PAOLE 4:12 - KITTA' MATANGKASA'

¹² Nampa a'bicara Batara mae ri kau lalang ri pepeka; nulangngereki sa'ranNa mingka tena sikali nanuciniki.

PAOLE 4:12 ပူးပေါင်းရင်းမြစ်များ

KALAPPASSANG 20:22

Naparentakangi Batara mae ri Musa sollanna napabattu mae ri bansa Israel angkana, “Nucini' ngasemmi antekamma iNakke, Batara, a'bicara mae ri kau battu rate ri langika.

YESAYA 30:21

Punna ammengkako battu ri oloanga, lanulangngereki battu ri boko sa'ranNa angkana, “Anne oloanga; anne nupinawang.”

YESAYA 40:18

Jari inai lanupasinrapangangi Allata'ala? Inai nukana Naagang sangkamma?

YESAYA 40:3

Nia' kalangngerang sa'ra akkio' angkana, “Pasadiai oloanga ri parang lompoa untu' Batara. Lambusi agang lompoa ri parang lompoa untu' Allata'alata!

YESAYA 40:6

Nia' sa'ra angkana, “Kabarrangi!” Akkuta'nanga', “Apa musti kukabarrang?” “Kabarrangi angkana rupataua rapang ruku', rapang bunga poro sinampe'ji ga'gana.

PAMMILANGNGANG 12:8

Siagang iNakke a'bicarA' sidallekang siagang ia, a'nyatai siagang tena nasangkamma boto-botoang. Ba'lalo manna rupangKu le'ba'mi nacini'! Angngapa nubarani angngewai Musa, anjo atangKu?”

MATIUS 17:5

Lalang a'bicarana Petrus, nia'mo rammang accaya manaung irateanganna ke'nanga. Nania'mo sa'ra kalangngerang battu lalang ri anjo rammanga angkana, “Iaminne Ana' nikamaseangKu. Napakate'nei atingKu. Pilangngerimi kananNa!”

MATIUS 3:17

Nampa nia' kalangngerang sa'ra battu rate ri langika angkana, “Iaminne AnakKu Kukamaseanga. Iami nakate'neang atingKu.”

MATIUS 3:3

Iaminne Yohanes natabaya kananna Na'bi Yesaya ri wattunna angkana, “Nia' tau akkiok-kio' ri parang lompoa angkana, ‘Pasadiai oloanNa Batara; Lappari oloang laNaoloa.’ ”

PAOLE 10:4

Natulisi'mi Batara ri anjo batua Sampuloa ParentaNa sangkamma anjo rioloa, iamintu parenta-parenta Napassareanga mae ri kau, ri wattunna a'bicara battu lalang ri tangnga-tangngana pepeka ri wattunnu asse're ri bangkenna monconga. Le'baki anjo Napassareammi Batara anjo batu le'baka Natulisi' KalenNa, mae ri nakke.

PAOLE 4:11

Caritai mae ri ana'-ana'nu antekamma batenu battu siagang ammenteng ri bangkenna anjo moncong nitongkoka ri umbu sassanga rapang rammang kapalaka siagang a'rinraya pepe'na sa'genna nai' ri langika.

PAOLE 4:13

Anjoreng Napaumi mae ri kau apa mustia nugaukang untu' anrupai parjanjiang Napareka siagang ikau ngaseng. Anjo Sampuloa Parenta le'baka Natulisi' ri ruaya batu tulisi' musti nugaukangi.

PAOLE 4:15

“U'rangi baji'-baji'! Ri wattunna a'bicara Batara mae ri kau lalang pepe' ri Moncong Sinai, tena apa-apa nucini'.

PAOLE 4:33

Le'bakika nia' bansa akkulle iji attallasa' baku' le'ba'na nalangngere' angkanaya nia' allata'ala a'bicara mae ri ke'nanga battu lalang ri pepeka, sangkamma le'baka nukasia'?

PAOLE 4:36

Battu rate ri langika Napappilangngerang sa'ranNa mae ri kau untu' angngajarakko; ri anne linoa Napappicinikammi mae ri kau pepe' malompoNa, siagang battu lalangi ri anjo pepeka a'bicara mae ri kau.

PAOLE 5:22

Iaminjo parenta-parenta Napassareanga Batara mae ri kau ngaseng ri wattunnu asse're ri monconga. Ri wattunna a'bicara kamma sa'ra gamarrung battu lalang ri pepeka siagang rammang kapalaka, Napassareangi anjo parenta-parentaNa. Tena maraeng Napassareang. Nampa Natulisi' lalang ri rua batu na Napassareang mae ri nakke.”

PAOLE 5:4

Battu lalang ri pepeka irate ri anjo monconga ero' Batara a'bicara KalenNa siagang ikau ngaseng.

PAOLE 9:10

Nampa Nasarea' Batara rua batu le'baka Natulisi' Allata'ala KalenNa. Natulisiki ri anjo batua kana-kana Napabattua mae ri kau battu lalang ri tangnga-tangngana pepeka mae ri kau, ri wattunnu asse're ri bangkenna monconga.

KOLOSE 1:15

Iaminjo Almasi rupa ma'nyataNa Allata'ala tenaya nakacinikang; iaminjo Almasi ana' bungasa', mala'bianganga na sikontu apa-apa nipa'niaka.

IBRANI 12:19

andallekangi ke'nanga sa'ra tarompe', siagang sa'ra teai sipatoka heba'na. Ri wattunna nalangngere' anjo sa'raya, napala' dudumi ke'nanga sollanna tenamo na'bicara pole anjo sa'ra-sa'raya mae ri ke'nanga.