PAOLE 32:25 - KITTA' MATANGKASA'

²⁵ Bundu' angngeranga kamateang niaki ri sikamma oloanga, manna ammantanga ri balla' nabattui todong malla'. Turungkana bansaya lamatei, ana' lolo na tau toa dudu tena passangalinna.

PAOLE 32:25 ပူးပေါင်းရင်းမြစ်များ

2 KARAENG-KARAENG 7:5

Ri wattunna lappakkaramulamo sassang, a'lampami ke'nanga mange ri pakkemaanna tu Siria, mingka tena manna sitau nacini' ke'nanga anjoreng.

2 PATTOTTORANG 36:17

Napagio'mi Batara atinna karaeng Babel sollanna battu ambunduki ke'nanga. Anjo karaenga nabunomi tu Yehuda rungka-rungkaya, kammayatompa ia niaka lalang ri Balla'Na Batara. Tena manna sitau nakamaseang, tau toa yareka tau rungka, bura'ne yareka baine, tau garring yareka tau tagarring. Nipassareang ngasengi ri Allata'ala ke'nanga mae ri karaeng Babel.

YESAYA 30:16

Ba'lalo apparekko rancana ero' lari battu ri musua a'dongko' jarang gassinga larina. Baji'mi! Memang musti lariko sinampe'! Nupikkiriki angkana gassingi larina anjo jarannu, mingka sitojenna gassingangngangi larina tau angngondangiako.

YEREMIA 44:7

Siagang kamma-kamma anne, iNakke, Batara Kaminang Koasaya, iamintu Allata'alana Israel, akkuta'nangA' angkana apa saba'na nanugaukang anjo apa-apa appabattua bala lompo mae ri kalennu. Apaka erokko ampanraki sikontu taua – bura'ne, baine, ana'-ana', siagang ana' lolo – sa'genna tena manna sitau battu ri bansanu ammantang?

YEREMIA 44:8

Apa saba'na nanugaukang apa-apa ampabattuai larroKu? Battuko mae siagang ammantangko ri Mesir, pa'rasangang tenaya nuassengi, nampa anynyombako barhala siagang assareko koro'bang mae ri anjo rewata-rewataya! Apaka erokko angngancuruki kalennu sollannu nihina ri sikontu bansaya ri lino siagang nipake arennu salaku pattunra?

YEREMIA 9:21

Antama'mi kamateanga ri tontonganga, annarrusu' antama' ri balla' karaenga; nabakkai ana'-anaka ri aganga kammayatompa turungkaya ri paranga.

PIRAUNG 1:20

O Batara, Kiparhatikanga', lussaki na puccala' atingku, ancuruki lanri dorakaku le'ba' laloa. Ri sikamma aganga nia' pammunoang, lalang balla' nia' kamateang.

PIRAUNG 4:4

Ana' lolona tena napasusui, sa'genna mate turere. Appalaki kanre ana'-anaka mingka tena tau assarei.

YEHEZKIEL 7:15

Ri agang-agang niaka ri kotaya nia' pa'bundukang, ri sikamma ballaka nia' garring siagang kacipurang. Inai mamo nia' ri pantaranganna kotaya lamatei lalang pa'bundukang, siagang ammantanga ri kotaya lamatei lanri garring siagang kacipurang.

HOSEA 11:6

Bundu' lompoa lanarapiki sa'genna kota-kotana ke'nanga; lanipanraki sikamma pakke'bu' lompoa, siagang lania'moroki ummakKu. Nakajariang anjo kammaya lanri naturukinna ero' kalenna ke'nanga,

HOSEA 9:12

Mingka manna pole nania' ana'-ana' nilassukang siagang nipakalompo, laKuallei ke'nanga; tena manna sitau laKulappassang attallasa'. Cilaka ngaseng mako ikau, he bansa Israel, punna Kubokoi ngaseng mako!”

HOSEA 9:16

LaKuhukkungi tu Israel. La'jari ke'nanga sanrapang lamung-lamung tenaya na'rappo, siagang kalotorokamo aka'-aka'na. Takkulleai ke'nanga nia' ana'na; mingka manna pole nania' ana'na ke'nanga, laKubunoi anjo ana'-ana' nakamaseanga.”

KAIMANGNGANG 26:25

Lappa'niakKa' pa'bundukang ri tangnga-tangnganu lanri nudakkaina parjanjiangKu siagang ikau. Siagang punna asse'reko ri kotanu untu' a'boya pa'la'langngang, lappabattuA' garring tenaya nakkulle niballei, sa'gennu tarpassa manyara mae ri musunnu.

MIKHA 6:14

Langnganreko, mingka talabassorako – ba'lalo tuli cipuru'nu. Langngengkakko barang-barang, mingka takkulleako ampakaamangi. Apa-apa mamo nupakaamanga laKuancuruki lalang pa'bundukang.

2 KORINTUS 7:5

Ri wattunna battu ikambe mange ri butta Makedonia, tena sikali nakisawe ammari-mari poso. Battu iraya ilau'mi kasukkaranga antujuki'; pa'beseranna taua mae ri kambe, kammayatompa malla'-malla' tommaki' ilalang ri atinta.