PAOLE 34:1 - KITTA' MATANGKASA'

¹ Nampa a'lampamo Musa ambokoi lappara'na Moab siagang angngambi' ri Moncong Nebo, ri coppo'na Pisga irayanganna Yerikho. Anjoreng Napappicinikammi Batara mae ri ia sikontu anjo pa'rasanganga, iamintu: Daera Gilead sa'genna wara' ri kota Dan;

PAOLE 34:1 ပူးပေါင်းရင်းမြစ်များ

PA'JARIANG 13:14

A'lampanamo Lot, Nakanamo Batara ri Abram, “Battu ri antu tampa' nupammentengia, cinikimi baji'-baji' sikontu niaka attammulili;

PA'JARIANG 14:14

Nalangngere'na Abram angkanaya niallei kamanakanna, napasse'remi sikamma tau niaka ri kemana, iamintu sikamma tu cara'deka a'bundu', nia' 318 jaina tau. Nampa naondang ke'nanga anjo appaka karaeng sa'genna mange ri kota Dan.

YEHEZKIEL 40:2

Lalang se're paccini', Naeranga' kucini' Allata'ala mange ri butta Israel nampa nabolikka' ri moncong tinggia. Ri dallekangku nia' kucini' sipa'gompoang bangunang santanjaka se're kota.

PAMMILANGNGANG 21:20

nampa mange ri ka'bunga ri daerana tu Moab, irawanganna coppo'na Moncong Pisga a'dalle' mangea ri parang lompoa.

PAMMILANGNGANG 23:14

Jari nierammi Bileam ri Balak mange ri parang Zofim, ri coppo'na Moncong Pisga. Anjoreng appaenteng tommi tuju tampa' pakkoro'bangngang siagang assare tommi sikayu sapi laki siagang sikayu gimbala' laki irate ri anjo massing tampa' pakkoro'bangnganga.

PAMMILANGNGANG 27:12

Nakana Batara mae ri Musa, “Naikko ri Moncong Abarim, siagang battu anjoreng mako anciniki pa'rasangang laKupassareanga mae ri tu Israel.

PAOLE 3:27

A'lampa mako mange ri Moncong Pisga siagang accini' mako wara' siagang timboro', anrai' siagang kalau'. Parhatikangi baji'-baji' anjo apa nucinika, nasaba' ikau tena nalanulimbang Binanga Yordan.

PAOLE 32:49

“A'lampako mange ri Moncong Abarim ri pa'rasangang Moab ri ba'leanna kota Yerikho. Nampa naikko ri Moncong Nebo siagang cinikimi butta Kanaan tenayamo nasallo naKupassareang mae ri bansa Israel.

PAOLE 32:52

Lanri kammana anjo takkulleako antama' ri pa'rasangang Kupassareanga mae ri bansa Israel; akkullejako bawang ancini' battu bellai.”

PAOLE 34:4

Nampa Nakanamo Batara mae ri Musa, “Iaminjo pa'rasangang Kupa'janjianga mae ri Abraham, Ishak siagang Yakub untu' nipassareang mae ri jari-jarina ke'nanga. Kupappicinikangi mae ri kau, Musa, mingka tena naKupa'biangko a'lampa mange anjoreng.”

YOSUA 19:47

Tappela'mi sipa'gang daerana suku Dan, jari a'lampai ke'nanga mange ri Lesem na nabunduki ke'nanga anjo kotaya. Naallemi ke'nanga anjo kotaya, siagang nabunoi pandudu'na nampa napammantangngi anjo kotaya. Jari ammantammi ke'nanga anjoreng nampa napinra arenna anjo kota Lesem a'jari kota Dan, situru' arenna boe-boena ke'nanga.

PAPPICINI' 21:10

Nikoasaima' ri RohNa Allata'ala, siagang naeramma' anjo malaekaka nai' ri tompo'na moncong sannaka tinggina. Napicinikiamma' kota Yerusalem, anjo kota matangkasaka. Anjo kotaya turungi battu ri Allata'ala, battu ri suruga,

HAKING-HAKING 18:29

Nasambeimi ke'nanga arenna anjo kotaya a'jari Dan, situru' arenna boena ke'nanga, iamintu Dan, ana'na Yakub.