PAOLE 30:6 - KITTA' MATANGKASA'

⁶ Ikau siagang jari-jarinu lanisareko nyawa sarroa mannuruki, sa'gennu mangngamaseang ri Karaeng Allata'alanu lalang sikontu pa'mai'nu siagang akkulleko tulusu' ammantang ri anjo buttaya.

PAOLE 30:6 ပူးပေါင်းရင်းမြစ်များ

KALAPPASSANG 20:6

Mingka Kupappicinikangi pangngamaseangKu mae ri assa'bu-sa'bua jari-jarina tau mangngaia mae ri Nakke siagang mannurukia mae ri parentaKu.

YEREMIA 24:7

LaKusarei ke'nanga kaerokang untu' ampahangi angkanaya iNakkemi Batara. Na la'jarimo ke'nanga ummakKu, siagang iNakke a'jari Allata'alana ke'nanga, lanri lammotereki ke'nanga mae ri Nakke lalang sikontu pa'mai'na.

YEREMIA 32:39

LaKusarei ke'nanga poro se're bawang oloang mange ri katallassanga: iamintu, napakalompoA' satunggu-tungguna; anjo kammaya langngerangi kabajikang mae ri kalenna ke'nanga, siagang mae ri jari-jarina.

YEREMIA 4:4

Ta'gala' jarreki janjinnu siagang iNakke, Batara, siagang sa'laki kalennu untu' iNakke, he pandudu' Yehuda siagang Yerusalem. Punna tena, lallumpai larroKu siagang la'rinrai rapang pepe' tenaya nakkulle nibuno manna pole ri nai. Yangasenna anjo kammaya lanatujuko lanri panggaukang-panggaukang ja'dala'nu.”

KAIMANGNGANG 18:5

Turuki paratorang-paratoranga siagang hukkung-hukkung Kupassareanga mae ri kau. Punna nugaukangi kammaya anjo, lasalamakko lalang tallasa'nu. INakkemi Batara.”

MATIUS 22:37

Appialimi Isa Nakana, “Kamaseangi Karaeng Allata'alanu siagang sitepu atinnu, sitepu pa'mai'nu kammayatompa sitepu tallasa'nu.

ROMA 11:26

lanipasalama' ngaseng tommi sikontu tu Yahudia. Nasaba' nia' tattulisi' lalang ri Kittaka angkanaya, “Laniaki Karaeng Mappasalamaka battu ri Sion; laNapakabella ngasengi sikontu kaja'dallanna battu ri sossoranna Yakub.

ROMA 8:28

Niassengi angkanaya Allata'ala ngaseng angngatoroki sikontu apa-apaya, sa'genna a'jari baji' mae ri sikamma tau angkamaseangai, iamintu sikamma tau Nakioka situru' ero' panggaukanNa.

1 KORINTUS 8:3

Mingka inai-nai attojeng-tojeng mangngamaseang mae ri Allata'ala, iami niasseng baji' ri Allata'ala.

2 KORINTUS 5:17

Inai-nai ampakase'remi kalenna mae ri KalenNa Almasi, a'jarimi tau le'ba' niberui taba sikali tallasa'na. Tenami apa-apa salloa ri kalenna, lanri le'ba' ngasemmi niberui.

PAOLE 10:16

Jari appakkaramula kamma-kamma anne musti mannurukiko mae ri Batara siagang tea' mako kapala batui pole.

PAOLE 11:1

“Kamaseangi Karaeng Allata'alanu, siagang tuli mannurukiko ri sikontu parentaNa.

PAOLE 6:5

Kamaseangi Karaeng Allata'alanu siagang sikontu pa'mai'nu: Pappicinikangi kammaya anjo lalang ampe-ampe tallasa'nu siagang lalang ri panggaukannu.

KOLOSE 2:11

Le'ba' mako nisunna' lanri asse're mako siagang Almasi; mingka teai sunna' nagaukanga rupataua, passangalinna sunna' Nagaukanga Almasi, le'baka allappassangko battu ri kakoasanna sipa'-sipa' dorakaya.

YAKOBUS 1:12

Maupaki tau sa'baraka ri wattunna nataba paccoba. Nasaba' punna akkullemi attahang lalang ri anjo paccobaya, lanatarimami passawallanna, iamintu katallassang le'baka Napa'janjiang Allata'ala mae ri sikamma tau mangngamaseanga ri Ia.

YAKOBUS 2:5

U'rangi sikamma sari'battangku, sannaka kukarimangnginna! Ia tau nicini' kasi-asia ri anne linoa, iami nipilei ri Allata'ala untu' a'jari tu kalumanynyang lalang ri katappakkanga. Iaminjo tau kammaya la'jari Umma'Na Allata'ala situru' Napa'janjianga Allata'ala mae ri sikamma tau angkamaseangai.

1 YOHANES 4:7

Sikamma sari'battang sannaka kukarimangnginna! Mae mako kimassing sikamaseang; nasaba' Allata'ala assala'na anjo pangngamaseanga. Inai-nai mangngamaseang, iami ana'Na Allata'ala siagang iami angngassengi Allata'ala.