PAOLE 31:17 - KITTA' MATANGKASA'

¹⁷ Punna kajariang anjo kammaya, la'bettese'mi larroKu mae ri ke'nanga. LaKubokoi ke'nanga siagang laKupanraki. Jai bala lompo lantujui ke'nanga; nampami sadara' ke'nanga angkanaya nakajariang ngaseng anjo kammaya lanri iNakke, Allata'alana ke'nanga, tenamo naKururungangi ke'nanga.

PAOLE 31:17 ပူးပေါင်းရင်းမြစ်များ

1 KARAENG-KARAENG 8:57

Poro Narurungangki' Karaeng Allata'alata, sangkamma NarurunganNa boe-boeta. Poro tena lalo naNabokoiki'.

2 KARAENG-KARAENG 22:13

“A'lampako mange akkuta'nang ri Batara untu' inakke siagang untu' sikontu ra'ya' Yehuda ri passala'na anne kittaka. Larroi Batara mae ri katte lanri tenana nagaukangi boe-boeta parenta-parenta niaka tattulisi' lalang ri anne kittaka.”

1 PATTOTTORANG 28:9

Nampa nakana Daud mae ri Salomo, “Anakku, parallui nuakui Allata'ala nasombaya manggenu, salaku Allata'alanu. Musti anynyombako mae ri Ia situlusu'na atinnu. Nasaba' Naasseng ngasengi sikontu pikkiranta siagang apa nakaerokia atinta. Punna nuboyai, lanubuntuluki, mingka punna nubokoi, laNasorongbokoko sa'genna satunggu-tungguna.

2 PATTOTTORANG 15:2

sa'genna a'lampa mange assicini' siagang Karaeng Asa, nampa nakana, “He Karaeng Asa, siagang ikau ngaseng sikontu pandudu' Yehuda siagang Benyamin! Pilangngeri anne! A'reppeseki Batara punna a'reppesekko mae ri Ia. Punna appalakko pangngunju' ri Batara, laNasareko. Mingka punna tena numanjampangi ri Ia, tena todong nalaNajampangiko.

2 PATTOTTORANG 21:10

Baku'na anjo wattua tenamo natundu' Edom mae ri Yehuda. Iatommi anjo wattua nangngewa tommo taua ri kota Libna. Kajariang ngasengi anjo sikammaya lanri Yehoram nabokoimi Batara, Allata'ala, nisombaya ri boe-boena.

2 PATTOTTORANG 24:20

Nampa battumo RohNa Allata'ala angkoasai Zakharia ana'na Imang Yoyada. Majumi Zakharia ri dallekanna ra'yaka nampa akkio' angkana, “Nakana Karaeng Allata'ala, ‘Angngapa natena numannuruki ri parenta-parentaKu siagang nucilakai kalennu. Tenamo nujampangiA', jari tena tommo naKujampangiko!’ ”

NEHEMIA 9:32

O, Allata'ala, Allata'alana ikambe magassinga! Allata'ala malompoa siagang hebaka! MajarrekKi' anta'galaki sikontu parjanjianTa; Kirupai siagang Kigaukangi janji-janjinTa. Battu ri jammang sikamma karaeng Asyur anjallakkangi ikambe sa'genna kamma-kamma anne jaimi pa'risi' nakasia' ikambe. Sikamma karaenna ikambe, imang, na'bi siagang tutoa-toaya, kammayatompa boena ikambe siagang ra'yaka pa'risi' ngaseng. Teaki' kaluppai anjo pa'risika! Teaki' pelakki ri pangngu'ranginTa!

AYUB 13:24

Angngapa Ki'lili siagang bella battu ri nakke? Apa saba'na naKipa'jari musua'?

AYUB 34:11

Nahukkungi taua situru' panggaukanna, Nagauki taua situru' gau'na.

PAMMUJI 104:29

Punna a'gilingKi', mallaki ke'nanga; punna Kialle nappasa'na ke'nanga, possoki, nampa ammotere' a'jari limbu'bu' butta sangkamma riolo.

PAMMUJI 2:12

su'jukko mannekkere' ri dallekanNa, gassingka ma'jari larroi Batara na Naposso' silalonnako, saba' ti'ring a'rinra larroNa. Mate'nei taua ma'la'langa ri Batara!

PAMMUJI 27:9

teaKi' accokkoi battu ri nakke.” TeaKi' larroi siagang teaKi' tollaki atanTa, saba' iKattemi le'ba' antulunga'. TeaKi' pelakkia' yareka teaKi' bokoia', o, Allata'ala, Tumappasalamakku.

PAMMUJI 30:7

Ri wattunna amang kukasia', kukana, “Tena kulanibeta!”

PAMMUJI 44:10

Mingka kamma-kamma anne Kibokoimi ikambe siagang Kibalang parekang nibeta ikambe tenamo Kimaju siagang ikambe lalang ri barisanna ikambe.

PAMMUJI 89:46

Kipakabodoi umuru' rungkana, nampa Kitongko' kalenna siagang siri'.

PAMMUJI 90:11

Inaika angngassengi lompona pangngalarroinTa? Yareka angngassengi kale'bakkanna kalarroanTa?

YESAYA 2:6

O, Allata'ala, Kibokoimi ummatTa, turunganna Yakub! Saba' kemae-kemae taua ri anne pa'rasanganga ammakei pangngassengang baca-baca battu raya siagang battua ri Filistin. Napalembai ada'-ada'na bansa maraenga.

YESAYA 5:25

Larroi Batara mae ri bansaNa. Sadiami untu' anghukkungi ke'nanga. Lata'ge'gosoki sikamma monconga; maya'-maya'na tau matea latassiaraki rapang loro ri sikamma aganga. Mingka larro iji Batara siagang tuli laNagaukanna hukkunganNa.

YESAYA 63:17

O Batara, angngapa Kibalang parekangi ikambe lingu? Angngapa Kipa'jari terasaki nyawana ikambe sa'genna tamallakka ikambe mae ri Katte? Ammotere' lalo maKi' lanri ata-atanTa, lanri ummatTa, pisakaTa.

YESAYA 64:7

Tenanniakka appala' doang mae ri Katte, yareka appala' pannulung battu ri Katte, saba' Kicokkoi rupanTa battu ri kambe, na Kilappassang ikambe nipanraki ri dosana ikambe.

YESAYA 8:17

Le'baki Batara Nacokko KalenNa battu ri turunganna Yakub, umma'Na, mingka inakke tappaka' siagang manrannuanga' mae ri Ia.

YEREMIA 23:33

Nakana Batara, “Yeremia, punna kalase'renna tau battu ri ummakKu, yareka kalase'renna na'bi yareka imang akkuta'nang ri kau angkana, ‘Apa pasanNa Batara?’ Musti appialiko angkana, ‘Ikaumi pisangnganNa Batara; lanri kammanami anjo nalaNapelakko.’

YEREMIA 23:39

laKurappungi ke'nanga nampa kupasambila bella-bella, baji' nakalenna ke'nanga kammayatompa kota le'baka Kupassareang mae ri ke'nanga siagang mae ri boe-boena ke'nanga.

YEREMIA 33:5

tena matu-matunna angngewai tu Babel, nasaba' anjo kammaya poro lanapakajaiji maya'na tau Kubunoa lanri larroKu siagang lussakKu mae ri ke'nanga. TaerokaMa' anciniki pole anne kotaya, lanri sikamma taunna nagaukangi kaja'dallanga.

YEREMIA 36:7

Gassingka lanri kammana anjo nalappala' doang ke'nanga mae ri Batara, siagang toba' battu ri panggaukang-panggaukang ja'dala'na ke'nanga. Teai sipato' larroNa Batara mae ri ke'nanga siagang Naancangi ke'nanga.”

YEREMIA 40:2

Nakioka' anjo komandang pasukanga kale-kalengku nampa nakana ri nakke, “Karaeng Allata'alanu le'ba' angngancangi laNaancuru' anne pa'rasanganga.

YEREMIA 8:19

Pilangngeri! Rassi sikontu pa'rasanganga piraunna bansaku akkuta'nang angkana, “Tenakami Batara ri Sion? Kemae karaenna kamma-kamma anne?” Appiali Batara, Karaenna ke'nanga, angkana, “Angngapa nusu'ju' ri rewata-rewataya ia tena sikalia matu-matunna? Angngapa nupa'risi nyawaKu lanri anynyombanu ri barhala-barhalaya?”

YEHEZKIEL 39:29

LaKupantamaki RohKu antama ri bansa Israel, siagang tenamo nalanibokoi pole ke'nanga. INakke, Batara Kaminang Tinggia, anne akkana.”

HOSEA 10:4

A'bicara kosongi ke'nanga siagang appareki janji takontutojeng siagang anynyikkoki parjanjiang tenaya matu-matunna. Naputara' baleki hukkunga ke'nanga, sa'genna attimbomo tenaya naadele' rapang lamung-lamung a'racunga ri koko le'baka nibingkung.

HOSEA 9:12

Mingka manna pole nania' ana'-ana' nilassukang siagang nipakalompo, laKuallei ke'nanga; tena manna sitau laKulappassang attallasa'. Cilaka ngaseng mako ikau, he bansa Israel, punna Kubokoi ngaseng mako!”

MIKHA 3:4

Lanarapiki wattunna nulappala' tulung ngaseng mae ri Batara, mingka taerokai appiali. Tena nalaNapilangngeri sikamma pappala' doannu, lanri le'ba'na nugaukang kaja'dallanga.

PAMMILANGNGANG 14:42

Teako mangei a'bundu'! Lanibetako ri musu-musunnu lanri tena Narurungangko Batara.

PAOLE 29:20

Tena nalanipammopporang ri Batara tau kammaya anjo. Kabalekanna, lanitabai ri pangngalarroi lompoNa Batara, siagang sikontu anjo bala niaka tattulisi' lalang ri anne kittaka labattui antujui, sa'genna nipanraki ri Batara.

PAOLE 30:18

mattantu lanipanrakiko. U'rangi! Kupauang mako anjo passalaka anne alloa. Tena nalala'bu umuru'nu ri pa'rasangang ba'leanna Binanga Yordan, tenayamo nasallo nanupammantangngi.

PAOLE 30:19

Kamma-kamma anne akkullei nupilei kalase'renna iamintu attallasaka yareka matea, barakka' yareka pattunraNa Batara. Kukioki langika siagang buttaya untu' a'jari sa'bi mae ri kaputusannu. Pileimi attallasaka.

PAOLE 31:18

Ri anjo wattua taerokaMa' antulungi ke'nanga, lanri anynyombami ke'nanga mae ri rewata-rewata maraenga siagang a'gau' ja'dala'mi ke'nanga.

PAOLE 7:21

Jari teako mallakki mae ri anjo bansa-bansaya. Karaeng Allata'alanu lanjagaiko. Iami Allata'ala malompo siagang sannaka heba'na.

HAKING-HAKING 10:6

Dorakami pole umma' Israel mae ri Batara. Tenamo namangngu'rangi ke'nanga ri Batara, siagang tenamo nanynyomba mae ri Ia. Rewata-rewata Baal siagang Asytoret a'giling nasomba ke'nanga. Kammayatompa rewata-rewata bansa Siria, Sidon, Moab, Amon siagang Filistin, yangasemminjo nasomba ke'nanga.

HAKING-HAKING 6:13

Appialimi Gideon angkana, “Kipammopporanga' Batara! Punna kontutojeng angkanaya nirurungangi ikambe ri Batara, angngapa nania' ngaseng anne kammaya antujui ikambe? Kemaeji anjo sikontu le'baka Nagaukang Batara riolo, siagang nacaritaya boe-boena ikambe antekamma bateNa Batara ampasuluki ke'nanga battu ri Mesir? Kamma-kamma anne nibokoimi ikambe ri Batara. Nabalang parekammaki' nikoasai ri bansa Midian.”