PAOLE 30:20 - KITTA' MATANGKASA'

²⁰ Mangngamaseangko mae ri Karaeng Allata'alanu, mannurukiko mae ri Ia, siagang majarre' pa'maikko mae ri Ia. Na ikau siagang jari-jarinu lattallasakko siagang lala'bui umuru'nu ri pa'rasangang Napa'janjianga Batara mae ri boe-boenu iamintu Abraham, Ishak siagang Yakub.”

PAOLE 30:20 ပူးပေါင်းရင်းမြစ်များ

PA'JARIANG 12:7

Napappicinikammi KalenNa Batara mae ri Abram na Nakana ri ia, “Iaminne pa'rasangang laKupassareanga mae ri sossorannu.” Nampa ambangummo Abram se're tampa' pakkoro'bangngang anjoreng untu' Batara, ia le'baka ampappicinikangi KalenNa mae ri ia.

PA'JARIANG 17:1

Ri wattunna salapampulo assalapang taung umuru'na Abram, Napappicinikammi KalenNa Batara mae ri ia na Nakana, “INakkemi Allata'ala Kaminang Koasaya. Turuki laloA' siagang tuli gaukangi erokKu.

PAMMUJI 27:1

Pammujina Daud. Batarami caya singarakku siagang kasalamakkangku, tena lakukamallakkang. Batara tampa' pa'la'langangku, tena kulamalla'.

PAMMUJI 30:5

Kelongangi lagu pammuji-mujia mae ri Batara, he, umma'Na tamamminraya, siagang appala' sukkurukko mae ri Kaminang Matangkasaka.

PAMMUJI 36:9

Sukkuki ke'nanga ri kanre alla'bi-la'bia ri BallatTa, siagang inungang battua ri binangaTa appakanyamangi.

PAMMUJI 37:3

Tappakko ri Batara, siagang gaukangi bajika, ammantang mako ri anjo pa'rasanganga siagang teako amminrai.

PAMMUJI 66:9

Najagaimi ikambe sollanna tulusu' attallasa' ikambe, siagang tena nabalang parekangi tu'guru' ikambe.

KAIMANGNGANG 18:5

Turuki paratorang-paratoranga siagang hukkung-hukkung Kupassareanga mae ri kau. Punna nugaukangi kammaya anjo, lasalamakko lalang tallasa'nu. INakkemi Batara.”

YOHANES 14:6

Appialimi Isa Nakana, “INakkemi oloanga untu' angngassengi Allata'ala, siagang untu' anggappai katallassanga. Tenanniakka tau akkulle battu mae ri Manggea punna tena nangngolo ri Nakke.

YOHANES 17:3

Iaminne katallassang mannannungang; sollanna naassengKi' taua Bapa', angkanaya tena ruanTa Allata'ala sitojennaya. Kammayatompa nanaasseng tongi Isa Almasi, iamintu Kisuroa battu antama' ri lino Bapa'.

LAMPA-LAMPANA 11:23

Na ri wattunna battu Barnabas mange anjoreng, nacini'mi antekamma bateNa Allata'ala ambarakkaki ngasengi anjo taua. Sanna'mi rannuna Barnabas. Na napakainga'mo ke'nanga sollanna jarre' tojeng-tojeng tappa'na ke'nanga ri Batara.

LAMPA-LAMPANA 17:25

Tena todong Naparallu ri pannulunna rupataua, nasaba' Iami assarei katallassang siagang nyawa, kammayatompa assarei sikontu apa-apa rupataua!

LAMPA-LAMPANA 17:28

Kamma biasaya napau taua angkana, ‘Akkulleki' nia', attallasa', siagang a'gio' ri anne linoa lanri kakoasanNa Allata'ala.’ Sangkamma tonji siagang apa napaua tu cara'de'nu, angkanaya, ‘Ikatte ngaseng, ana'-ana'Naki' Allata'ala.’

ROMA 12:9

Angngamaseangko siagang ci'nong pa'mai'. Musti nukabirisi gau' ja'dalaka, siagang anna'gala' jarrekko mae ri apa-apa bajika.

GALATIA 2:20

Kamma-kamma anne teaimi kalengku attallasa' mingka Almasi attallasa' ri kalengku. Anne katallassang niaka ri nakke kamma-kamma anne, iamintu katallassang matappa' mae ri Ana'Na Allata'ala, mangngamaseanga ri nakke, siagang le'baka angkoro'bangkangi KalenNa untu' katallassangku.

PAOLE 1:8

INakke, Batara, le'ba' ampa'janjiangi sikontu anjo buttaya mae ri boe-boenu iamintu Abraham, Ishak siagang Yakub kammayatompa mae ri jari-jarina ke'nanga. Jari a'lampa mako mange ampammantangngi anjo buttaya.’ ”

PAOLE 10:12

“Kamma-kamma anne sari'battangku ngaseng, parhatikang lalomi apa Natuntuka Karaeng Allata'alanu battu ri kau, angkanaya: Pakala'biriki Karaeng Allata'alanu siagang gaukang laloi sikontu Naparentakanga. Mangngamaseangko mae ri Ia, siagang gaukang laloi ibadanu mae ri Ia ilalang sikontu batangkalennu siagang nyawanu.

PAOLE 10:20

Pakala'biriki Karaeng Allata'alanu, siagang Iaji bawang musti nusomba. Paralluko tuli majarre' pa'mai'nu mae ri Ia siagang lalang arenNa bawang nussumpa.

PAOLE 11:22

Turuki siagang pa'mai' tamamminra sikontu hukkung kupabattua mae ri kau, iamintu: Kamaseangi Karaeng Allata'alanu, gaukangi sikontu apa Naparentakanga mae ri kau, siagang paralluko tuli tamamminra pa'mai' mae ri Ia.

PAOLE 11:9

Siagang lattallasa' mako sisalloang ri pa'rasangang kalumanynyanga siagang copponga buttana, iamintu Napa'janjianga Batara mae ri boe-boenu siagang mae ri jari-jarina ke'nanga.

PAOLE 12:10

Punna le'ba' mako a'limbang ri Binanga Yordan, laNatulungko Karaeng Allata'alanu untu' ampantamakki siagang ampammantangngi anjo butta niaka ri ba'leanna anjo binangaya. LaNajagaiko battu ri sikontu musua, siagang laamangko siagang salewangangko lalang tallasa'nu.

PAOLE 30:16

Anne alloa kuparentakangko sollanna nukamaseang Karaeng Allata'alanu, mappilangngeriko ri Ia, kammayatompa gaukangi sikontu hukkung-hukkunNa siagang parentaNa sollana baji' pattallassannu siagang a'jariko bansa lompo. LaNabarakkakiko Karaeng Allata'alanu ri pa'rasangang tenayamo nasallo nanupammantangngi.

PAOLE 30:6

Ikau siagang jari-jarinu lanisareko nyawa sarroa mannuruki, sa'gennu mangngamaseang ri Karaeng Allata'alanu lalang sikontu pa'mai'nu siagang akkulleko tulusu' ammantang ri anjo buttaya.

PAOLE 31:1

A'bicarami pole Musa mae ri bansa Israel,

PAOLE 32:47

Anne pangngajaranga teai bicara kosong, passangalinna untu' katallassannu. Turuki anjo sikontua parenta, sollanna la'bu umuru'nu ri pa'rasangang tenayamo nasallo nanupantamakki ri ba'leanna Binanga Yordan.”

PAOLE 4:1

Nampa nakana Musa mae ri anjo bansaya, “Turuki sikontu hukkung kupangngajarranga mae ri kau ngaseng, sollannu attallasa' sa'genna nupammantangngi anjo butta laNapassareanga Batara, Allata'alana boe-boenu, mae ri kau.

PAOLE 4:4

nampa ikau tuli majarreka tappa'na mae ri Karaeng Allata'alanu attallasa' ijako sa'genna kamma-kamma anne.

PAOLE 4:40

Turuki sikontu hukkung kupassareanga mae ri kau anne alloa, nampa ikau siagang jari-jarinu lasalewangangko siagang latuli attallasa' mako ri pa'rasangang Napassareanga Karaeng Allata'alanu a'jari pisakanu sa'genna satunggu-tungguna.”

PAOLE 4:6

Majarrekko anggaukangi anjo kammaya. Punna nugaukang anjo kammaya, a'nyatami kacara'dekannu mae ri bansa-bansa maraenga. Punna nalangngereki ke'nanga ri passala'na anjo sikamma hukkunga, lanakana ke'nanga, ‘Teai sipato' cara'de'na siagang taranna ota'na anjo bansa lompoa!’

PAOLE 5:16

Pakalompoi siagang parakai anrong manggenu; iaminjo parentaKu, Karaeng Allata'alanu, sollannu salewangang siagang la'bu umuru'nu ri pa'rasangang Kupassareanga mae ri kau.

PAOLE 6:2

Paralluko ikau siagang jari-jarinu ampakala'biriki karaeng Allata'alanu lalang sikontu tallasa'nu siagang nuturuki sikontu hukkung kupabattua mae ri kau, sollanna la'bu umuru'nu ri anjo pa'rasanganga. Lanri kammana anjo, pilangngeri

PAOLE 6:5

Kamaseangi Karaeng Allata'alanu siagang sikontu pa'mai'nu: Pappicinikangi kammaya anjo lalang ampe-ampe tallasa'nu siagang lalang ri panggaukannu.

YOSUA 23:11

Lanri kammana anjo, angngu'rangiko untu' mangngamaseang mae ri Karaeng Allata'alanu.

YOSUA 23:8

Ba'lalo musti tuli tamamminrayai pa'mai'nu mae ri Batara, sangkamma le'bakamo nugaukang sa'genna kamma-kamma anne.

PAPPICINI' 21:6

Nampa Nakana, “Le'ba'mi! INakkemi uru-urua siagang kala'busanga; iNakkemi Batara battu ri Pakaramulaya sa'genna ri Kala'busanga. Sikamma tau turerea laKusare cuma-cumai je'ne' inung battu ri timbuseng je'ne' katallassanga.

PAPPICINI' 22:1

Napicinikiang tomma' anjo malaekaka binanga assarea katallassang je'ne'na. Anjo binangaya accillaki je'ne'na sanrapang kaca a'lo'loroka battu ri empoang kala'biranNa Allata'ala siagang battu ri anjo Ana' Gimbalaka,

PAPPICINI' 22:17

Nakanamo RohNa Allata'ala siagang Bunting Bainea, “Mae mako!” Sikamma allangngerekai musti angkana tongi, “Mae mako!” Inai-nai turere, battu mako mae! Siagang inai-nai ero' mae mako angngalle cuma-cuma je'ne' katallassang!