagang gaukang laloi sikontu Naparentakanga. Mangngamaseangko mae ri Ia, siagang gaukang laloi ibadanu mae ri Ia ilalang sikontu batangkalennu siagang nyawanu.

PAOLE 11:13

Jari turuki lalomi parenta-parenta kupabattua mae ri kau anne alloa; kamaseangi Karaeng Allata'alanu siagang gaukangi ibadanu mae ri Ia lalang sikontu batangkalennu siagang nyawanu.

PAOLE 26:16

“Anne alloa Naparentakangi Karaeng Allata'alanu mae ri kau sollanna nuturuki sikontu paratoranNa; turuki yangasenna anjo lalang sikontu pa'mai'nu siagang batangkalennu.

PAOLE 30:10

Mingka musti mannurukiko mae ri Ia siagang mannuruki ri sikontu hukkunNa niaka tattulisi' lalang ri anne kittaka, iamintu kitta' HukkunNa Batara. Musti attojeng-tojengko ri pa'mai'nu ammotere' mae ri Ia.

PAOLE 6:5

Kamaseangi Karaeng Allata'alanu siagang sikontu pa'mai'nu: Pappicinikangi kammaya anjo lalang ampe-ampe tallasa'nu siagang lalang ri panggaukannu.

YOSUA 22:5

Siagang tutuko sollanna nukatutui hukkung naparentakanga Musa mae ri kau, iamintu: Mangngamaseangko mae ri Karaeng Allata'alanu, pinawangi ero'Na, turuki parenta-parentaNa, majarre' pa'maikko mae ri Ia, siagang pare' atai kalennu mae ri Ia lalang sikontu atinnu siagang sikontu nyawanu.”

1 SAMUEL 7:3

Nakanamo Samuel ri umma' Israel, “Punna erokko ammotere' mae ri Batara siagang anynyomba ri Ia siagang sikontu atinnu, musti nupela' ngasengi sikontu rewata battu-battua siagang patunna Dewi Asytoret. Passareang tabasikali kalennu mae ri Batara, siagang anynyomba mako mae ri Ia bawang, na Nalappassangko battu ri tu Filistin.”