PAOLE 33:29 - KITTA' MATANGKASA'

²⁹ E, Israel, tamaka lompona upa'nu, tena bansa maraeng nipasalama' sangkamma ikau. Batara rapang sele'nu siagang pa'dannu, Naalleangangko siagang Nasareko pammetang. Labattui musunnu appala' a'mase-mase, nalanuonjo'-onjokang ke'nanga.”

PAOLE 33:29 ပူးပေါင်းရင်းမြစ်များ

PA'JARIANG 15:1

Le'baki anjo, anggappami Abram pappiso'na siagang nalangngere'mi Batara angkana ri kalenna, “Teako mallakki Abram. LaKujagaiko battu ri balaya, siagang laKusareko pahala lompo.”

2 SAMUEL 22:3

Batara rapang pattahangngang makassa' a'jari tampa' pa'la'langangku. Allata'alaku rapang moncong batu, tampa' pa'la'langangku. Rapang pa'lapa' barambang antongkoka', siagang anjagaia' sollangku tuli amang.

2 SAMUEL 22:45

Sikamma tu bansa maraenga tundu' kabusuki ri nakke, siagang mappilangngeri punna nalangngere' parentaku.

2 SAMUEL 7:23

Ri sikontu linoa tena nia' bansa sangkamma Israel. Tena ruanna bansa Israel le'ba' Kilappassang battu ri tunipare' ataya untu' Kipa'jari umma' kalenTa. Sikontu gau' malompoa siagang appakalannasaka Kigaukanga mae ri ke'nanga, ampa'jari masahoroki arenTa ri sikontu linoa. Bansa-bansa maraenga siagang rewata-rewatana le'ba'mi Kibongka ri wattunna maju ummatTa a'bundu'.

2 PATTOTTORANG 31:8

Nacini'na Karaeng Hizkia siagang pagawe-pagawena anjo sumbangang kammaya jaina, napakala'biri'mi Batara siagang napalecemi ra'ya' Israel, umma'Na.

PAMMUJI 1:1

Mate'nei taua tenaya namminawang ri ero' tu ja'dalaka, tenaya namannuruki ri tu dorakaya na tenaya nasileo' siagang tu ampakatunayai Allata'ala,

PAMMUJI 144:15

Mate'nei bansa kammaya anjo, Mate'nei umma' Allata'alaya Batarana!

PAMMUJI 18:44

Kilappassanga' battu ri tu dorakaya, nampa Kipa'jaria' tukoasa ri bansa-bansaya; bansa tenaya kuassengi a'jari atangku.

PAMMUJI 18:45

Bansa-bansa maraenga tunduki mae ri nakke na mannuruki punna nalangngere' parentaku.

PAMMUJI 32:1

Pammujina Daud. Kelong pangngajarang. Mate'nei taua ia nipammopporanga dosana, nikaluppaia kasalanna.

PAMMUJI 32:2

Mate'nei taua, ia tenaya nirekengi kaja'dallanna ri Batara, siagang tenaya nangai annipu.

PAMMUJI 33:12

Mate'nei bansa mangakua ri Batara salaku Allata'alana, mate'nei umma' Napilea a'jari umma' Napatanga!

PAMMUJI 33:20

Umba kimanrannuang mae ri Batara, Iami pannulunta siagang mappatojenta.

PAMMUJI 45:3

Ikaumi kaminang gammara' ri alla'na sikontu rupataua, kana-kanannu rassi kabajikang, lanri kammana minjo naNabarakkakiko Allata'ala sa'genna satunggu-tungguna.

PAMMUJI 66:3

Angkana mako ri Allata'ala, “Tojeng, appakalannasaki panggaukanTa! Tunduki musua mae ri Katte napakamma malla', saba' teai sipato' lompona koasaTa.

PAMMUJI 68:34

mae ri Ia angngoloai alla' marioloa. Pilangngeri! Batara a'bicara, sa'ranNa a'galutturuki sanna' heba'na.

PAMMUJI 7:12

Allata'ala haking adele', siwattu-wattu anghukkungi tu ja'dalaka.

PAMMUJI 81:15

lalintakKa' ampatunduki musunna ke'nanga, naKubeta sikontu balinna ke'nanga.

PAMMUJI 84:11

Bajikangngangi sialloa ri BallatTa nasisa'bu allo ri tampa' maraenga. Kualleangangi a'jaria pajaga ri pakke'bu' lompona Balla'Na Allata'alaku naia ammantanga ri balla' tau ja'dalaka.

YESAYA 12:2

Tojeng, anjo Allata'ala Mappasalamakku, inakke tappaka' mae ri Ia. Tena kumalla', saba' Napakajarreka'. Mappasalamakku iamintu Allata'ala, makkelonga' mae ri Ia.

YESAYA 27:1

Anjo wattua lammakei Batara pa'dang tarang siagang kassa' untu' anghukkungi Lewiatan, iamintu ulara' ammekko'-mekkoka siagang akkalu'-kaluka, kammayatompa lambunoi naga tamparanga.

YESAYA 33:16

Na lanijagai mako siagang laamang mako, rapang niakko lalang ri tembo' pattahangngang kassaka. Sadiai kanrea siagang inunganga untu' ikau.

YESAYA 45:17

Mingka Israel Nipasalamaki ri Batara; lattahangi kasalamakkanna. Ikau ngaseng tena nulanipakasiri' siagang lanihina sa'genna satunggu-tungguna.’ ”

YESAYA 58:14

Na nularannu lanri nugaukanna ibadanu mae ri Nakke. LaKupa'jari tunipakalompoko ri sikontu linoa. Lasannangi tallasa'nu lanri wassele' tana pisaka battu ri Yakub, boenu. INakke, Batara anne le'ba' a'bicara.”

YEREMIA 12:12

Battu ba'leang ri parang lompoa ri pa'monconganga, battu taua angngellaki. Kupabattui pa'bundukanga untu' ampanraki sikontu pa'rasanganga, sa'genna tenamo manna sitau akkulle attallasa' amang.

YEREMIA 47:6

Ammarrangko angkana, ‘Siapapi sallonu la'bundu', he pa'danNa Batara? Ammotere' mako antama' ri banoannu nampa ammantang mako anjoreng siagang sannang!’

HOSEA 13:9

LaKuancuru' kabusukko, he bansa Israel! Nampa inai kutadeng akkulle antulungko?

AMOS 8:7

Batara, Allata'alana Israel, le'baki assumpa angkana, “Tena sikali nalaKukaluppai panggaukang ja'dala'na ke'nanga.

HABAKUK 3:19

Kisarea' kagassingang rapang bangkeng jonga Kikassaki bangkengku. Kirurunganga' sollangku amang ri wattu a'jappaku ri pa'monconganga.

PAMMILANGNGANG 24:5

Tamaka ga'gana kema-kemanu he Yakub, siagang tampa'-tampa' pammantangannu, he Israel!

PAMMILANGNGANG 33:52

musti nubongkai sikontu pandudu'na anjo pa'rasanganga. Ancuru' ngasengi sikontu barhalana ke'nanga battua ri batu siagang bassi-bassiang kammayatompa tampa'-tampa' ibadana ke'nanga.

PAOLE 32:13

BansaNa akkullei nakoasai moncong-monconga, ri butta a'batu-batua attimboi poko'-poko' zaitunga. Nakanrei ke'nanga wassele' koko-kokonna, nainung je'ne' bani taniparakaia ri alla' batu karanga.

PAOLE 4:32

Salidikimi rewasa' le'ba' allaloa, bella ri tenanapa nanulassu', appakkaramula ri allo Napa'jarina Allata'ala rupataua ri linoa anne. Boyami ri sikontu linoa. Le'bakika kajariang apa kammaya anjo heba'na rioloangannaya? Le'bakika nia' tau allangngereki kajariang kammaya anjo?

PAOLE 4:34

Le'bakika nia' rewata barani angngalle se'reang bansa battu ri bansa-bansaya nampa napa'jari ke'nanga umma' kalenna, sangkamma Nagaukanga Karaeng Allata'alanu untu' ikau ri Mesir? Kalennu anciniki antekamma bateNa Allata'ala appabattu kagassingang lompo, angngeranga bala siagang pa'bundukang, anggaukangai gau'-gau' appakalannasaka siagang apa-apa hebaka.

1 TIMOTIUS 4:10

Iaminjo saba'na kippattujuang siagang anjama terasa', lanri manrannuang tojeng-tojengki' mae ri Allata'ala mattallasaka; Iami Batara Mappasalama'na sikontu rupataua, la'biangampa pole mae ri sikamma tau tappaka.

PAPPICINI' 1:16

Lima kananNa anna'galaki tuju bintoeng, na battu ri bawaNa nia' assulu' pa'dang sannaka taranna, siagang tarang pimbali-balia. RupanNa accayai sangkamma matanna alloa ri wattu tangngana alloa.

PAPPICINI' 19:21

Nampa nibuno ngaseng tantarana ke'nanga siagang pa'dang assuluka battu ri bawana anjo padongko' jarang keboka. Nabattu ngasemmo jangang-janganga angkanrea tojengi assinna anjo ke'nanga nibunoa.

HAKING-HAKING 7:20

Kammatommi anjo nagaukang anjo ruaya regu. Nampa naangka' ngasemmo siagang lima kairinna sikontu sulo naeranga ke'nanga. Kammayatompa natui' ngasemmi tarompe'na niaka ri lima kananna ngaseng ke'nanga. Nampa ammarrang ngaseng ke'nanga, “Pa'dang untu' Batara siagang untu' Gideon!”