PAOLE 31:21 - KITTA' MATANGKASA'

²¹ siagang jai bala lompo lantujui ke'nanga. Mingka anne kelonga tuli lanikelongangi siagang tuli lanipakei salaku sa'bi mae ri ke'nanga. Ba'lalo manna ri kamma-kammaya anne, lalang tenanapa naKuerangi ke'nanga mange ri anjo pa'rasangang Kupa'janjianga, Kuassemmi nawa-nawanna ke'nanga.”

PAOLE 31:21 ပူးပေါင်းရင်းမြစ်များ

PA'JARIANG 6:5

Naciniki Batara antekamma ja'dala'na sikamma rupataua ri lino. Tuli ja'dala'na ngaseng pikkiranna ke'nanga.

PA'JARIANG 8:21

Sannammi pa'mai'Na Batara angngaraki rasa mabau'na anjo koro'banga, na Nakanamo lalang ri pa'mai'Na, “Tenamo nalaKutunrai anne linoa lanri panggaukanna rupataua; Kuassengi angkanaya battu ri wattu lolonaiji naja'dala'mo pikkiranna anjo rupataua. Tenamo nalaKuancuru' pole sikontu apa-apa attallasaka sangkamma anne apa beru le'baka Kugaukang.

1 PATTOTTORANG 28:9

Nampa nakana Daud mae ri Salomo, “Anakku, parallui nuakui Allata'ala nasombaya manggenu, salaku Allata'alanu. Musti anynyombako mae ri Ia situlusu'na atinnu. Nasaba' Naasseng ngasengi sikontu pikkiranta siagang apa nakaerokia atinta. Punna nuboyai, lanubuntuluki, mingka punna nubokoi, laNasorongbokoko sa'genna satunggu-tungguna.

PAMMUJI 139:2

IKatte angngassengi sikontu panggaukangku; battu bellaKi' naKipahang pikkirangku.

YESAYA 46:10

Battu ri pakaramulanna Kupaumi apa-apa labattua ri bokoanganna, battu riolo Kutappu memammi apa lakajarianga. Kukana: Lakajarianga apa le'baka Kutappuki, mattantu Kugaukangi erokKu!

HOSEA 5:3

Kuasseng ngasengi sikontuna batangkalennu ngaseng, he ikau tu Israel. Tena olona lania' akkulle nurahasiakang mae ri Nakke. Anynyombako ri barhalaya siagang tenamo namajarre' pa'mai'nu mae ri Nakke. Lanri kammana anjo, tena nasiratang taunnu anynyomba mae ri Nakke.”

KAIMANGNGANG 26:41

sa'gengKu angngalle tindakang angngewai ke'nanga nampa Kubongka ke'nanga mange ri pa'rasanganna musu-musunna ke'nanga. Kala'busanna, punna tundu'mo jari-jarinu siagang le'ba'mi najappai hukkunganga lanri dosana siagang mangngewana ke'nanga mae ri Nakke,

LAMPA-LAMPANA 2:23

Situru' ero' KalenNa, Natappukimi Allata'ala laNapassareang Isa Almasi mae ri kau ngaseng. Na ri wattunna nipassareang mae ri kau ngaseng, nuallemi nubuno, lanri nubalang parekanna nisalli' ri tau ja'dalaka.

LAMPA-LAMPANA 4:28

Asse'remi ke'nanga ero' a'gau' sangka' rupa, situru' apa le'baka Kipattantu angkanaya lakajariang memangi anjo kammaya. Na lanri koasa KalenTa siagang ero' KalenTa naKipattantu anjo apa lakajarianga.

PAOLE 30:18

mattantu lanipanrakiko. U'rangi! Kupauang mako anjo passalaka anne alloa. Tena nalala'bu umuru'nu ri pa'rasangang ba'leanna Binanga Yordan, tenayamo nasallo nanupammantangngi.

PAOLE 31:7

Nampa nakio' Musa anjo Yosua, siagang ri dallekanna sikontu bansa Israel nakanamo ri Yosua, “Paralluko majarre' pa'mai' siagang barani, Yosua! Ikau lampimpingi anne bansaya untu' ampammantangngi pa'rasangang Napa'janjianga Batara mae ri boe-boena ke'nanga.

PAOLE 4:30

Punna nitujuko ri yangasenna anjo balaya siagang punna niakko lalang ri kasukkaranga, lammoterekko mae ri Karaeng Allata'alanu siagang mannuruki ri Ia.