PAOLE 4:14 - KITTA' MATANGKASA'

¹⁴ Nasuroa' Batara ampangngajarrangi mae ri kau sikontu hukkung mustia nuturuki ri pa'rasangang nupantamakkia siagang nupammantangngia sallang.”

PAOLE 4:14 ပူးပေါင်းရင်းမြစ်များ

KALAPPASSANG 21:1

Nampa Nakanamo Batara mae ri Musa, “Passareangi anne sikammaya paratoranga mae ri tu Israel:

PAOLE 11:8

“Turuki sikontu hukkung kupabattua mae ri kau anne alloa, sollanna nukkulle allimbangi binangaya siagang antama' ri pa'rasangang tenayamo nasallo nanupammantangngi.

PAOLE 4:13

Anjoreng Napaumi mae ri kau apa mustia nugaukang untu' anrupai parjanjiang Napareka siagang ikau ngaseng. Anjo Sampuloa Parenta le'baka Natulisi' ri ruaya batu tulisi' musti nugaukangi.

PAOLE 4:15

“U'rangi baji'-baji'! Ri wattunna a'bicara Batara mae ri kau lalang pepe' ri Moncong Sinai, tena apa-apa nucini'.

PAOLE 4:2

Anjo apa kuparentakanga, teako tambai yareka teako kurangngi manna sike'de'. Turuki sikamma parentaNa Karaeng Allata'alanu kupassareanga mae ri kau.