PAOLE 31:9 - KITTA' MATANGKASA'

⁹ Nampa natulisi' Musa hukkunNa Karaeng Allata'ala nampa napassareang mae ri imang-imang Lewi nisarea tugasa' untu' angngurusuki Patti Parjanjianga, siagang mae ri sikamma pamimpinna Israel.

PAOLE 31:9 ပူးပေါင်းရင်းမြစ်များ

1 KARAENG-KARAENG 8:3

A'rappunna ngasemmo anjo pamimpinga, naangka'mi imang-imanga anjo Patti Parjanjianga,

2 KARAENG-KARAENG 17:37

Tuli mannurukiko ri hukkung-hukkungKu siagang parenta-parenta le'baka Kutulisi' untu' ikau. Teako anynyombai mae ri rewata-rewata maraenga,

1 PATTOTTORANG 15:2

Nakanamo Daud, “Tu Lewiji bawang akkulle angngangkaki Patti ParjanjianNa Batara, nasaba' iami ke'nanga nipile ri Batara untu' ampisangi anjo Pattia, siagang allayani mae ri Ia sa'genna satunggu-tungguna.”

NEHEMIA 8:2

Nampa naerammo Ezra anjo kittaka mae ri dallekanna anjo pa'rappungang tau jaia, iamintu bura'ne, baine siagang ana'-ana' anggannakamo umuru'na untu' akkulle ampahangi.

NEHEMIA 8:3

Nampa appakaramula bari'basa' sa'genna tangngallo nabaca Ezra anjo kitta' Hukkunga mae ri ke'nanga. Na yangasenna ke'nanga mappilangngeri baji'mi.

KALAPPASSANG 24:4

Le'baki anjo natulisi'mi Musa anjo sikontu parentaNa Batara. Ammukona ri bari'basaka, ambangummi se're tampa' pakkoro'bangngang siagang sampulo anrua batu napaenteng, ri bangkenna anjo monconga; tunggala' anjo batu nipaentenga nawakkeli kalase'renna sikamma suku Israel.

DANIEL 9:13

Sikontu anjo bala niaka tattulisi' lalang ri Hukkung napabattua Musa le'ba'mi Kipitujui ikambe. Mingka manna nakamma mamo, o Karaeng Allata'alana ikambe, tuli teana ija ikambe ampakasannangi atinTa. Tuli tenana naero' ikambe ambokoi dosa-dosana ikambe siagang taerokai ikambe amparhatikangi ajarang-ajaranTa.

HOSEA 4:6

Ikau ngaseng, sikamma imanga, tena nujampangiA', jari ummakKu tena tommo najampangiA' sa'genna natuju bala ke'nanga. Nutollaki ajarang-ajarangKu. Jari, iNakke laKutolla' tongko, siagang ana'-ana'nu tena nalaKuani salaku imang-imangKu.

MALEAKHI 2:7

Memang kawajibanna sikamma imanga untu' ampangngajarrangi apa tojenga ri passala'na inakke, Karaeng Allata'ala Kaminang Tinggia. Iami ke'nanga musti napakkuta'nangngi ra'yaka apa kukaerokia, lanri anjo ke'nanga tunisuroKu.

MALEAKHI 4:4

U'rangi sikamma pangngajaranna atangKu Musa, u'rangi sikamma hukkung siagang parenta-parenta Kupassareanga ri ia ri Moncong Sinai untu' nituruki ri sikontu umma' Israel.

PAMMILANGNGANG 33:2

Naparentakangi Batara mae ri Musa sollanna nacataki arenna anjo massing tampa' napassengkaia.

PAMMILANGNGANG 4:15

Nakana Batara mae ri Musa siagang Harun, “Ri wattunna nubongkara' pakkemaanga, Harun siagang ana'na musti antamaki ri KemaKu na narangka' ngaseng sikontu barang-baranga siagang pakkakasa' niaka anjoreng. Nampami punna le'baki anjo, akkullemi tu Kehat battu untu' ambuleki. Mingka takkulleai ke'nanga anciniki, anreppesi yareka anseroi anjo barang-baranga, lanri le'ba'namo nisa'la' anjo barang-baranga untu' iNakke. Punna nagaukangi ke'nanga anjo kammaya, mattantu matei ke'nanga. Jari, sollanna natena nacappu' anjo tu Kehat battu ri suku Lewi, Harun siagang ana'-ana'na musti ansarei tugasa' ke'nanga angkanaya apa massing naerang anjo ke'nanga. Iaminjo tugasa'na tu Kehat ri wattunna nipalette' KemaKu. Eleazar, ana'na Harun tanggong jawa' mae ri sikontu KemaKu, minynya' lampua, dupaya, koro'bang gandung tuli nipatalaya, minynya' upacara siagang sikontu apa niaka ilalang ri anjo KemaKu.”

PAMMILANGNGANG 4:5

Napassareangi Batara mae ri Musa paratorang kammaya anne: Punna narapi'mo wattunna nubongkara' pakkemaanga, Harun siagang ana'-ana'na musti antamaki ri KemaNa Batara, ampanaungi gordenga ri dallekanna Patti Parjanjianga, nampa narangka' anjo Pattia siagang anjo kaenga.

PAMMILANGNGANG 4:6

Le'baki anjo, musti narangkaki pole ke'nanga anjo Pattia siagang silawara' kaeng kukkulu' alusu', nampa nalapara' silawara' kaeng gau' irateanganna, siagang napataba kayu pa'bule'na anjo Pattia.

MARKUS 12:19

Nakanamo ke'nanga ri Isa, “Bapa' Guru, nia' atorang natulisi' Musa untu' ikatte angkanaya: ‘Punna nia' sitau bura'ne mate natena ana'na, nania' sari'battanna bura'ne, anjo sari'battang bura'nena musti nabuntingi anjo le'ba' bainenna sollanna nia' sossorang nasareangi anjo tau mateamo.’

LUKAS 20:28

“O Bapa' Guru, le'baki natulisi' Musa anne hukkung angkanaya: Punna nia' sitau bura'ne mate, natena ana'na musti nibuntingi anjo le'ba' bainenna ri sari'battanna anjo bura'ne matea, sollanna nia' sossoranna anjo bura'ne matea.

YOHANES 1:17

Nitarimai HukkunNa Batara, tete ri Musa. Mingka pangngamaseang siagang pangngatutuiNa Allata'ala nipa'nyatami lalang ri Isa Almasi.

YOHANES 1:45

Assibuntulu'mi Filipus siagang Natanael, na nakana ri ia, “Ikambe nibuntulu'mi anjo tau le'baka nasero kana Na'bi Musa lalang Kitta' HukkunNa Allata'ala, siagang le'baka nakabarrang na'bi-na'bia. Anjo taua nikanai Isa tu battua ri Nazaret, ana'na Yusuf.”

YOHANES 5:46

Ebara' angkana tappakko ri Musa, mattantu latappa' tommako ri Nakke, nasaba' iNakkemi nasero kana lalang ri apa le'baka natulisi'.

PAOLE 10:8

Anjoreng ri monconga Naallemi Batara tu Lewi nampa Nasa'la' untu' angngurusuki Patti Parjanjianga siagang nalayani Batara, kammayatompa ampabattui kana barakkaka lalang arenNa Batara. Iaminjo tugasa'na ke'nanga sa'genna kamma-kamma anne.

PAOLE 17:18

Punna nia' tau nilanti' a'jari karaeng, musti nisarei kitta' niaka lalang nitulisi' hukkung-hukkunNa Allata'ala, ia nipalembaya battu ri kitta' aslia nabolika imang-imang Lewi.

PAOLE 31:28

Kamma-kamma anne, suroi sikontu pamimpinna bansaya siagang komandanna tantaraya asse're ri dallekangku, sollanna akkulle kupabattu anne sikamma passalaka mae ri ke'nanga. Kukioki langika siagang buttaya salaku sa'bi mae ri ke'nanga.

PAOLE 33:10

Naajaraki ummatTa anturuki hukkunTa, siagang assare koro'bang irate ri tampa' pakkoro'bangnganTa.

YOSUA 3:3

nampa napabattu mae ri umma' Israel parenta kammaya anne, “Punna nucini' sikamma imanga ambuleki Patti ParjanjianNa Karaeng Allata'alanu, paralluko a'lampa todong ambokoi anne tampa' pakkemaanga. Pinawangi anjo Pattia,

YOSUA 6:12

Ammukona ri bari'basa' dudua, ambangummi Yosua, nampa a'barrisi'mi makapinruanna sikamma imanga siagang tantaraya angnginroi anjo kotaya; susunna anjo barisanga sangkammai ri allo makase'rea: uru-uruna barisang pangawala' ri dallekang, nampa tujua patui' tarompe', nipinawang ri imang-imang a'buleka Patti Parjanjiang, nampa kala'busanna iamintu barisang pangawala' bageang ri bokoa. Lalang kammana anjo nipasa'ra turusmi tarompeka.