PAOLE 32:13 - KITTA' MATANGKASA'

¹³ BansaNa akkullei nakoasai moncong-monconga, ri butta a'batu-batua attimboi poko'-poko' zaitunga. Nakanrei ke'nanga wassele' koko-kokonna, nainung je'ne' bani taniparakaia ri alla' batu karanga.

PAOLE 32:13 ပူးပေါင်းရင်းမြစ်များ

2 SAMUEL 22:34

Napakajarreki bangkengku rapang bangkeng jonga, na Najagai kasalamakkangku ri monconga.

AYUB 20:17

Talanakasiakkami minynya' zaitun alla'bia, yareka dadi' siagang bani tattumpa-tumpaya napakamma jai.

AYUB 29:6

Jai sikali dadi' wassele' olo'-olo' piaraku. Jai minynya' wassele'na poko'-poko' zaitunku, manna nanjoreng ri butta jaia batunna nilamung.

PAMMUJI 18:33

Iaji Allata'ala akkulle ampakajarreka' siagang ampa'jari amangi oloangku.

PAMMUJI 81:16

Tau birisika ri ke'nanga laKupatunduki, lanihukkungi ke'nanga satunggu-tungguna.

YESAYA 48:21

Wattunna Narurungang ke'nanga allalo ri parang kalotoroka, tena nasessa ke'nanga napakamma turere. Napuei Batara moncong batua nampa appasolong je'ne' battu ri batuai Napassulukang je'ne' ke'nanga.

YESAYA 58:14

Na nularannu lanri nugaukanna ibadanu mae ri Nakke. LaKupa'jari tunipakalompoko ri sikontu linoa. Lasannangi tallasa'nu lanri wassele' tana pisaka battu ri Yakub, boenu. INakke, Batara anne le'ba' a'bicara.”

YEHEZKIEL 16:13

Kammami anjo batenu a'belo-belo bulaeng siagang pera'; pakeannu battu ri kaeng lenang siagang sa'be nisulang. Akkulleko angnganre roti battu ri tarigu kaminang bajika, siagang je'ne' bani kammayatompa minynya' zaitun. Ga'ganu teai sipato' siagang a'jariko rapang baine karaeng.

YEHEZKIEL 21:17

INakke lattempa lima tonga', nampa naung larroKu. INakke, Batara, anne akkana.”

YEHEZKIEL 36:2

‘Ri wattunna bansa-bansaya ri tammulilinu nabundukiko siagang naellakko, nahinai ke'nanga sikontu Israel. Rannui ke'nanga a'bicara angkanaya kamma-kamma anne anjo sikamma bulu'-bulu' battu riolo dudua iami ke'nanga pata. Lanri kammana anjo he moncong-monconga siagang bulu'-buluka, pangka-pangka binangaya siagang sikamma ka'bunga, he kota-kota ancurukamo a'jari rumbangngang siagang nibokoiamo ri tau ammantanna, kammayatompa niellaka siagang nicau-caua ri bansa-bansa niaka ri tammulilina, pilangngeri apa kananNa Batara Kaminang Tinggia mae ri kau: Lalang a'rerena larroKu Kucallai bansa-bansa niaka ri tammulilinu siagang kammaya Edom, lanri rannuna anghinako, na naalle passa buttaKu siagang narampasa' parang-parang ruku'na. Kamma-kamma anne larroA' siagang a'jalloKa' lanri anjo bansa-bansaya sanna' dudu nahinanu siagang napakatunako.

HOSEA 13:6

Mingka ri nia'numo ri pa'rasangang bajika, siagang bassoro' mako kammayatompa sukku'mi nusa'ring, a'jari tampo mako siagang takkaluppa mako mae ri Nakke.

PAOLE 28:47

Le'ba' mako nibarakkaki ri Karaeng Allata'alanu lalang ri sikontu passala', mingka tena nuero' ampa'jari atai kalennu mae ri Ia siagang ati matulusu'nu kammayatompa rannu nyawanu.

PAOLE 33:26

“E, Israel, parallui nuasseng angkanaya, la'biangngangi Allata'ala kala sikontu rewataya. Nalaloi langika lalang kala'biranNa natarrusuki rammanga untu' antulung ngasengko.

PAOLE 33:29

E, Israel, tamaka lompona upa'nu, tena bansa maraeng nipasalama' sangkamma ikau. Batara rapang sele'nu siagang pa'dannu, Naalleangangko siagang Nasareko pammetang. Labattui musunnu appala' a'mase-mase, nalanuonjo'-onjokang ke'nanga.”

PAOLE 8:15

Napimpingko Batara ammalo ri parang lompoa siagang hebaka, jaia ulara' a'racung siagang olo'-olo' akkullea ammuno. Ri butta kalotoroka tenaya je'ne'na Napassolongi je'neka battu lalang ri batua, sollannu akkulle angnginung sa'gennu bassoro'.

PAOLE 8:8

Anjo pa'rasanganga angngerangi wassele' sangka' rupanna, kammayami gandung, anggoro', rappo ara, rappo delima, poko' zaitun siagang bani.