PAOLE 32:8 - KITTA' MATANGKASA'

⁸ Ri wattu Nabagena Kaminang Tinggia butta pisakaya, tunggala' bansaya Napattantui daerana siagang se'reang rewata a'jari makoasa.

PAOLE 32:8 ပူးပေါင်းရင်းမြစ်များ

PA'JARIANG 10:15

Sikamma ana'na Kanaan, iamintu Sidon ana' toana siagang Het.

PA'JARIANG 10:25

Eber nia' rua ana'na bura'ne; toaya niarengi Peleg lanri ri wattu jammannami na'jari ta'bage-bage bansa-bansaya ri lino; makaruaya niarengi Yoktan.

PA'JARIANG 10:5

Iami ke'nanga a'jari boe-boena sikamma bansa ammantanga ri sikamma biring tamparanga siagang ri pulo-puloa. Ia ngasemmi anjo sossoranna Yafet. Massing-massing bansa siagang suku ammantammi ri massing pa'rasanganna, siagang massing nia' tommo bahasa kalenna.

1 PATTOTTORANG 16:18

Nakana, “Butta Kanaan laKupassareangi mae ri kau a'jari pusaka mae ri kau.”

AYUB 15:19

Anjo wattua tena bansa maraeng ri pa'rasanganna ke'nanga; tena tau lampa'lingui ke'nanga battu ri Allata'ala.

PAMMUJI 115:16

Langika iamintu Bataraji bawang pata, mingka buttaya Napassareangi mae ri rupataua.

PAMMUJI 50:14

Assare mako koro'bang sukkuru' mae ri Allata'ala, rupai janjinnu mae ri Kaminang Tinggia.

PAMMUJI 7:17

Jari nihukkungi lanri kaja'dallang kalenna tonji, siagang nisessai lanri kapala batuna tonji.

PAMMUJI 74:17

Kipattantui sikamma pa'baeng-paenna buttaya, Kipa'jari wattu timoroka siagang wattu baraka.

PAMMUJI 82:6

Kukana ikau ana'-ana'na ngasengko karaenga ana'-ana'na ngasengko Allata'ala Kaminang Tinggia.

PAMMUJI 91:1

Sikamma tau a'la'langa mae ri Kaminang Tinggia, ammantanga lalang ri pa'la'langanNa Kaminang Koasaya,

PAMMUJI 92:8

Nakulle kapang tau dorakaya coppongi sanrapang ruku'; tau ja'dalaka pila' kalumanynyangi na kala'biang; mingka laniballassi taba sikali ke'nanga,

YESAYA 14:14

Nukana, angkana ikau lanaikko ri rammang tinggia nu'jari sangkamma Kaminang Tinggia.

DANIEL 4:17

Iaminjo kaputusanna ikambe malaeka'-malaeka' tutua siagang jaga-jagaya. Ero'na ikambe iamintu sollanna sikontu taua ri kere-keremae naani angkanaya Allata'ala Kaminang Tinggia makoasa mae ri kakaraengang rupataua siagang anjo kakaraenganga Napassareangi manna pole ri nai Napilea, ba'lalo tau kaminang tenaya pole anggaranna!’

DANIEL 5:18

Allata'ala Kaminang Tinggia, iamintu le'baka ampa'jari Nebukadnezar, manggena karaengku, a'jari karaeng mala'biri' siagang assarei kalompoang na masahoro'.

MIKHA 2:5

Lanri kammana anjo, punna narapi' wattunna anjo pa'rasanganga nipoterang mae ri umma'Na Batara, tena manna sitau battu ri kau lantarimai bageanna.

PAMMILANGNGANG 23:9

Battu irate ri coppo'-coppo'na monconga kucini' ke'nanga; battu ri bulu'-buluka kuparhatikang ke'nanga. Ciniki, nia' se're bansa akkale-kale tenaya nantama' ri golonganna bansa-bansa maraenga.

PAMMILANGNGANG 24:16

le'baka allangngereki kana-kananNa Allata'ala, siagang akkullea angngassengi Kaminang Tinggia; ancinikai Napa'nyata KalenNa Kaminang Koasaya lalang anra'bana mingka tassungkei matanna.

LAMPA-LAMPANA 17:26

Battu ri se'rea tau Nanapa'jari sikontu bansaya, nampa Nasuro ke'nanga ampammantangi sikontu buttaya. Iatommi ampattantui battu ri uru-uruna angkana kemae sa'genna siagang kemaei akkulle ammantang rupataua.

LAMPA-LAMPANA 7:48

Mingka tena nammantang Allata'ala Kaminang Tinggia lalang ri balla' napareka rupataua; nasaba' nia' tattulisi' lalang ri Kitta'na na'bia angkanaya,

PAOLE 33:28

Jari-jarina Yakub laamangi tallasa'na, salewangang ri pa'rasangang ga'gaya alla'bi gandunga siagang je'ne' anggoroka allung battu ri langi' ambasai buttaya.