PAOLE 33:3 - KITTA' MATANGKASA'

³ Nakarimangngi Batara bansaNa, Nala'langngi taunNa. Umba kisu'ju' ri dallekang bangkenNa siagang mannuruki ri parenta-parentaNa.

PAOLE 33:3 ပူးပေါင်းရင်းမြစ်များ

PAMMUJI 31:15

Mingka manrannuanga' mae ri Katte, o, Batara, saba' iKattemi Allata'alaku.

PAMMUJI 47:4

Nasareki' pammetang lompo mae ri bansa-bansaya, Napa'jariki', makoasa mae ri suku-suku bansaya.

PAMMUJI 50:5

Nakana, “Passe'rei sikontu ummakKu, le'baka appare' parjanjiang siagang iNakke, nipakajarreka siagang koro'bang nipolong.”

PANGNGEBARANG 2:1

Ana', tarima laloi ajarang-ajarangku, siagang tuli u'rangi laloi sikamma pappakaingakku mae ri kau.

KATO'BA 9:1

Yangasenna anjo kupikkiri' baji'-baji'mi. Naatoroki Allata'ala katallassanna tau bajika siagang cara'deka, ba'lalo punna mangngabirisi yareka mangngai anjo taua. Tena tau angngassengi apa lakajariang sallang ri allo ri boko.

YEREMIA 31:3

battu bella Kupappicinikangi KalengKu mae ri ke'nanga. He umma' Israel, battu rioloji naKukamaseangko, siagang situlusu'na tuli laKupicinikiangko angkanaya tuli mangngamaseangA' mae ri kau.

YEREMIA 32:40

LapparekKa' parjanjiang mannannungang siagang ke'nanga. Tena Kulammari a'gau' baji' mae ri ke'nanga. LaKupa'jari mallaki ke'nanga siagang mappakalompoi ri Nakke lalang sikontu nyawana sollanna tena nabella ke'nanga ri Nakke.

HOSEA 11:1

Nakana Batara, “Kukamaseangi Israel battu ri ca'dina, Kukioki anakKu assulu' battu ri Mesir.

MALEAKHI 1:2

Nakana Batara mae ri umma'Na, “MangngamaseangA' mae ri kau ngaseng.” Mingka appiali ke'nanga angkana, “Antekamma bateTa angkamaseangi ikambe Batara?” Appiali Batara angkana, “Sai anjo Esau daenna Yakub? Mingka Yakub Kukamaseang,

MATIUS 23:2

“Anjo guru-guru agamaya siagang tu Farisia nisarei pangngissengang ambattuangngi atorang agama napassareanga Musa.

LUKAS 10:39

Anjo Marta nia' sari'battanna niarenga Maria. Na anjo Maria ammempomi ri ampi'Na Isa ampilangngeri kana-kana Napangngajarranga Isa.

LUKAS 2:46

Makatallungallonapi naboya ke'nanga nampa nabuntulu' lalang ri Balla'Na Batara. Niaki lalang ammempo ampilangngeri guru-guru agamaya siagang akkuta'nang ri anjo guru-guru agamaya.

LUKAS 8:35

Assulu'mi taua battu ri kotaya ero' mange anciniki anjo apa kajarianga. Mangemi ke'nanga ri Isa, na nia'mo nacini' ke'nanga anjo tau le'baka nilappassang ri setanga, ammempo ri dallekanNa Isa. Ammakemi care-care, siagang baji'mi jappana pikkiranna. Malla' ngasemmi ke'nanga.

LAMPA-LAMPANA 22:3

“Inakke tu Yahudia'. Anjorenga' ri kota Tarsus, ri pa'rasangang Kilikia nilassukang. Mingka anrinnia' ri Yerusalem nipakalompo. Siagang anrinnia' niajara' baji' ri guru lompoa Gamaliel ri passala' atorang-atorang le'baka napassareang Musa ri boe-boeta. Sangkamma ikau ngaseng niaka anne alloa anrinni, sanna' todong rajengku anynyomba mae ri Allata'ala.

PAOLE 14:2

Ikaumi Napatanga Karaeng Allata'alanu; battu ri sikontu bansaya ri lino, ikaumi Napile Allata'ala untu' a'jari umma'Na.”

PAOLE 4:37

Lanri Nakamaseangi boe-boenu, na Napile mako; lanri koasa malompoNa na Naerang mako assulu' battu ri Mesir.

PAOLE 6:1

“Nasuroa' Karaeng Allata'alanu ampangngajarrangi sikontu anne hukkunga mae ri kau ngaseng, sollanna nugaukangi sallang ri pa'rasangang tenayamo nasallo nanupammantangngi.

1 TESALONIKA 1:6

Nucontoimi katallassanna ikambe siagang Batara. Manna teai sipato' pa'risi'na katallassannu, mingka nutarima tonji siagang rannu pa'mai'nu anjo kabara' napabattua ikambe mae ri kau ngaseng. Anjo karannuanga RohNa Allata'ala assareko.

1 PETRUS 1:5

Yangasenna anjo nipasadiai untu' ikau, lanri tappa' mako ri Allata'ala. Jari nijagai mako siagang kakoasanNa Allata'ala, sollanna akkulle nutarima kasalamakkang le'bakamo nipasadia untu' nipa'nyata sallang ri kala'busang jammanga.

1 YOHANES 4:19

Mangngamaseangki', lanri Allata'ala la'bi riolo angkamaseangki'.

1 SAMUEL 2:9

Tutamamminraya tuli amangi lalang ri la'lanNa Batara. Mingka tuja'dalaka jappo' ancuruki lalang ri sassang makappuka. Kagassingang kale takkulle nipattoang, kagassingang rupatau takkulle angngerang pammetang.