PAOLE 33:7 - KITTA' MATANGKASA'

⁷ Ri sesena suku Yehuda nakana: “O, Batara, Kipilangngeri ke'nanga punna makkio', sollanna asse're ke'nanga siagang suku maraenga. Kibantui ke'nanga barjuang angngewai musunna ri parang pa'bundukanga.”

PAOLE 33:7 ပူးပေါင်းရင်းမြစ်များ

2 SAMUEL 3:1

Anjo pa'bundukanga battu ri tumminawanga ri kaluargana Saul a'bali tau amminawanga ri Daud tena nammari-mari. Pila' kassaki Daud, nampa balinna pila' lammai.

2 SAMUEL 5:1

Le'baki anjo battu ngasemmi sikontu pamimping-pamimpinna suku-suku Israel mange ri Daud ri Hebron siagang angkana ke'nanga ri ia, “Ikambe anne bija ma'reppesettaki' karaeng.

2 SAMUEL 5:19

Akkuta'nammi Daud ri Batara angkana, “Apa musti kubunduki anjo tu Filistin? Maka laKisarea' pammetang?” Appialimi Batara angkana, “Bundukimi. INakke lassareko pammetang.”

2 SAMUEL 5:24

Punna nulangngere' sa'ra tau a'barrisika irate ri coppo'na anjo poko'-pokoka, maju mako, nasaba' iNakke la'jappa ri dallekannu untu' ambetai tantara Filistin.”

1 PATTOTTORANG 12:22

La'biringi allo-allona nia' tau beru a'gabung mae ri Daud, sa'genna a'jari sanna'mi jaina pasukanna Daud.

PAMMUJI 146:5

Mate'nei tau manrannuanga ri Karaeng Allata'alana, ampatangai Allata'alana Yakub a'jari pannulunna.

PAMMUJI 20:2

Poro Napialiko Batara ri wattu kasukkarrang, poro nala'langngiko koasaNa Allata'alana Yakub!

PAMMUJI 21:1

Untu' pamimping pakelong. Pammujina Daud.

PAMMUJI 21:8

Manrannuangi karaenga mae ri Batara Kaminang Tinggia, tuli amangi lanri tuli nikamaseangi ri Batara.

PAMMUJI 78:68

Mingka Napilei suku Yehuda, siagang Bulu' Sion Nangaia.

PAMMUJI 78:70

Napilei Daud atanNa, na Naalle battu ri alla'na olo'-olo' piarana,

PAMMUJI 89:24

Sikontu musunna laKuballassi, inai-nai angkabirisi Kubunoi.

YESAYA 9:17

A'rinrai rapang pepe' kaja'dallanna ke'nanga na nakanre sa'genna cappu' rompo' katintinga. Rinrana rapangi romang akkanre, jai sikali nai' umbunna.

MIKHA 5:2

Jari, laNalappassangi Batara nikoasai umma'Na ri musu-musunna ke'nanga, sa'genna baine le'baka nipattantu untu' a'jari anrong ri anjo tumakoasaya, nalassukammi anjo Anaka. Le'baki anjo, sikamma julu bansana niaka ri pammelakkanga lanipakase'rei ammotere' siagang bansana ke'nanga.

MALEAKHI 3:1

Appiali Batara Kaminang Koasaya, “LaKukiringi battu tunisuroKu untu' ampasadiai oloangKu. NaKuti'ring lania' battu, iNakke Batara nuboyaya, mae ri BallakKu. Labattui anjo suroKu nukanakkukanga na napa'la'bang parjanjiangKu.”

PAMMILANGNGANG 34:19

Na ia areng-arenna anjo taua iamintu: Suku Pamimping Yuda Kaleb ana'na Yefune Simeon Samuel ana'na Amihud Benyamin Elidad ana'na Kislon Dan Buki ana'na Yogli Manasye Haniel ana'na Efod Efraim Kemuel ana'na Siftan Zebulon Elisafan ana'na Parnah Isakhar Paltiel ana'na Azan Asyer Ahihud ana'na Selomi Naftali Pedael ana'na Amihud

LUKAS 19:27

Na kamma-kamma anne erang ngasemmi mae sikamma tau ammusua', iamintu tau tenaya naero' akkaraeng ri nakke. Buno ngasengi ke'nanga ri dallekangku!’ ”

1 KORINTUS 15:25

Musti ammarenta tuli Almasi sa'genna nipasomba ngaseng ri Allata'ala sikontu musunNa Almasi ri dallekanNa Almasi.

IBRANI 7:14

Sikontu rupataua naasseng ngasengi angkanaya battu ri suku Yehuda assala'Na Batarata; na tale'bakai nasero kana Musa anjo sukua ri wattunna nabicara passala'na imang-imanga.

YOSUA 15:20

Iaminne butta nipassareanga mae ri kaluarga-kaluarga niaka lalang ri suku Yehuda untu' a'jari pisakana ke'nanga.