PAOLE 4:19 - KITTA' MATANGKASA'

¹⁹ Teako dorakai lanri anynyombanu yareka nupa'matu-matuna kalennu mae ri apa niaka nucini' ri langika, kammaya: mataallo, bulang siagang bintoenga. Bansa maraenga Nabalang parekangi Karaeng Allata'alanu ansombai anjo barang-barang kammaya.

PAOLE 4:19 ပူးပေါင်းရင်းမြစ်များ

PA'JARIANG 1:14

Nampa Nakana Allata'ala, “Kuerokangi nia' apa-apa singara' ri langika untu' ansingari buttaya, untu' ampasisa'laki singaraka siagang bangngia, siagang untu' ampa'nassai wattu pakaramulana alloa, taunga, siagang allo lompona agamaya.” Nakajariammo anjo passalaka.

PA'JARIANG 2:1

Nale'ba'mo nipa'jari sikontu apa-apaya.

2 KARAENG-KARAENG 17:16

Nadakkai kabusuki sikamma hukkunNa Batara, Allata'alana ke'nanga siagang appareki ke'nanga ruang kayu sapi tambaga untu' nasomba. Appareki ke'nanga patung Dewi Asyera, anynyombai bintoeng siagang mae ri Rewata Baal.

2 KARAENG-KARAENG 21:3

Tampa'-tampa' panynyombanga mae ri rewataya iamintu le'baka naputta Hizkia manggena, nabangungi ammotere'. Ambangungi tampa'-tampa' pakkoro'bangngang untu' anynyomba mae ri Baal, kammayatompa appareki patung Dewi Asyera, sangkamma todong nagaukang Ahab karaeng Israel. Anynyomba tongi Manasye mae ri bintoeng-bintoenga.

2 KARAENG-KARAENG 23:11

Sikontu jarang nisa'laka untu' karaeng-karaeng Yehuda untu' nipanynyombang mae ri mataalloa, nipela' kabusuki, siagang sikontu kareta-kareta le'baka nipake lalang ri anjo panynyombanga nitunu kabusuki. (Anjo kareta-karetaya niaki lalang ri parang lakkenna Balla'Na Batara, ri ampi'na pakke'bu' lompoa, tena nabella battu ri kamara'-kamara' pammantanganna Natan Melekh, iamintu sitau pagawe tinggi.)

2 PATTOTTORANG 33:3

Sikamma tampa'-tampa' panynyombang barhala le'baka naputta Hizkia, manggena, nabangungi ammotere'. Ambangungi tampa'-tampa' pakkoro'bangngang untu' anynyomba ri Baal, siagang appareki patung-patung Dewi Asyera, kammayatompa anynyombai ri bintoeng-bintoenga.

NEHEMIA 9:6

Nampa appala' doammo ra'ya' Israel kamma anne, “IKattemi Batara, iKattemi tena ruanTa; Kipa'jari bintoenga na sikontu langika, kammayatompa tamparang, butta siagang sikontu bonena, nampa Kisare katallassang siagang Kiparakai. Ri Kattemi anynyomba sikamma koasaya ri langi'; akkulantuki ke'nanga, tundu' mae ri Katte.

PAMMUJI 19:3

Allo se'rea ampabattui mae ri allo ammukoa; bangngi se'rea ancaritai mae ri bangngi poleanga.

YEREMIA 19:13

Sikontu balla' niaka ri Yerusalem siagang sikontu balla' karaenga ri Yehuda lanipa'jari rantasaki sangkamma Tofet; lanri irate ri tompo'na sikamma anjo ballaka le'ba'mi taua attunu dupa untu' rewata-rewata ri langi', siagang assare koro'bang anggoro' untu' rewata-rewata maraeng.”

YEREMIA 31:35

Mataalloa Napasadiai Batara untu' a'jari singara' ri wattu allo; bulanga siagang sikamma bintoenga untu' ansingari bangngia. Nagoccangi tamparanga sa'genna a'rere bombanga, Batara Kaminang Koasaya, iaminjo arenNa.

YEREMIA 33:25

Mingka sangkamma bateKu, iNakke, Batara, le'ba' appare' parjanjiang siagang alloa na bangngia, siagang appare' paratorang untu' angngatoroki langika siagang buttaya,

YEREMIA 8:2

teai untu' nipasse're nampa nitarawang ammotere', passangalinna untu' nibalang parekang ri buttaya sangkamma loro. Sikamma buku-bukunna anjo taua latassiaraki ri dallekanna mataalloa, bulanga siagang sikamma bintoeng napareka rewata ke'nanga, nangaia, nalayania, nasombaya, siagang napappalakkia pitunju'.

YEHEZKIEL 18:6

Tena nanynyomba ri barhalana tu Israel yareka tena nangnganre koro'bang nipassareanga ri tampa'-tampa' panynyombanga ri rewata-rewataya. Tale'bakai naodo' bainenna paranna tau yareka attinro siagang baine battua bulanna.

YEHEZKIEL 8:16

Nieramma' mange ri paranglakkeng bageang lalangnganna Balla'Na Batara. Ri ampi'na pakke'bu' antamaya ri kamara' matangkasaka, ri alla'na tampa' pakkoro'bangnganga siagang loronga, nia' tau ruampulo allima jaina. Nabokoi ke'nanga kamara' matangkasaka, siagang su'juki ke'nanga a'dalle' anrai' anynyomba mae ri mataallo ammumbaya.

ZEFANYA 1:5

LaKubarrasaki sa'genna tangkasa' inai-nai mamo naika ri pattongko'na ballaka untu' anynyomba ri matanna alloa, bulanga siagang sikamma bintoenga. LaKupa'lanynya' tongi ke'nanga anynyombaya mae ri Nakke siagang assumpaya lamajarre' mae ri Nakke, mingka assumpa tongi lanri arenna Rewata Milkom.

MATIUS 5:45

sollannu a'jari ana'-ana'Na Allata'ala Manggenu ri suruga. Nasaba' Napammumbai alloNa Allata'ala sollanna nasiori ngaseng rupataua, baji' natau a'gau' bajika kammayatompa tau a'gau' kodia. Kammayatompa Napaturungi bosiNa Allata'ala sollanna natuju ngaseng rupataua, baji' natau a'gau' bajika kammayatompa tau a'gau' kodia.

LAMPA-LAMPANA 7:42

Jari nibokoimi ke'nanga ri Allata'ala siagang nibalang parekammi ke'nanga anynyomba mae ri sikamma bintoeng-bintoeng niaka ri langika. Sicoco'mi anjo siagang apa niaka tattulisi' lalang ri kitta'na na'bi-na'bia. Kammaminne tattulisika, ‘E ikau tu Israelka! Teai untu' iNakke nanusamballe siagang nukoro'bangkang olo'-oloka ri wattunna patampulo taung ri parang lompoa.

ROMA 1:25

Nasambei Allata'ala kontutojenga siagang anu takontutojenga. Teai Allata'ala appa'niaka nasomba siagang nalayani ke'nanga, passangalinna apa-apa nipa'niaka. Padahala' iaji anjo appa'niaka musti nipuji satunggu-tungguna! Aming.

PAOLE 17:3

siagang parentaNa Karaeng Allata'ala lanri anynyombana siagang napare' atana kalenna mae ri rewata-rewata maraenga, yareka mae ri mataalloa, bulanga yareka bintoenga.