PAOLE 33:24 - KITTA' MATANGKASA'

²⁴ Ri sesena suku Asyer nakana: “Battu ri sikontu suku Israel suku Asyer kaminang nibarakkaki. Iami nisayang ri sikamma sari'battanna attimboi poko' zaitunga ri buttana.

PAOLE 33:24 ပူးပေါင်းရင်းမြစ်များ

PA'JARIANG 49:20

Asyer, lalla'bi kanre baji'nu. Kau lassadiakangi kanrena sikamma karaenga.

AYUB 29:6

Jai sikali dadi' wassele' olo'-olo' piaraku. Jai minynya' wassele'na poko'-poko' zaitunku, manna nanjoreng ri butta jaia batunna nilamung.

PAMMUJI 115:15

Poro nibarakkakiko ri Batara, ampa'jariai langika siagang buttaya!

PAMMUJI 128:3

Bainennu sanrapangi poko' anggoro' copponga lalang balla'nu. Ana'-ana'nu sanrapangi cu'la'na poko' zaitun ri tammulilina mejang pangnganreannu.

PAMMUJI 128:6

Poro la'bu lalo umuru'nu, na nucini' ana'-cucunnu! Poro salewangang ummatTa!

KALAPPASSANG 12:10

Teako niakki nuboli' manna pole sike'de' anjo dagenga sa'genna bari'basa'; punna nia' sesanna, musti nitunui sa'genna la'busu'.

LAMPA-LAMPANA 7:10

nanitulung battu ri sikontu kasusaanna. Nisarei ri Allata'ala kabajikang pa'mai' siagang kacara'dekang ri wattunna andallekang ri Firaun karaenga ri Mesir. Sa'genna niangka' a'jari Tumalompo ri pa'rasangang Mesir, siagang tukoasa ri Balla' Lompona Karaeng Firaun.

ROMA 14:18

Inai-nai kamma anjo batena allayani mae ri Almasi, iami lanikarannuang ri atinNa Allata'ala, kammayatompa nipakalompo ri sikamma tau maraenga.

ROMA 15:31

Pappala' doanganga' sollangku akkulle ta'lappasa' battu ri limanna tau tenaya natappa' ri pa'rasangang Yudea; kammayatompa sollanna akkulle kupajappa tugasakku ampabattui anjo sumbanganga mae ri Yerusalem, siagang natarima baji' ke'nanga siagang te'ne pa'mai'.

YOSUA 19:31

Anjo kota-kotaya siagang desa-desaya niaki lalang ri daera nipassareanga mae kaluarga-kaluarga niaka lalang ri suku Asyer untu' a'jari butta pisakana ke'nanga.