PAOLE 31:26 - KITTA' MATANGKASA'

²⁶ “Allei anne kitta' HukkunNa Allata'ala, siagang boliki ri sa'rinna Patti ParjanjianNa Karaeng Allata'alanu, sollanna tuli nia'na anjoreng salaku sa'bi mae ri anjo bansaya.

PAOLE 31:26 ပူးပေါင်းရင်းမြစ်များ

1 KARAENG-KARAENG 8:21

Lalang ri anjo Balla'Na Batara kupasadiami tampa' untu' Patti Parjanjiang niaka bonena batu parjanjianNa Batara siagang boe-boeta, ri wattu Naeranna ke'nanga assulu' battu ri Mesir.”

1 KARAENG-KARAENG 8:9

Tena sikali apa-apa bonena lalang anjo Patti Parjanjianga pantaranganna ruaya batu. Anjo batu-batua napantamaki anjoreng Musa ri Moncong Sinai, ri wattunna appare' parjanjiang Batara siagang bansa Israel, ri wattunna lalang pa'jappang ke'nanga battu ri Mesir mange ri pa'rasangang Kanaan.

KALAPPASSANG 25:16

Nampa musti nupadongkoki lalang ri anjo pattia anjo ruaya batu niaka tattulisi' lalang sikamma parenta Kupassareanga mae ri kau.

GALATIA 2:19

Mingka le'ba'ma' mate mae ri hukkung-hukkung agamaya – iaminjo hukkung agamaya ambunoa' – sollangku akkulle attallasa' untu' Allata'ala. Le'ba'ma' nipasisalli' siagang Almasi.

PAOLE 31:19

Kamma-kamma anne, tulisi'mi anne kelong-kelonga. Pangngajarrangi anjo mae ri bansa Israel salaku sa'bi mae ri ke'nanga.

PAOLE 31:25

Ri wattunna le'ba'mo, nakanamo mae ri sikamma imang Lewi nisarea tugasa' untu' angngurusuki Patti Parjanjianga,

PAOLE 31:27

Kuassengi angkanaya teai sipato' kapala batuna ke'nanga siagang nangai angngewaya. Manna lalang attallasakku nangai ke'nanga angngewa ri Batara; sarroangampa sallang, punna matema'!

PAOLE 31:9

Nampa natulisi' Musa hukkunNa Karaeng Allata'ala nampa napassareang mae ri imang-imang Lewi nisarea tugasa' untu' angngurusuki Patti Parjanjianga, siagang mae ri sikamma pamimpinna Israel.

1 SAMUEL 10:25

Nampa napakasingara' Samuel mae ri anjo bansaya antekamma ha'na siagang kawajibanna karaenga, nampa natulisi' lalang ri se'reang kitta', nampa naboli' ri tampa' matangkasaka. Le'baki anjo nasuromi Samuel anjo sikontu bansaya massing ammotere' mange ri balla'na.