PAOLE 32:24 - KITTA' MATANGKASA'

²⁴ Lamatei ke'nanga lanri rammusu' na kacipurang, nialle ri kamateang lanri garring appakamalla'. Battui a'bakka olo'-olo' sekkeka, ulara' a'racunga ampakkunrarengi ke'nanga.

PAOLE 32:24 ပူးပေါင်းရင်းမြစ်များ

PA'JARIANG 3:14

Le'baki anjo Nakanamo Karaeng Allata'ala mae ri ularaka, “Lanihukkungko lanri anjo panggaukannu. Battu ri sikontua olo'-olo' ikauji bawang musti antanggongi anne hukkunganga, iamintu: Appakkaramula ri kamma-kammaya anne lassossorokko siagang battannu a'jappa, siagang langnganreko limbu'bu lalang sikontu tallasa'nu.

PA'JARIANG 49:15

Naciniki antekamma baji'na anjo tampaka antekamma ga'gana anjo pa'rasanganga, na'dundumo rella nipitekeki, na nipassa anjama a'jari ata.

AYUB 20:16

Tau ja'dalaka langnginungi racung paerang bala, lamatei lanrinna, sanrapang tunikokko' ri ulara' a'racung.

PAMMUJI 120:4

Iamintu ana' pana cidu'na sitaua tubarani, siagang bara pepe' a'rinra-rinraya!

PAMMUJI 91:6

ri bala battua ri wattu sassanga, yareka kaancurang antujuako ri tangngana alloa.

YESAYA 65:25

Serigalaya siagang gimbalaka lasiagangi sipa'rukukang; singaya angnganre rarame sangkamma sapi, siagang ularaka tenamo bahayana. Ri sikontu bulu' matangkasakKu, tenamo lappakarugi siagang a'gau' ja'dala'.”

YEREMIA 14:18

Punna mangea' ri paranga, kuciniki maya'-maya'na tumatea lanri pa'bundukang. Kuciniki lalang ri kotaya kasessanga, tau a'biringa mate naalle cipuru'. Na'bia siagang imanga nagaukangi jama-jamanna natanassenga apa battuanna apa nagaukanga ke'nanga.”

YEREMIA 15:3

Inakke, Batara, le'ba'mi Kupattantu angkanaya nia' appa' rupanna hukkungang hebaka lakajariang mae ri ke'nanga: lamatei ke'nanga lalang pa'bundukang, maya'na ke'nanga lanire'resangi ri kongkong, nikanrei ri jangang-jangang, siagang nipaccappuki ri olo'-olo' sekke'.

YEREMIA 16:4

Lamatei ke'nanga lanri nitaba ri garring angngeranga kamateang, siagang lamatei ke'nanga lalang pa'bundukang yareka mate naallei cipuru'. Tena manna sitau langngarru' yareka antarawangi ke'nanga. Latassiaraki maya'na ke'nanga rapang pupu' panynyoppongi ri butta, siagang nikanre ri jangang-jangang siagang olo'-olo' sekke'.

YEREMIA 8:17

Nakana Batara, “Parhatikangi! Kamma-kamma anne appabattuA' ulara'-ulara' antama' ri tangnga-tangnganu untu' ampittokko, iamintu ulara' a'racunga tenaya nakkulle nipitabai baca-baca.”

PIRAUNG 5:10

Sessai ikambe napakamma cipuru' sa'genna kamma a'barami bukkulenna ikambe rapang pappalluang.

YEHEZKIEL 14:15

Nakulle kapang appabattuA' olo'-olo' sekke' untu' angkanrei pandudu'na anjo pa'rasanganga, sa'genna anjo daeraya a'jarimi daerana sannaka bahayana siagang tenamo manna sitau barani angngoloi.

YEHEZKIEL 14:21

Nakana Batara Kaminang Tinggia, “LaKupabattui appaka hukkungang kaminang hebaka mae ri Yerusalem untu' angngancuruki baji' narupataua kammayatompa olo'-oloka. Anjo appaka hukkungang iamintu: bundu', kacipurang, olo'-olo' sekke' siagang garring.

YEHEZKIEL 5:17

Pantaranganna bala kacipuranga, lappabattu tongA' garring, kapallakang siagang bundu', untu' ambunoi pandudu'nu, siagang olo'-olo' sekkeka untu' ambunoi ana'-ana'na ke'nanga. INakke, Batara, anne akkana.”

KAIMANGNGANG 26:22

LaKupabattui olo'-olo' sekkeka ri tangnga-tangnganu. Anjo olo'-olo' sekkeka lanakokkoki ana'-ana'nu, lanabunoi olo'-olo' piaranu siagang lanapaccappukko, sa'gennu a'jari sike'de' dudu mamo tassesa, siagang la'jari sinoi sikamma oloanga lalang ri pa'rasangannu.

AMOS 9:3

Punna accokkoi ke'nanga ri coppo'na Moncong Karmel, laKuboyai naKujakkala' ke'nanga. Punna accokko ke'nanga irawanganna tamparanga, laKuparentakangi naga tamparanga untu' ampittoki ke'nanga.

MIKHA 7:17

Lakkaloloki ke'nanga ri buttaya rapang ulara'. Mallaki siagang annekkereki ke'nanga lassulu' battu ri pattahanganna ke'nanga, nampa battu mae ri Katte, o Karaeng Allata'alana ikambe.

HABAKUK 3:5

Kisuroi garringa a'jappa ri dallekanTa nakamateanga amminawang ri bokoTa.

PAOLE 28:22

LaNahukkungko Batara siagang garring-garring a'lette'-letteka, garring akkambang-kambanga siagang rammusuka. Lappabattui timoro' karring siagang anging appakamutunga sa'genna panra' lamung-lamunnu. Anjo balaya tulusu' lania'na battu antujuko sa'gennu panra'.

PAOLE 28:48

Lanri kammana minjo namusti nupare' ata kalennu mae ri musu-musunnu Nakiringa Batara untu' angngewako. Lanaalleko cipuru', turere, siagang lassolarakko kammayatompa lakakurangangko lalang sikontu passala'. Lanikapallakkiko nijallakkang ri Batara sa'gennu ancuru'.

PAOLE 28:53

Lalang nilipunna kota-kotanu ri musu-musunnu, latappu' minasa mako lanri cipuru'nu, sa'genna nukanremo ana' kalennu, iamintu ana'-ana' Napassareanga Karaeng Allata'alanu mae ri kau.