PAOLE 32:11 - KITTA' MATANGKASA'

¹¹ Rapang balangkoa' angngajaraki ana'na anri'ba', anjakkalaki ri ka'nyi' ta'rangka'na,

PAOLE 32:11 ပူးပေါင်းရင်းမြစ်များ

PA'JARIANG 1:2

tenapa panrala'na buttaya, siagang tenapa apa-apa silolongang. Sikontu apa-apaya nitongkoki ri tamparang luara' siagang lompoa bombanna, naniaki sassang makkapuka. Mingka niaki koasa malompoNa Allata'ala a'gio' irate ri tompo'na je'neka.

PAMMUJI 18:10

Napuemi langika nampa naung mae siagang rammang sassang irawangngang bangkenNa.

KALAPPASSANG 19:4

“Le'ba' ngasemmi nucini' apa Kugaukanga mae ri tu Mesir, siagang antekamma bateKu angngerangko mae ri KalengKu ri anne tampaka lalang kakoasang lompoKu, rapang jangang-jangang rajawali angngerangi ana'na lalang ri ka'nyi'na.

YESAYA 31:5

Rapang sikayu jangang-jangang takkape'-kape' ka'nyi'na irate ri rumunna untu' anjagai ana'-ana'na, kamma tomminjo iNakke, Batara Kaminang Makoasaya, laKujagai siagang laKuallei kammayatompa Kupasalama' Yerusalem.”

YESAYA 40:31

Mingka tau manrannuanga ri Batara, langgappai kagassingang beru. Rapangi ke'nanga jangang-jangang rajawali anri'ba' tinggia siagang kagassingang ka'nyi'na. Lari ke'nanga na tena naposo, a'jappai ke'nanga natena na'jari mangngang.

YESAYA 46:4

INakke tuli Allata'alanu sa'gennu toa; siagang tuli anjagaiko sa'genna kebo' uu'nu. INakke ampa'jariko siagang tuli amparakaiko, laKutulungko siagang laKupasalamakko.

YESAYA 63:9

Ia KalenNa nituju ri kasusaanna ke'nanga. Tena Nakkiring Batara tunisuro yareka tunisare koasa; Ia KalenNa allappassangi ke'nanga lanri pangngamaseanNa siagang pangngarimanginNa. Tuli Naparakai ke'nanga battu riolo.

YEREMIA 13:11

Rapang lipa' bodo tassikko' jarreka ri aya'na tau ampakeai, kammami anjo erokKu sollanna tassikko' umma' Israel siagang Yehuda mae ri Nakke. Lanri kammanami anjo na'jarimo ke'nanga ummakKu ampa'jariai arengKu nipuji siagang nipakalompo. Mingka, taerokai ke'nanga mannuruki ri Nakke.”

HOSEA 11:3

Padahala' iNakke angngajari Israel a'jappa, anrakaki lalang pangngamaseangKu. INakke amparakai mingka taerokai angngani.

PAOLE 33:12

Ri sesena suku Benyamin nakana: “Iaminne suku Nakarimangngia Batara. Nala'langngi allo bangngi; ammantangi Batara ri tangnga-tangngana ke'nanga.”

IBRANI 11:3

Lanri tappatta, nanipahammo angkanaya anne linoa nipa'jari battu ri KananNa Allata'ala; jari, apa-apa akkullea nicini', kajariang battu ri apa-apa takkullea nicini'.

PAPPICINI' 12:14

Mingka nisaremi anjo bainea rua ka'nyi' jangang-jangang rajawali lompoa sollanna anri'ba' mae ri tampa'na ri parang lompoa; anjoremmi laniparakai tallun taung assitangnga sallona, sa'genna a'lilimo battu ri anjo nagaya.

PAPPICINI' 12:4

Nare'resammi bage talluna sikontu bintoenga ri langika siagang ingkonna nampa napasambila naung ri buttaya. Ammentengi anjo nagaya ri dallekanna anjo baine eroka ammana', lanri eroki nakanre ana'na anjo bainea punna lassuki.