PAOLE 32:34 - KITTA' MATANGKASA'

³⁴ Nau'rangi Batara panggaukanna musunna ke'nanga, laNahukkungi ke'nanga punna narapi' wattunna.

PAOLE 32:34 ပူးပေါင်းရင်းမြစ်များ

AYUB 14:17

LaKipammopporangi dosaku siagang Kipakabellai; sala rioloku Kilu'luki.

YEREMIA 2:22

Manna pole nu'je'ne' siagang ammake sabung sijaiang, mingka sikamma ra'masa'nu Kucini' tongiji.

YEREMIA 44:21

“Apaka nukana taNaassengai yareka nukana Nakaluppai Batara anjo koro'bang-koro'bang nipassareanga ri kota-kota Yehuda siagang ri agang-aganga ri Yerusalem, iamintu nipassareanga ri boe-boenu, ri karaeng-karaenga siagang sikamma pagawe pamarentanu, kammayatompa ri sikontu ra'ya'na anne pa'rasanganga siagang nupassareanga ikau kalennu?

HOSEA 13:12

Nakana Batara, “Nicata'mi dosana siagang kasalanna Israel, nampa niboli' catatanna.

ROMA 2:5

Mingka kapala batu ngasengko siagang taerokako ampinrai gau'nu. Jari battu ri kau ngaseng tonji napila' battala' hukkungang lanugappaya sallang punna Allo Kiama', iamintu punna Napa'nyata sallang pangngalarroiNa Allata'ala siagang Napabattu hukkunganNa adeleka.

1 KORINTUS 4:5

Lanri kammana, nasaba' tenapa narapiki wattunna, teako akkaro-karo dudui ampattantui angkanaya salai yareka tena nasala se'rea tau. Tayangi sa'genna battu sallang Batara. Iami lassungke ngasengi sikontu rahasia taccokkoa lalang ri sassanga. Iami lampakacinikang ngasengi sikontu apa le'baka narancana lalang ri massing atinna taua. Iapi anjo wattua nampa massing lannarima taua pujiang siratannaya battu ri Allata'ala.

PAOLE 29:28

A'lappo' hebaki larroNa Batara, siagang lalang larro lompoNa anjo Nabi'bu'mi bansa Israel battu ri buttana ke'nanga nampa Napasambila ke'nanga mange ri pa'rasanganna bansa maraenga. Iaminjo saba'na nania' ke'nanga anjoreng.’

PAOLE 32:33

Je'ne' anggoro'na ke'nanga iami racunna ularaka.