PAOLE 32:26 - KITTA' MATANGKASA'

²⁶ ErokKa' ampa'lanynya' taba sikali ke'nanga, sollanna taniu'rangiamo ke'nanga.

PAOLE 32:26 ပူးပေါင်းရင်းမြစ်များ

PAMMUJI 34:16

Naparhatikangi Batara tu bajika, Napilangngeri ke'nanga punna akkio' appala' tulung

PAMMUJI 34:17

Mingka Nabaliangi tu a'gau' ja'dalaka; punna mate ke'nanga, lintaki nikaluppai.

KALAPPASSANG 32:12

Punna Kiancuruki ke'nanga, lanakanamo tu Mesirka angkana Kipimpingi anjo bansaya assulu' battu ri Mesir sollanna akkulle Kibuno ke'nanga ri monconga siagang Kiancuru' taba sikali ke'nanga. TeaKi' appakammai, o Batara; Kipinra laloi anjo pattujunTa ero' ancilakai anjo bansaya.

YESAYA 48:11

Kugaukangi anjo kammaya untu' KalengKu, saba' taKupa'biangai arengKu nira'massi; tena Kubagei kala'birangKu manna pole ri nai.”

YESAYA 63:16

Sai iKatte manggena ikambe? Abraham siagang Yakub tanaassengai ikambe. Mingka iKatte o Batara, iKatte Manggena ikambe, Mappasalama'na ikambe battu riolo dudu.

KAIMANGNGANG 26:33

Lappa'niakKa' pa'bundukang ri pa'rasangannu siagang laKupasimbung-simbungko mae ri pa'rasanganna bansa maraenga. Lammantangi ta'ronang sikamma kokonnu siagang laKulappassangi a'jari loro kota-kotanu.

KAIMANGNGANG 26:38

Lamateko ri pammelakkanga, niancuru' pa'rasangannu ri musu-musunnu.

LUKAS 21:24

Nia' lanibuno siagang pa'dang, siagang nia' todong lanierang mange nipela' ri pa'rasangang maraenga. Siagang lanionjo'-onjokangi anne kota Yerusalem ri tu kapereka, tenaya namalla' ri Allata'ala, sa'genna la'busu'mo wattu le'baka Napattantu Batara mae ri ke'nanga.”

PAOLE 28:25

Punna tena numannuruki mae ri Karaeng Allata'alanu, laNalappassangko nibeta ri musu-musunnu. Lanuatoro' bajiki batenu a'bundu', mingka lalariko tassimbung-simbung. Sikontu bansa-bansaya lamalla'-malla' ngasengi anciniki cilaka antujuako.

PAOLE 28:37

Ri pa'rasangang-pa'rasangang tampa'nu nipasisa'la'-sa'la' ri Batara, lata'bangka ngasengi taua ancinikko; lanicau-cauko siagang lanikakkaliko ri ke'nanga.

PAOLE 28:64

LaNapasisa'la'-sa'lakko Batara ri alla'na bansa-bansaya ri sikontu linoa. Anjoreng lanynyombako mae ri rewata-rewata nipareka battu ri batu siagang kayu, rewata-rewata tenaya nanuassengi siagang tenaya todong nanaassengi boe-boenu.

PAOLE 4:27

LaNapasisa'la'-sa'lakko Batara ri alla'na bansa-bansa maraenga siagang sike'de' mami ri kau lammantanga attallasa'.

PAOLE 9:14

Teako coba-cobai anrompaiA'. ErokKa' angngancuruki ke'nanga sa'genna nikaluppaimo ke'nanga. Mingka ikau laKupa'jariko mangge ri se'reang bansa lompoangnganga siagang kassakangnganga naanjo ke'nanga.’