PAOLE 32:42 - KITTA' MATANGKASA'

⁴² PanaKu rassi cera'na ke'nanga, cera' tunitahang siagang tau loko'. Nabunoi pa'dangKu sikamma tau angngewaya, musu la'bua uu'na tena nalaKulappassang.

PAOLE 32:42 ပူးပေါင်းရင်းမြစ်များ

2 SAMUEL 1:22

Panana Yonatan porei, ammuno tau. Pa'danna Saul tena nangngasseng angngamaseang ammuno musu, ammanraki bali.

AYUB 13:24

Angngapa Ki'lili siagang bella battu ri nakke? Apa saba'na naKipa'jari musua'?

PAMMUJI 45:5

Maju mako siagang gammara' mange ri kalompoanga parjuangkangi katojenganga siagang kaadelang bajika; re'bu'mi pammetang lompoa siagang kagassingannu!

PAMMUJI 45:6

Ana' pana cidu'nu natarrusuki atenna musunta, tu'guruki bansa-bansaya ri dallekanna bangkennu.

PAMMUJI 68:23

Nakana Batara, “He umakKu, Kuerangi musunnu battu ri Basan Kuerangi ke'nanga ammotere' battu ri dapara'na tamparanga,

YESAYA 34:5

Napasadiami pa'danNa Batara ri suruga, na kamma-kamma anne latattabami anjo pa'danga mae ri bansa Edom, le'baka nitappuki hukkunganna laniancuru'.

YEREMIA 12:12

Battu ba'leang ri parang lompoa ri pa'monconganga, battu taua angngellaki. Kupabattui pa'bundukanga untu' ampanraki sikontu pa'rasanganga, sa'genna tenamo manna sitau akkulle attallasa' amang.

YEREMIA 16:10

Punna nupabattu ngasengi anne mae ri ke'nanga, gassingka akkuta'nangi ke'nanga angkana angngapa naKuero' anghukkung terasa' kammai anjo ke'nanga. Lakkuta'nangi ke'nanga angkana apa kasalanna siagang dosana ke'nanga mae ri Nakke, Karaeng Allata'alana ke'nanga.

YEREMIA 30:14

Sikontu tumangngainu takkaluppami ri kau; taerokami ampikkiriki kalennu. Kamma musu le'baka a'bakka na nahukkungko siagang palla', lanri jaina dosanu siagang lompona kasalannu.

YEREMIA 46:10

Mingka inakke, Yeremia kukanamo, iaminne allonNa Karaeng Allata'ala Kaminang Tinggia siagang Kaminang Koasaya; ri anjo alloa Napa'balassi sikontu musu-musunNa. Pa'danNa bassoroki angnganre tau siagang angnginung cera'. Anne alloa Batara Kaminang Koasaya, Nasamballei koro'bang-koro'banga wara', ri anjo birinna Binanga Efrat.

YEREMIA 46:14

“Yeremia, pa'la'bangi nupau anne kabaraka mae ri kota-kota Mesir, iamintu ri Memfis, Migdol siagang Tahpanhes, angkana, ‘Pasadiai kalennu untu' attahang, lanri sikontu apa-apa niaka ri kau lanipanraki lalang pa'bundukang!

PIRAUNG 2:5

A'jarimi rapang musu Batara; Natunrungi Israel sa'genna runtung. Naancuru' sikontu pattahangnganga siagang balla' karaenga, na pila' Natambai susana pandudu' niaka ri Yehuda.

PAOLE 32:23

Kupabattu bala tamammari-maria, Kupakei pana-panana balinna ke'nanga.