PAOLE 32:5 - KITTA' MATANGKASA'

⁵ Mingka ikaumi bansa tenaya namajarre' pa'mai'nu, bansa jaia jekkonna siagang dosana, tenayamo nanibilangngi umma'Na.

PAOLE 32:5 ပူးပေါင်းရင်းမြစ်များ

PA'JARIANG 6:12

Nacinikimi Allata'ala anjo linoa, na sangnging kaja'dallang mami Nacini', lanri sikamma rupataua ja'dala' ngasemmi lalang tallasa'na.

PAMMUJI 78:8

sollanna tena sangkamma ke'nanga boe-boena nangaia angngewa siagang doraka; ana'-ana' ta'lengga-lenggaya tappa'na, siagang tenaya namajarre' mae ri Allata'ala.

KALAPPASSANG 32:7

Jari Nakanamo Batara ri Musa, “Naungko linta', saba' anjo bansa nupimpinga assulu' battu ri Mesir a'gau' ja'dala'mi.

PANGNGEBARANG 8:8

Kana-kanangku lambusu' ngasengi, manna se're tania' a'jekko yareka sala.

YESAYA 1:4

Cilakako kau bansa dorakaya, tau panraka siagang ja'dalaka! Ta'loposo' ngaseng mako lanri dosa-dosanu. Nutollaki Batara siagang nubokoi Allata'ala Kaminang Matangkasaka, siratanga musti nusomba.

YESAYA 63:8

Nakana Batara, “Tojeng, anjo ke'nanga ummakKu, ana'-ana' tenaya nappakala'ba pa'mai'.” Na Ia a'jari Mappasalama'na ke'nanga,

HOSEA 9:9

Teai sipato' ja'dala'na panggaukannu sangkamma le'baka nagaukang taua ri Gibea. LaNau'rangi Allata'ala kasalannu, siagang Nahukkungko lanri dosanu.

ZEFANYA 3:7

Kupikkiriki angkanaya, ‘Kamma-kamma anne tantu napakalompoMa' ummakKu siagang naparhatikammi sikamma pappakaingakKu. Tantu nau'rangi ke'nanga pangngajarang le'baka Kupassareang mae ri ke'nanga.’ Mingka a'nyatami angkanaya la'bi katambammi panggaukang ja'dala'na ke'nanga na rioloangannaya.

PAMMILANGNGANG 23:21

Tena kaja'dallang nicini' ri kalenna Yakub; tena kasukkarrang nicini' ri tu Israel. Batara, Allata'alana ke'nanga, anrurungangi ke'nanga. Akkio' rannui ke'nanga angkana: Iami Karaeng!

MATIUS 16:4

Teai sipato' ja'dala'na siagang dorakana ngaseng taua ri anne jammanga. NusuroA' anggaukangi gau' appakalannasaka. Mingka manna sirupa gau' appakalannasa' tena todong lanipicinikiangko, pantaranganna gau' appakalannasa' le'baka kajariang ri kalenna Na'bi Yunus.” Le'baki akkana kamma Isa, a'lampami ambokoi ke'nanga.

MATIUS 17:17

Appialimi Isa angkana, “Teaiko anne sipato' ngaseng! Ma'nassa tau sala oloang ngasengko siagang tena ngaseng tappa'nu. Siapapi salloKu lammantang siagang lasa'bara' ri tangnga-tangnganu ngaseng? Erangi mae anjo anaka!”

MATIUS 3:7

Jai tommi tu Farisi siagang tu Saduki battu mae ri Yohanes, ero' assuro je'neki kalenna. Mingka nacini'na Yohanes battu todong ke'nanga, nakanamo ri ke'nanga, “Ikau ngaseng tu ja'dalaka! Inai ampauangko angkanaya akkullei nuliliang hukkunganNa Allata'ala, labattua sallang mae ri kau?

LUKAS 9:41

Appialimi Isa Nakana, “Teai ngasengko sipato' anne! Ma'nassa tau sala oloang ngasengko siagang tau tena ngaseng nutappa'! Siapapi salloKu lammantang angngagangko siagang lasa'bara' ri kau ngaseng? Erangi mae antu anaka!”

YOHANES 8:41

Panggaukanna ngaseng manggenu antu nugaukanga ngaseng todong.” Appialimi ke'nanga angkana, “Ikambe anne teaiki' ana'-ana' harang. Se'reji manggena ikambe, iamintu KalenNa Allata'ala.”

LAMPA-LAMPANA 2:40

Kammaminjo napakasingaraka Petrus mae ri ke'nanga. Siagang ilalang a'rupa-rupa bicara maraengang, napakainga' tommi ke'nanga sollanna napakabella kalenna ke'nanga battu ri anne bansa ja'dalaka laNahukkunga sallang Allata'ala.

LAMPA-LAMPANA 7:51

Teai sipato' kapala batunu ngaseng, siagang teai sipato' sukkara'nu mannuruki ri Allata'ala! Teai sipato' tongolo'na tolinnu mae ri kana-kananNa Allata'ala! Sangkamma le'ba' ngasengko siagang boe-boenu; tuli erokko angngewa ri RohNa Allata'ala!

2 KORINTUS 11:3

Mingka ranggaselai pa'maikku, gassingka nigodai pikkirannu sa'genna tenamo nujarre' ri janjinnu mae ri Almasi. Sangkamma todong Hawa riolo, nigoda tongi ri kacara'dekanna ularaka.

PAOLE 31:29

Kuassengi angkanaya punna matema', anjo taua la'jari ja'dalaki siagang lanatollaki apa le'baka kupangngajarrang mae ri ke'nanga. Nampa lanituju sallang ke'nanga ri bala, lanri napakanassuna Batara lanri nagaukanna ke'nanga apa Napappisangkanga Batara.”

PAOLE 32:20

Nakana, ‘Tena naKujampangi; ciniki mami apa lakajarianga. Nasaba' anjo bansaya kapala batui, tena sikali namajarre' pa'mai'na ke'nanga.

PAOLE 4:16

Jari katutui sollanna tena nanudoraka lanri nupapparekanna kalennu patung untu' nusomba, baji' bura'ne yareka baine,

PAOLE 4:25

Kammayatompa punna sallo mako ammantang ri anjo pa'rasanganga siagang ammana'-mana' mako anjoreng, teako dorakai lanri appare'nu patung untu' kalennu, manna pole antekammaya tanja'na.

PAOLE 9:24

Baku'nu kuasseng, tuli tenana numappilangngeri mae ri Batara.

FILIPI 2:15

Lanri kammanami anjo nanupappicinikammo angkanaya ma'nassa ana'-ana'Nako Allata'ala tenaya callanna, lambusuka siagang annabaya batena attallasa' ri tangnga-tangngana tau ja'dalaka siagang dorakaya. Siagang ri wattunna nupabattu mae ri ke'nanga anjo biritta katallassanga, paralluko a'jari sanrapang singara' mae ri ke'nanga, ansioriai linoa. Punna kamma anjo batenu attallasa', nia'mo sallang alasangku langkalompoang pa'maikko, ri wattunna battu poleang ammotere' Isa Almasi. Iaminjo buttina angkanaya tena nasia-sia usahaku, passangalinna nia'ja wassele'na.

HAKING-HAKING 2:19

Mingka punna matemo anjo pamimpinga, a'jari la'bi kodimi panggaukanna ke'nanga natau jammang rioloangannaya. Napare' atami kalenna mae ri rewata-rewata maraenganga, siagang anynyombai ke'nanga mae ri anjo rewata-rewataya. Ammotereki ke'nanga mae ri kabiasang-kabiasang ja'dala'na ke'nanga, na taerokai ke'nanga ampinrai anjo gau'na.