PAOLE 33:14 - KITTA' MATANGKASA'

¹⁴ Dasi-dasi nakala'biang ri rappo-rappoang punna narapi' wattunna, rappo kaminang bajika, ti'noka ri poko'-poko'na.

PAOLE 33:14 ပူးပေါင်းရင်းမြစ်များ

2 SAMUEL 23:4

rapangi caya singara' ammumbaya ri bari'basa' dudua wattu singara'na langika. Rapangi singara'na alloa ri wattu le'ba'na bosi ampaccillaki ruku' moncongbuloa ga'ga nicini'.”

PAMMUJI 104:19

ApparekKi' bulang untu' pammatei wattu, naassengi alloa wattu pa'labuanna.

PAMMUJI 74:16

IKatte ampa'jari alloa siagang bangngia, siagang Kipattantu tampa'na alloa siagang bulanga.

PAMMUJI 8:3

nikelongang ri ana'-ana' siagang ana' loloa. Majarreki pamarentahanTa tamakkulle nilengga untu' antongkoki bawana musua siagang balia.

PAMMUJI 84:11

Bajikangngangi sialloa ri BallatTa nasisa'bu allo ri tampa' maraenga. Kualleangangi a'jaria pajaga ri pakke'bu' lompona Balla'Na Allata'alaku naia ammantanga ri balla' tau ja'dalaka.

KAIMANGNGANG 26:4

lappaturungA' bosi punna narapi' wattunna, sa'genna angngerang wassele' buttaya siagang a'rappo poko' kayu rappo-rappoanga.

MALEAKHI 4:2

Mingka ikau tau mannurukia ri Nakke, lammumbai koasangKu mappasalamaka rapang mataallo, nasioro'na angngerangi pappakamolle ri garring. Lata'lappasakko siagang larannuko rapang ana' sapi beru assuluka battu ri barana.

MATIUS 5:45

sollannu a'jari ana'-ana'Na Allata'ala Manggenu ri suruga. Nasaba' Napammumbai alloNa Allata'ala sollanna nasiori ngaseng rupataua, baji' natau a'gau' bajika kammayatompa tau a'gau' kodia. Kammayatompa Napaturungi bosiNa Allata'ala sollanna natuju ngaseng rupataua, baji' natau a'gau' bajika kammayatompa tau a'gau' kodia.

LAMPA-LAMPANA 14:17

Mingka tena Natakkaluppa ampa'butti kabajikanNa ilalang apa-apa Nagaukanga. Nasare ngasengko bosi battu ri langika, siagang wassele'na buttaya punna narapi' wattunna. Nasareko apa-apa lanukanrea siagang Napakasannangi atinnu.”

PAOLE 28:8

LaNabarakkaki Karaeng Allata'alanu usahanu siagang laNabonei sikamma pammolikannu siagang gandung. LaNabarakkakiko ri pa'rasangang Napassareanga mae ri kau.

PAOLE 33:13

Ri sesena suku Yusuf nakana: “Dasi-dasi nanibarakkaki buttana ke'nanga ri Batara ri je'ne' battu rawa ri butta siagang bosi.

PAOLE 33:15

Dasi-dasi naanjo bulu'-bulu'na battu ri jammang riolo rassi rappo-rappoang kaminang bajika.

1 TIMOTIUS 6:17

Sikamma tau kalumanynyanga ri anne linoa, parallui nupakainga' sollanna tena na'jari tampo ke'nanga. Kammayatompa tena namanrannuang mae ri barang-barang latappelaka, kammayami kakalumanynyanganga. Musti manrannuang mangei ke'nanga ri Allata'ala assareaki' alla'bi-la'bi sikontu-kontuna niparalluia, sa'genta a'jari sannang.

PAPPICINI' 22:2

angngoloa ri tangnga-tangngana agang lompona anjo kotaya. Ri biring pimbali-baliNa anjo binangaya, nia' poko' katallassang, pissampuloa anrua a'rappo lalanna sitaung, iamintu sikali sibulang. Leko'na nipakei untu' amballei bansa-bansaya.